YEREMIA 17:9 - Jinghpaw Common Language Bible 2009

⁹ “Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

Jinghpaw Hanson Version Bible

⁹ Myit masin gaw, rai yawng mayawng hta magaw htum nna, grai n hkru nga ai: dai hpe kadai chye lu a ta?

YEREMIA 17:9 ပူးပေါင်းရင်းမြစ်များ

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

2 SAMUELA 11:15

Dawi gaw, “Gasat gala lam grau nna laja htum ai ai shara ngu na shawng lam de Uria hpe tawn da u; shing rai sat kau ai hkrum mat hkra shawng de shanang sa shangun nhtawm hpyen masha ni hpe chyawm gaw hpang de htingnut mat wa shangun u,” ngu nna ka dat wu ai.

SHAKAWN KUNGDAWN 51:5

Ngai shangai wa ai shani kaw nna, ngai gaw n hkru n shawp nga nngai; nu a hkritung kaw nna pyi, ngai hta yubak kap nga ni ai.

SHAKAWN KUNGDAWN 64:7

Rai ti mung, Karai Kasang gaw shi a pala ni hte shanhte hpe gap dat nna; akajawng sha, shanhte hkala hkrum nga ma ai.

GA SHAGAWP 28:26

Tinang a myit machyu ai wa gaw angawk ai wa rai nga ai; Hpaji grau rawng ai wa a sharin shaga ai ga hpe hkan ai wa chyawm gaw shim lum na ra ai.

HPAJI NINGLI 9:3

Yawng a gam maka gaw langai sha hte maren sha rai nga ai. Dai gaw ndai mungkan ga hta byin nga ai lam hpa hte mung shut nga ai. Shinggyim masha ni ahkrung nga dingsa, shanhte a myit mang ai gaw n hkru nna mana angawk ai hte hpring nhtawm akajawng sha shanhte si mat nga ma ai.

ESAIA 1:5

Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

ESAIA 1:6

Abaw kaw nna lagaw du hkra na a hkum hkrang hta hkam kaja ai shara ngu na mi n nga lit dai. Nang gaw hkum ting hpye ai nma, hkala nba re ai nma hkang katsing ni hte ahpye alam rai nga ndai. Na a nma ni kashin jasan kau hkrum ai n rai, ahkyen kayawp hkrum ai n rai. Dai ni hta tsi bang ya hkrum ai n rai.

ESAIA 6:10

Dai hpang shi gaw ngai hpe, “Ndai amyu masha ni a myit masin ni hpe shamak kau ya u, shanhte a na ni lahpang kau ya u, shanhte a myi ni hpe amam kau ya u, shaloi shanhte n mu lu, n na lu ai hte n chye na lu na ma ai. Shanhte dai hku byin mat ai rai yang, shanhte gaw ngai kaw kayin wa nhtawm shamai shatsai ai hkrum na rai ma ai,” ngu nna tsun ai.

YEREMIA 16:12

Rai ti mung, nang gaw na a nji nwa ni hta grau nna pyi n hkru ai amu galaw manit dai. Nanhte yawng hte gaw adu ja ai hte n hkru nga myit dai; nye a ga hpe mung n madat nga myit dai.

YEREMIA 7:24

Rai ti mung, shanhte gaw madat mara ma ai n rai, hpa zawn mung n nawn ya nga ma ai. Dai zawn hkan sa na malai, shanhte gaw du ja ai hte n hkru ai myit masin shanhte hpe shadut matsun ai hku galaw nga ma ai majaw, shanhte gaw kaja wa na malai n kaja ai masha ni tai wa nga masai.

MAHTE 13:15

Hpa majaw nga yang, shanhte a myit masin ni ayup akup rai nga nna, shanhte a na ni hpe pat kau nhtawm, myi ni hpe myi di tawn ma ai. Dai n rai taw gaw, shanhte a myi ni mu lu nna, shanhte a na ni na lu na hte, shanhte a myit masin ni mung chye na wa ai rai yang gaw, shanhte ngai hta kam hpa nna, shingbyi wa na mara ai. Ngai mung shanhte hpe shamai ya na mawe ai,’ nga nna Karai Kasang tsun ai hpe Esaia htawn tsun ai ga dik wa sai,” ngu mu ai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

MARKU 2:17

Yesu dai hpe na wu yang, “Hkam kaja ai ni tsi sara n ra ma ai, machyi ai ni sha ra ma ai. Ding hpring nna hkungga ging dum ai ni hpe shaga na matu n rai, yubak lu ai ngu nna kabai kau hkrum ai ni hpe shaga na matu she ngai sa du nngai,” ngu nna shanhte hpe tsun mu ai.

ROMA 1:21

Shanhte gaw Karai Kasang hpe chye chyang ninglen Karai Kasang hpe shagrau sha-a ang ai hte maren, n shagrau sha-a ma ai, chyeju jawm shakawn kung dawn ai lam n galaw ma ai, shanhte a myit mang ai lam gaw, lachyum n pru kaman li la sha rai mat malu ai majaw, shanhte a htauli htaula myit kaja ai myit masin ni gaw sin mak ai hte hpring chyat nga malu ai.

ROMA 7:11

Yubak gaw shi a ginshan mu tam nna, dai Jep ai Tara hte ngai hpe hkalem kau nhtawm, dai hte ngai hpe sat kau ni ai.

EHPESU 4:22

Dai rai nna nanhte gaw shawng de nanhte hkan sa yu sai asak hkrung lam hta na gawng shingyan dingsa hpe mung, pyaw hpa lam hpe marin marit nna hkalem hkalau mayu ai myit a majaw, hten mat sai gawng shingyan dingsa hpe mung kabai kau mu.

HEBRE 3:12

Kam sham ai hpu nau ni e, ahkrung nga ai Karai Kasang kaw na htak mat wa hkra n hkru n shawp kam shut chye ai myit masin rawng ai masha nanhte hta na langai mi mung n lawm malit ga, sadi nga mu.