YEREMIA 2:2 - Jinghpaw Common Language Bible 2009

² Yerusalem hta nga ai masha shagu hte hpe ndai mungga tsun na matu tsun wu ai. “Nang ram prat naw rai nga yang, nang kade wa kangka nga ndai hpe mung, anhte shawng nnan hkungran ga ai shaloi, nang ngai hpe kade tsaw ra ai hpe mung, zaibru jang hku mung, hkun hkraw ai lamu ga hku mung nang ngai kaw hkan nang nga ndai hpe ngai dum nga nngai.

Jinghpaw Hanson Version Bible

² Yehowa ning nga ai; “Na a ram prat e hkam la ai chyeju hpe mung, nang mahtan da ai tsawra myit hpe mung, nli n mai gat ai hkun hkraw ai shara hta e, nang ngai kaw hkan nang nga ai hpe mung, ngai dum nngai.

YEREMIA 2:2 ပူးပေါင်းရင်းမြစ်များ

SHAKAWN KUNGDAWN 129:1

Israela e, nang gaw naw kaji nga ai aten kaw nna, na a gumlau hpyen ni nang hpe kaning rai zingri zingrat di lai wa sai lam, anhte hpe tsun dan mi.

PRU MAT 14:31

Dai Madu gaw shi a daru magam n-gun kaba hte Egutu masha ni hpe dang kau lu nu ai lam hpe Israela masha ni mu ma ai shaloi, shanhte gaw dai Madu hpe hkrit nga ma ai; shanhte gaw dai Madu hte shi a shangun ma Mawshe hpe kam sham ma ai.

PRU MAT 16:8

Dai hpang Mawshe gaw, “Nanhte gaw dai Madu hpe kade lang aput manit dai hpe shi na ya nu ai majaw shana de nanhte sha na matu shan hpe mung, jahpawt e sha mayu ai made sha na muk hpe mung, shi jaw na ra ai. Nanhte an hpe aput mi ai gaw dai Madu hpe teng teng aput ai sha rai nga myit dai,” ngu nna tsun wu ai.

GA SHAGAWP 1:20

Madat mu! Hpaji byeng-ya gaw mare nmaw lam ni hte gat ginra ni hkan jahtau garu nna shabra nga ai,

Shawlumon A Mahkawn Ga 3:11

Ziun numsha ni e, Hkawhkam Shawlumon hpe sa yu yu mu. Shi a hkungran poi galaw ai shani, shi a kabu gara ai hte kabu awng sharawng ai shani hta, shi a kanu gaw shi a baw hta shagup ya ai janmau hpe shi gup nga ai.

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

YEREMIA 11:6

Dai hpang, dai Madu gaw ngai hpe, “Yuda mare ni hte Yerusalem nmaw lam ni de sa su. Dai shara hkan e nye a mungga hkaw tsun ai hte amyu masha ni ga shaka mungga madat na hte dai ga ni hpe madat mara hkan sa na matu tsun u.

YEREMIA 19:2

Hinom Kadit de hkrang ai Di bu Shaga Chyinghka lam hku ga sa wa na ngai hpe tsun wu ai. Dai shara e ngai htawn tsun na mungga shi ngai hpe jaw wu ai.

YEREMIA 2:1

Dai Madu gaw ngai hpe

YEREMIA 2:6

Ngai gaw shanhte hpe Egutu mung kaw nna hkye mawai la nhtawm kadai mung n nga ai hte kadai mung pyi n lai hkawm yu ai dai zaibru jang ga hte zaibru nhkun ni, hkun hkraw ai hte hkrit tsang hpa lamu ga ngu ai nam mali hku shanhte hpe woi wa tim pyi shanhte ngai hpe hpa zawn n nawn ma ai.

YEREMIA 3:4

“Ya chyawm gaw, nang ngai hpe, ‘Nang gaw nye wa rai nga ndai, ngai naw kaji ai ma aten kaw nna nang ngai hpe tsaw ra nga nit dai.

EZEKELA 16:22

Shawa num langai zawn na a matsat shabat amu galaw ai asak hkrun lam laman hte yang, nang singgu krin rai nga nna na a asai hta galu nga ai shaloi, nang gaw na a ma prat hpe kalang mi sha pyi galoi mung n dum yu nit dai,” ngu nna tsun wu ai.

EZEKELA 16:60

Rai ti mung, nang naw kaji nga yang, ngai nang hte tawn da ai ga shaka hpe ngai shagrau nga na nngai; ngai gaw nang hte htani htana agrin nga na ra ai ga shaka hpe tawn da na nngai.

