YEREMIA 2:5 - Jinghpaw Common Language Bible 2009

⁵ Dai Madu gaw ning nga tsun ai: “Na a nji nwa ni gaw kaning re ai mara hte ngai hpe mara shagun ma ta? Hpa lam a majaw shanhte hpe ngai kaw na kayin kau shangun nga a ta? Shanhte gaw akyu n jaw ai hpara sumla ni hpe nawku nna shanhte nan manu n dan ai ni tai wa masai.

Jinghpaw Hanson Version Bible

⁵ Yehowa ning nga ai, “Nanhte a nji nwa ni gaw, ngai hte tsan wa nna, be be kaman lam hkan let, be be kaman tai wa hkra, ngai hta kaning re ai mara mu hkrup ma ta?

YEREMIA 2:5 ပူးပေါင်းရင်းမြစ်များ

2 HKAWHKAM 17:15

Shanhte gaw shi a matsun maroi ga ni hpe madat mara na matu ningdang kau nhtawm shi hte shanhte a kaji kawa ni hte tawn da ai ga shaka hpe n hkan shatup ai hte shi a shadum jahprang ai ga ni hpe shanhte n kaw n law di kau ma ai. Shanhte gaw manu n dan ai hpara sumla ni hpe nawku nhtawm tinang hkum hpe manu shagrit kau ma ai; shanhte gaw grup yin masha amyu baw ni a htung lailen ni hta hkan nhtawm shanhte a arawn alai ni hpe len n la na matu dai Madu a hkang da ai ga ni hpe mung n madat nga ma ai.

SHAKAWN KUNGDAWN 115:8

Dai hpara sumla ni hpe tawk galaw ai ni hte, shanhte hpe kam sham nga ai ni gaw shanhte galaw ai hpara sumla ni zawn sha, rai nga mu ga.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

ESAIA 44:9

Hpara sumla tawk ai ni gaw kaman lila rai nga ma ai, shanhte manu shadan ai hte tawk da ai karai ni gaw asung n shang nga ai. Ndai karai ni hpe nawku ai ni gaw myi kyaw ai hte hpa mung n chye ma ai-shanhte gaw kaya kahpa hkrum na mara ai.

ESAIA 46:12

“Du ja nna awng padang hte tsan nga ai ngu myit nawn nga ai ni e, nye a ga madat mu.

YEREMIA 10:8

Shanhte yawng myit n su ai hte angawk angak re ai ni rai ma ai. Hpun hte tawk ai hpara sumla ni kaw na hpa baw a lam hpe shanhte sharin la lu nga ma ta?

YEREMIA 12:2

Nang shanhte hpe hkai da ai hte shanhte ru jung nga ma ai; shanhte tu kaba wa nna asi si nga ai. Shanhte gaw na a mai kaja lam hpe tut nawng tsun ma ai, timung, shanhte gaw nang hpe teng teng hpa zawn n nawn nga ma ai.

YEREMIA 14:22

Masha amyu baw ni a hpara sumla ni kadai mung marang n lu jahtu ya nga ai; lamu gaw shi hkrai marang jahtu lu nga ai n rai; O Madu anhte a Karai Kasang e, anhte gaw nang hpe myit mada nga ga ai. hpa majaw nga yang, nang gaw ndai amu ni hpe galaw ai wa nan rai nga ndai.

YEREMIA 2:31

Israela amyu masha ni e, ngai tsun nga ai ga madat mu. Ngai gaw na a matu zaibru jang zawn, nsin zawn hte hkrit hpa lamu ga langai zawn tai yu nga a ni? Dai re ai mi, nang ra sharawng ai hku nang galaw nna, ngai hpang de galoi mung n wa na nga nna hpa majaw tsun n ta?

YEREMIA 2:4

Yaku a aru arat ni hte Israela a amyu bawsang ni e, dai Madu a mungga hpe madat mu.

YEREMIA 8:19

Madat u! Nye a amyu masha ni a hkrap shabam nga ai nsen hpe mungdan ting hta ngai na nngai. Dai Madu gaw Ziun mare hta n nga sani? Ziun a hkawhkam gaw dai yang e n nga sani? Dai Madu shanhte a hkawhkam wa gaw, “Na a hpara sumla ni hpe nawku ai hte akyu n rawng ai na a maigan karai ni hpe gum dagup ai hku ngai hpe hpa majaw pawt sindawng shangun myit ta?,” ngu nna htang shana wu ai.

EZEKELA 11:15

Shi gaw, “Si chye ai masha wa e, Yerusalem hta nga ai amyu masha ni gaw na a lam hte bawng dung hkrum nga ai na a Israela kahpu kanau ni hte seng nna tsun jahta nga ma ai. Shanhte gaw, ‘Bawng dung hkrum ai masha ni gaw dai Madu hpe nawku na matu grai tsan gang mat wa masai. Shi gaw ndai lamu ga anhte hpe jaw mani ai,’ ngu nna tsun ma ai.

EZEKELA 14:5

Ndai hpara sumla ni yawng gaw Israela amyu masha ni hpe ngai kaw na kayin kau dat nga ai, rai ti mung, nye a mahtai hte maren, shanhte a sadi dung ai hpe ngai bai hkam la lu na myit mada nga nngai.

YONA 2:8

Akyu n rawng ai hpara sumla nawku ai ni gaw nang hta sadi dung nga ai lam kau da manu ai.

MAHTE 15:8

‘Ndai amyu gaw tinang a nten hte ngai hpe hkungga lara rai ma ti mung, tinang a myit masin gaw ngai hte kaja wa tsan gang nga malu ai.

KASA 14:15

Hkau hte e, “Hpa rai dai galaw wa myit ta? An mung nanhte hte maren shinggyim masha yan sha arai ga ai! Ndai kaman lila amu ni hpe kau da nna, sumsing lamu hte ginding aga nammukdara hte dai hta rawng ai nga manga hpe hpan tawn da ai ahkrung nga ai Karai Kasang hpang de kayin wa myit ga, ngu nna she nanhte hpe dai Kabu Gara Shiga hkaw dan ai rai ga ai.

ROMA 1:21

Shanhte gaw Karai Kasang hpe chye chyang ninglen Karai Kasang hpe shagrau sha-a ang ai hte maren, n shagrau sha-a ma ai, chyeju jawm shakawn kung dawn ai lam n galaw ma ai, shanhte a myit mang ai lam gaw, lachyum n pru kaman li la sha rai mat malu ai majaw, shanhte a htauli htaula myit kaja ai myit masin ni gaw sin mak ai hte hpring chyat nga malu ai.

TARA JAHPRANG 32:21

Shanhte a hpara sumla ni hte ngai hpe masin pawt shangun nna; mying gun hpara ni, ngai hpe yu manawn nga ma ai; dai hpara ni mahtang karai jet ni n rai ma ai. Dai rai nna, hti n mai ai amyu hpe ngai lang nna shanhte hpe masin pawt shangun na nngai; angawk angak re ai amyu hte mung shanhte hpe manawn shangun na nngai.

1 SAMUELA 12:21

Lam shadam shangun ai hpara ni hpang de hkum hkan myit; dai ni gaw nanhte hpe karum ya lu ai n rai, dai ni gaw ajet n rai nga ai majaw nanhte hpe hkye la lu ai n rai.