YEREMIA 16:9 - Jinghpaw Common Language Bible 2009

⁹ Chyahtum Chyalai N-gun Rawng ai dai Madu Israela a Karai Kasang ngai hpa tsun nga nngai hpe madat u. Ngai gaw kabu gara ai nsen, mani pyaw ai nsen hte hkungran poi lusha a kabu pyaw ai nsen ni hpe jasim kau na we ai. Dai shara na masha ni gaw ndai byin wa na lam hpe mu na mara ai.

Jinghpaw Hanson Version Bible

⁹ Kaning rai nme law, Israela Karai Kasang, Zaw nawng zaw wa up ai Yehowa ning nga ai: Yu u, ndai shara hta, kabu gara ai nsen, mani pyaw ai nsen, la ningnan a nsen, num ningnan a nsen, nanhte a man e, nanhte a prat hta, ngai jasim kau na we ai.

YEREMIA 16:9 ပူးပေါင်းရင်းမြစ်များ

HOSEA 2:11

Ngai gaw shi a lusha poi yawng ngu na shaning shagu hte shata shagu galaw ai lusha poi ni, Bansa Nhtoi e galaw ai poi ni hte makam masham nawku hpawng ni yawng hpe jahtum kau ya na we ai.

EZEKELA 26:13

Ngai gaw na a mahkawn mangoi nsen hpe jahtum kau nna na a tingse mahku ni hpe shazim kau na we ai.

YEREMIA 7:34

Mungdan gaw katsi katsang shara tai mat wa na ra ai; Yuda mare ni hte Yerusalem mare lam ni hta kabu gara ai nsen hte hkungran lusha poi galaw ai ni a nsen ni hpe ngai jasim kau na we ai.

YEREMIA 25:10

Ngai gaw shanhte a kabu gara jahtau ai nsen, mani pyaw ai nsen, kabu gara ai hkungran poi lusha sha ai nsen ni hpe jasim kau na we ai. Shanhte a pyengdin ni a matu wan sau lu na mara ai n rai, dai sha n-ga, lusha hpa mung nga na ra ai n rai.

SHAKAWN KUNGDAWN 78:63

Shabrang ni majan hta sat kau ai hkrum nga ma ai; mahkawn ni mung shanhte hpe hkungran la na masha langai mi mung n nga nga ai.

EZEKELA 12:25

Dai Madu ngai nan shanhte hpe tsun na nngai. Ngai tsun ai hte maren dik wa na ra ai. Dai gaw galoi mung aten la, htingnai nga na ra ai n rai. Gumlau chye ai ni e, nanhte asak hkrung nga ai laman, ngai galaw na ngu nna nanhte hpe shadum jahprang da ni ai hte maren ngai shadik na nngai. Ngai nan dai ga hpe tsun ni ai, nga nna Tsaw Htum ai dai Madu nan tsun ai.