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

EZEKELA 23:19

Shi gaw shawng de hkawn ram prat e Egutu mung hta shawa num naw tai nga yang na hta grau nna sawng ai shawa num tai wu nu ai.

EZEKELA 23:3

Shan gaw hkawn ram prat e, Egutu mung hta shanu nga ma ai, shaloi shan a hkawn jet ai maka gaw hten mat ai hte shawa num tai wa masai.

EZEKELA 23:8

Shi gaw shi a hkawn jet ai hpe jahten kau nna Egutu mung e shawa num amu galaw hpang ai hte matut galaw nga wu ai. Shi a hkawn ram prat kaw nna lasha ni shi hte rau yup nna shi hpe shawa num zawn di ma ai.

HOSEA 11:1

Dai Madu gaw, “Israela gaw ma naw rai nga yang, ngai shi hpe tsaw ra ai hte nye a kasha zawn shi hpe Egutu mung kaw na shaga shapraw la se ai.

HOSEA 2:15

Ngai gaw shi a sabyi sun ni hpe bai jaw nna Tsin-Yam Tsindam Kadit hpe mung myit mada chyinghka shatai na we ai. Shi naw mahkawn nga yang, Egutu mung na pru wa ai shaloi shi galaw ai zawn shi ngai hpe htan ya na ra ai.

HOSEA 2:17

Ngai gaw shi hpe Bala a mying hpe galoi mung bai tsun shangun na ni ai n rai.

HOSEA 2:7

Shi gaw shi a sumtsaw ni a hpang hkan mat wa na ra ai rai ti mung shanhte hpe hkan dep lu na n rai. Shi gaw shanhte hpe tam na ra ai rai ti mung shanhte hpe mu na ra ai n rai. Dai hpang shi gaw, “Ngai gaw nye a shawng na madu wa hpang de nhtang wa na nngai-dai gaw ya na zawn ngai nga nga ai hta grau kaja nga ai,” ngu nna tsun wu ai.

HOSEA 8:1

Dai Madu gaw ning nga tsun ai: “Pahtau dum dat mu! Gumlau hpyen ni gaw nye a mungdan de galang ni zawn htim yu wa ma hka! Nye a amyu masha ni gaw shanhte hte ngai tawn da ai ga shaka hpe jahten kau nhtawm nye a sharin shaga ai ga hpe gumlau kau manu ai.

HOSEA 9:10

Dai Madu gaw, “Israela hpe shawng nna ngai mu yang, dai gaw zaibru jang e tu ai sabyi si hpe mu tam ai zawn rai nga ai. Nanhte a kaji kawa ni hpe shawng nnan ngai mu ai shaloi dai gaw shawng si ai lagum hpun kaw shawng myin ai lagum si ni hpe mu ai zawn rai nga ai. Rai ti mung shanhte Peora Bum de sa wa mu yang, Bala hpe nawku hpang wa ma ai rai nna kade n na yang, shanhte tsaw ra ai hpara ni zawn matsat shabat tai wa masai.

YONA 1:2

Shi gaw, “Kaba la ai Ninewe mare de sa nna ninghkap ai ga tsun su; Ngai gaw dai mare masha ni kade daram n hkru nga ai lam chye nga nngai,” ngu nna tsun wu ai.

MAHTE 11:15

Na tu ai wa gaw na la u ga!

LUKA 12:13

Shawa hpawng kata de na masha langai mi gaw, “Sara e, anhte a kawa htawng kau da ya ai sali arung arai ni ngai e garan ya na matu, ngai hpu wa hpe tsun ya rit,” ngu nna Yesu hpe tsun wu ai.

TARA JAHPRANG 2:7

“Dai Madu nanhte a Karai Kasang gaw nanhte galaw sai lam magup hta kaning rai shaman ya manit dai hpe adum nga mu. Ndai htat ai nam mali kata hkan nanhte hkawm sa nga myit yang, nanhte hpe lanu lahku la manit dai. Shing rai nanhte hta ra kadawn nga ai lam magup lu la hkra, ndai shaning mali shi ning tup nanhte hte rau nga lai wa nu ai.

TARA JAHPRANG 33:3

Dai Madu gaw shi a amyu masha ni hpe tsaw ra nga ai rai nna, shi hte seng ai ni hpe makawp maga ya nga ai. Dai rai nna, shi a lagaw nhpang e anhte gum dagup nna shi a hkang da ai ga ni hpe hkan sa ga ai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

YAKU 4:4

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.

SHINGRAN 2:4

Rai ti mung ya nang ngai hpe shawng de na zawn n tsaw ra mat nit dai majaw, nang hta mara shagun shara ngai mu nngai.