YEREMIA 2:10 - Jinghpaw Common Language Bible 2009

¹⁰ Sinna maga nga ai Kupru zunlawng de sa nna, sinpraw maga de nga ai Kedara mung de masha langai mi hpe shangun dat u. Shawng de ndai zawn galoi mung n byin yu ai amu hpe nang mu na rai ndai.

Jinghpaw Hanson Version Bible

¹⁰ “Kitim zunlawng ni de rap nna mada yu mu; Kedara de shangun nna atsawm sha gawn yu mu: dai zawn re ai amu byin yu sai kun, sumru yu u.

YEREMIA 2:10 ပူးပေါင်းရင်းမြစ်များ

NINGPAWT NINGHPANG 25:13

hpe shangai ya wu ai rai nna dai shadang sha ni a shangai chyinghkai hkrat wa ai jahpan gaw ndai hku rai nga ai. Dai ni gaw Nabaiyut, Kedara, Adebela, Mibsam,

1 HKAWHKAM 9:9

Shaloi masha ni gaw, “Shing re ai lam gaw Egutu mung kaw nna shanhte a kaji kawa ni hpe woi wa ai dai Madu shanhte a Karai Kasang hpe shanhte kau da nga ma ai majaw rai nga ai. Shanhte gaw kaga karai ni a hpang de hkan nang ai hte dai ni hpe nawku ma ai. Dai lam a majaw dai Madu mung shanhte a ntsa e ndai ru yak tsin-yam tsindam shapraw dat nga ai,’” ngu nna htan na mara ai.

1 HKAWHKAM LABAU 1:7

Yawan a amyu matu ni gaw Elisha, Spain, Kupru, Rhodes masha ni rai ma ai.

1 HKAWHKAM LABAU 23:1

Dawi gaw asak kaba dingla ugut gu sai rai nna shi a kasha Shawlumon hpe Israela hkawhkam shatai da wu ai.

1 HKAWHKAM LABAU 23:12

Kohat gaw shadang sha mali lu ai; dai ni gaw Amram, Izhara, Hebron hte Uziela ni rai ma ai.

SHAKAWN KUNGDAWN 120:5

Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai.

ESAIA 21:16

Dai hpang Madu gaw ngai hpe, “Kedara amyu bawsang ni a galu kaba ai gaw laning mi tup hta htum mat wa na ra ai.

ESAIA 23:1

Ndai gaw Turu hte seng ai mungga langai rai nga ai. Nammukdara ntsa na sanghpaw masha ni e, yawn hkyen ai hte sharung nga mu! Na a buga Turu sanghpaw daru hten za mat sai; De a nta ni hte sanghpaw danam ni hten run mat nga sai. Na a sanghpaw ni Kupru kaw na nhtang wa yang, dai shiga hpe nang na nga sai.

ESAIA 23:12

Sidon mare e, Na a kabu gara ai gaw htum mat nit dai, na a masha ni dip gamyet sha hkrum nga masai. Shanhte Kupru de hprawng lawt mat wa ai rai yang pyi, shanhte naw shim lum na mara ai n rai.

YEREMIA 49:28

Ndai gaw Babelon Hkawhkam Nebuhkadneza gasat dang kau sai shara ni rai nhtawm dai hkan nga ai Kedara amyu bawsang ni hte Hazora wa up hkang ai ginwang ni hte seng nna dai Madu tsun da ai mungga rai nga ai: “Kedara masha ni hpe gasat nna sinpraw maga de nga ai masha amyu bawsang ni hpe jahten kau mu!

EZEKELA 16:16

Nang gaw shawa num amu galaw sha ai jan zawn na a nawku ai shara ni hpe mawn sumli na matu, na a sumpan nkau mi hpe lang nga ndai, nang gaw na hkum hpe masha shagu hpe nawng ya nga ndai.

EZEKELA 27:21

Arabi masha ni hte Kedara mung du ni gaw na a gun rai ni lu la na matu, sagu kasha ni, sagu ni hte bainam ni dut nna hpaga ga ma ai.

EZEKELA 27:6

Shanhte gaw li lashap galaw na matu Bashan mung na wamyi hpun ni lang ma ai; Kupru zunlawng na pru ai marau hpun hpe mung shanhte la nna dai hpe magwi kawng ni hte hkrep nhtawm li hpe mawn shatsawm nga ma ai.

EZEKELA 5:7

Ya chyawm gaw, Yerusalem e, Tsaw Htum ai dai Madu ngai hpa tsun nga ai hpe madat u. Nang gaw nye a tara ni hpe n hkan sa ai hte nye a hkang da ai ga ni hpe n shadik shatup myit dai majaw na a grup yin e nga ai kaga masha amyu baw ni hta ru yak tsin-yam tsindam grau nna shabyin nga ndai. Nang gaw kaga masha amyu baw ni a htung hking ni hta hkan nang nga ndai.

Daniela 11:18

Dai hpang shi gaw panglai hka masawn hku nga ai masha amyu ni hpe gasat nna ka-up la na ra ai. Rai ti mung maigan na ningbaw langai mi shi hpe dang kau nhtawm, myit tsaw myit dap ai hpe jahtum kau ya na ra ai. Shi gaw Suri hkawhkam wa a myit tsaw myit dap ai hpe shi a ntsa de teng teng nhtang kau dat ya na ra ai.

Daniela 11:30

Dai Roma masha ni sanghpaw li ni hte du shang wa nhtawm shi hpe ninghkap na mara ai. Shaloi shi hkrit kajawng mat na ra ai. “Dai hpang shi gaw n-yun bu ai hte kayin mat wa nna Karai Kasang a amyu masha ni a nawku makam masham hpe jahten kau ya na mara ai. Shi chyawm gaw dai nawku makam masham hpe kau da sai ni a hpaji jaw ga hta hkan nang na ra ai.

BU HKAWM 24:24

Shang gasat ai ni Kupru zunlawng kaw na li hte Jawn sa nhtawm, Asuri mung hte Ebera mung hpe dang kau na mara ai. Rai ti mung shanhte mung htani htana hten run mat ai bai hkrum na mara ai.”

1 KORINHTU 5:1

Ya Hkristan n re ai maigan masha ni pyi n hkan galaw ai hkrithpa num la nse nsa lam nanhte hta nga nga ai lam masha ni hkrak tsun kajai nga ma ai hpe ngai na lu nngai. Masha langai mi gaw shi a hpang kanu hte rau nga sha nga ai lam ngai na lu nngai.

TARA AGYI 19:30

Dai hpe mu chye ai masha shagu hte gaw, “Dai zawn re ai amu anhte galoi mung n na yu ga ai! Israela masha ni Egutu mung kaw na pru wa ai shani kaw na ya du hkra dai zawn re ai amu galoi mung n byin yu nga ai! Ndai amu hte seng nna lam lama ma anhte galaw ra na ga ai! Dai gaw kaning hku byin wa na rai ta?,” ngu nna tsun ma ai.