YEREMIA 15:2 - Jinghpaw Common Language Bible 2009

² Shanhte kade sa wa na rai ma ta?, nga nna nang hpe shanhte san ma ai shaloi, ngai tsun ni ai ga shanhte hpe tsun u: Nkau mi gaw ana ahkya hte si na matu dingnye hkrum nga ma ai- dai gaw shanhte sa wa na lam rai nga ai! Nkau mi gaw majan hta si na matu dingnye hkrum nga ai- dai gaw shanhte sa wa na lam rai nga ai! Nkau mi gaw kawsi hpang gara ai hte si na matu dingnye hkrum nga ai- dai gaw shanhte sa wa na lam rai nga ai! Kaga ni gaw bawng masha ni zawn woi la na dingnye hkrum nga ai- dai gaw shanhte sa wa na lam rai nga ai!

Jinghpaw Hanson Version Bible

² Shaloi shanhte gaw, Anhte gade pru wa na rai ta? nga nna nang hpe san yang, nang gaw, Yehowa ning nga ai: Si ang ai ni gaw si ai de, sat kau hkrum ang ai ni, sat kau ai de, kawsi hpang gara hkrum ang ai ni, kawsi hpang gara ai de, bawng dung hkrum ang ai ni, bawng dung ai de pru wa mu ga, ngu nna shanhte hpe htawn tsun mu.

YEREMIA 15:2 ပူးပေါင်းရင်းမြစ်များ

ESAIA 10:4

Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

ESAIA 24:18

Hkrit kajawng ai kaw na hprawng lawt na matu shakut ai wa kadai mung nhkun kata de di hkrat bang na ra ai, nhkun kaw na hprawng lawt lu ai wa kadai mung mahkam hta lu na ra ai. Lamu na hka hpungtun ni ru hkrat wa ai shaloi ginding aga a npawt nhpang ni gari ashun wa na mara ai.

YEREMIA 14:12

Shanhte lusha gam tim pyi, ngai gaw karum la na matu shanhte a hpyi jahtau ai nsen hpe madat ya na n rai; shanhte gaw ngai hpe wan nat hkungga hte lusha hkungga ni hpe nawng jau yang pyi gaw, dai ni hta ngai awng sharawng nga na nngai n rai. Shing rai na malai, ngai gaw shanhte hpe majan, kawsi hpang gara ai hte ana zinli ni hte sat kau na we ai,” ngu nna tsun ai.

YEREMIA 14:16

Shanhte tsun shaga ai ga ni hpe hkan hta la ai amyu masha ni gaw dai hte maren sat kau ai hkrum na mara ai. Shanhte a moi mang ni gaw Yerusalem lam nmaw ni hkan kabai tawn ai hkrum nna, shanhte hpe lup makoi na masha langai mi mung nga na n rai. Ndai lam ni gaw shanhte a madu jan ni, shadang sha ni hte shayi sha ni yawng hta byin wa na mara ai. Shanhte a n hkru ai amu a shabrai, ngai shanhte hpe jaw na we ai,” nga nna tsun ai.

YEREMIA 16:4

Shanhte gaw hkrit hpa ana zinli ni hte si na mara ai; kadai mung shanhte a matu yawn madai ai hte lup makoi na n rai. Shanhte a moi mang ni gaw ga ntsa na namhpun sumpum ni zawn taw nga na mara ai. Shanhte gaw hpyen majan hta sat kau hkrum nna kawsi hpang gara ai hte htum mat na mara ai; shanhte a si mang ni gaw ntsa malen u ni hte matse labye ni a matu shahpa tai na mara ai.

YEREMIA 19:7

Ngai gaw Yuda mung masha ni hte Yerusalem mare masha ni a myit maw ai lam yawng hte hpe ndai shara e shabyak kau ya na we ai. Shanhte a gumlau hpyen ni shanhte hpe dang kau ai hte majan pa e shanhte hpe sat kau shangun na we ai. Shanhte a moi mang ni hpe ntsa malen u ni hte matse labye dusat ni a matu lusha zawn ngai jaw na we ai.

YEREMIA 43:11

Nebuhkadneza gaw Egutu mung de yu sa nna gasat dang kau na ra ai. Ana zinli hte si ari hkrum ang ai ni gaw bawng dung hkrum nna hpyen majan hta sat kau hkrum na ari lu ai ni mung hpyen majan hta sat kau ai hkrum na mara ai.

EZEKELA 12:11

Nang galaw lai wa sai amu gaw shanhte hta hpa byin wa na lam a kumla rai nga ai lam shanhte hpe tsun dan u. Shanhte gaw hprawng shingbyi hkawm ai ni hte bawng dung sharen da hkrum ai ni tai na mara ai.

EZEKELA 14:21

Ndai gaw Tsaw Htum ai dai Madu tsun ai mungga rai nga ai: “Ngai gaw Yerusalem mare ntsa e sawng dik ai ari mali ngu ai hpyen majan, kawsi kyet si ai hkuwa, matse labye dusat hte ana zinli ni hpe dat dat na nngai, dai gaw masha hpe mung, yam nga ni hpe mung jahtum kau na ra ai.

EZEKELA 33:27

“Ngai gaw teng teng ahkrung nga ai Karai Kasang rai nga nngai, dai majaw dai hten run mat sai mare ni hta shanu nga ai amyu masha ni sat kau hkrum na mara ai hpe Tsaw Htum ai dai Madu ngai nan shadum ai ga, shanhte hpe htawn tsun u. Dai mungdan hta shanu nga ai ni mung nam na matse labye ni e sha kau hkrum na mara ai. Bum na makoi shara ni hte ginlawng hku ni hta rawng nga ai ni mung ana zinli ni hte si mat na mara ai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

EZEKELA 5:2

Mare hpe wang da ngut ai shaloi, majaw masum hta na majaw mi hpe mare kata e nat kau u. kaga majaw langai mi hpe mare shinggan de nang kayin hkawm ai shaloi na a nhtu hte dai hpe tawk kau u. Naw ngam nga ai majaw hpe gaw nbung hta shapoi kau u, ngai gaw dai hpe nye a nhtu hte hkan shachyut nang na nngai.

Daniela 9:12

Anhte hpe mung, anhte a mung up hkang du ni hpe mung, nang galaw na ngu tsun nit dai hte maren nang galaw nit dai. Nang gaw ginding aga ntsa e nga ai kaga mare hta grau nna Yerusalem mare a ntsa e laja lana re ai ari jaw nga ndai rai nna,

AMO LAIKA (AMOS) 5:19

Dai shani gaw hkanghkyi langai kaw na hprawng wa ai wa hte tsap hte hkrum ai wa zawn tai na ra ai! Shing n rai nta de wa nna shakum hta lata mara da nga yang, lapu e achye hkrum ai wa zawn tai na ra ai!

ZEHKARIA 11:9

Dai hpang, ngai gaw sagu hpung hpe, “Ngai gaw nanhte a sagu rem wa galoi mung tai sana n rai; si ai wa mung si mat nu ga; shamyit kau hkrum na wa mung shamyit kau ai hkrum nu ga; naw ngam nga ai ni mung shanhte shada da shaza hkat manu ga,” ngu nna tsun we ai.

SHINGRAN 13:10

Rim la ai hkrum na wa gaw rim la ai teng teng hkrum na ra ai; nhtu hte sat ai wa mung, nhtu hte si na ra ai. Ndai lam a majaw, Karai Kasang a masha ni gaw hkam sharang ai hte makam masham rawng na mara ai.”