YEREMIA 18:9 - Jinghpaw Common Language Bible 2009

⁹ Lam maga mi hku tsun ga nga yang, gara amyu, gara mungdan hpe hkai da na hte gaw da na matu ngai tsun nga ti mung,

Jinghpaw Hanson Version Bible

^9-10 Gara amyu, gara mungdan hpe, gaw da na hte hkai da na matu, ngai tsun nga yang, shanhte gaw nye a ga hpe n madat ai hte, nye a man e n hkru ai amu galaw nga ma yang, ngai myit malai nna, shanhte hpe tsun ai chyeju madun dan na n rai.

YEREMIA 18:9 ပူးပေါင်းရင်းမြစ်များ

HPAJI NINGLI 3:2

Shi gaw shangai aten hte si aten hpe mung, gat hkai ai aten hte baw kau ai aten hpe mung,

YEREMIA 1:10

Baw kau na hte run kau na matu mung, jahten shabyak kau na hte gumlau jahten kau na matu mung, gaw da na hte hkai da na matu mung, masha amyu baw ni hte mungdan ni a ntsa hta e up na ahkaw ahkang, dai ni jang, ngai nang hpe ap nga nngai,” ngu nna tsun wu ai.

YEREMIA 11:17

“Chyahtum Chyalai N-gun hte hpring ai dai Madu ngai nan, Israela hte Yuda hpe hkai da ni ai; rai ti mung, ya gaw, ngai shanhte hpe ru yak tsin-yam tsindam hte jahkrit na nngai. Shanhte shut hpyit ai amu galaw ma ai majaw shanhte gaw shanhte hkum nan a matu ndai amu shapraw manu ai; shanhte gaw Bala hpara a man e, shagu hkungga nawng jau ai lai hte ngai hpe pawt sindawng shangun da mi ai,” ngu nna tsun wu ai.

YEREMIA 30:18

Dai Madu gaw, “Ngai gaw nye a amyu masha ni hpe shanhte a mungdan de wa shangun ai hte dinghku shagu a ntsa e matsan dum ai myit madun dan na nngai; Yerusalem gaw bai de da ai hkrum nna, de a hkawhkam htingnu bai dung nga na ra ai.

YEREMIA 31:28

Shanhte hpe baw kau na, agrawp daw kau na, gale galau kau na, jahten sharun kau na hte jahten shabyak kau na matu ngai galaw ai hte maren, shanhte hpe hkai da na hte bai de da na matu mung ngai bai galaw na nngai.

YEREMIA 31:38

Dai Madu gaw, “Hananela langchyi kaw nna mare Jut Chyinghka du hkra, Yerusalem mare hpe nye a mare zawn bai gaw gap ai nhtoi du wa na ra ai.

YEREMIA 31:4

Ngai gaw nanhte hpe kalang mi bai de da na mawe ai. Nanhte gaw kalang mi bai chying bau ni dum let kabu gara ai hte ka manawt lu na rai myit dai.

YEREMIA 32:41

Ngai gaw shanhte a matu mai kaja ai amu galaw ai lam hta ngai awng sharawng nga na nngai, ngai gaw shanhte hpe ndai mung hta e prat ting shagrin shangang da na nngai.