YEREMIA 14:3 - Jinghpaw Common Language Bible 2009

³ Sut su ai masha ni gaw shanhte a shangun ma ni hpe hka ja shangun ma ai; shanhte gaw hka lawng de sa ma ai, rai ti mung, hka n mu tam ma ai; shanhte gaw di bu kaman sha hte nhtang wa ma ai. Shanhte gaw myit daw ai hte ashuk ashak byin nna myi man magap da ma ai.

Jinghpaw Hanson Version Bible

³ Arawng lu ai ni tinang a ma ni hpe hka ja shangun nna, shanhte ntsin htung de du jang ntsin n mu ma ai; dibu kaman sha hte bai nhtang wa ma ai; shanhte baw htinggrum let kaya kahpa hte mak mat ai hkrum ma ai.

YEREMIA 14:3 ပူးပေါင်းရင်းမြစ်များ

2 SAMUELA 15:30

Dawi mung yawn hkyen ai kumla hte shi a baw htinggrum nna kyepdin raw kau nhtawm hkrap let, Tsanlun Bum de lung wa wu ai. Shi a hpang hkan ai masha ni yawng mung shanhte a baw ni htinggrum nhtawm hkrap let shi kaw hkan nang nga ma ai.

2 SAMUELA 19:4

Hkawhkam wa mung shi a myi man magap kau nna, “O Ngai sha e! Ngai sha Absalom e! Absalom ngai sha e!,” ngu nna ja ja tsun let jahtau hkrap wu ai.

1 HKAWHKAM 17:7

Tawng marang mi na jang, marang n htu mat ai majaw hka shi dai hkun hkraw mat nga ai.

2 HKAWHKAM 18:31

Hezekia a ga hpe hkum madat myit. Mare kata kaw nna pru nhtawm lata sharawt asum hkam na matu Asuri hkawseng wa nang hpe tsun nga sai. Dai shaloi nanhte a mungdan hte bung ai nanhte a matu sabyi jaw ya ai sabyi sun ni, muk kabaw na matu nsi naisi, tsanlun sau a matu tsanlun hpun ni hte lagat ntsin pru ai mung de hkawseng wa bai woi wa ai aten du hkra, nanhte gaw nanhte a sabyi ru ni hta na sabyi si ni hpe mung, nanhte a hpun ni hta na maihpang si ni hpe sha lu nhtawm nanhte a hka htung ni hta na nan hka ja lu na ahkang lu na rai nga myit dai. Shi hkang da ai hte maren nanhte hkan galaw myit dai rai yang, nanhte si na n rai; hkrung nga lu na rai myit dai. Rai ti mung dai Madu gaw nanhte hpe hkye mawai la na ra ai nga nna nanhte a myit nawn ai lam Hezekia nanhte hpe mana hkum shachyoi kau shangun nga myit.

ESHTA 6:12

Dai hpang Mordehkai gaw hkawhkam htingnu chyinghka de bai nhtang wa nga yang, Haman chyawm gaw yawn nna shi a myi man magap let nta de tin tin wa mat wu ai.

YOBA 6:20

rai ti mung dai hkun hkraw ai hka shi ni a makau du jang, shanhte myit htum mat ma ai.

SHAKAWN KUNGDAWN 109:29

Nye a gumlau hpyen ni gaw myi man sum ai hte htinggrum da ai hkrum nga mu ga; shanhte gaw kaya kahpa hpe nba zawn lawai da nga mu ga.

SHAKAWN KUNGDAWN 40:14

Ngai hpe sat na maw ai ni tsep kawp sum mat nna shanut kau ai hkrum mu ga. Nye a ru tsang ai lam ni a majaw kabu gara nga ai ni gaw shingdu de htingnut mat wa nna, kaya kahpa hkrum mu ga.

YEREMIA 14:4

Dai shara hta marang n htu, lamu ga hkun hkraw mat ai majaw hkauna galaw ai ni myit yu machyi nga ma ai; shanhte a myi man ni hpe makoi da nga ma ai.

YEREMIA 15:18

Ngai gaw hpa majaw nni nkri tut nawng hkrum sha nga nngai kun? Nye a nma ni hpa majaw n tsi lu nga a ni? Shanhte hpa majaw n shamai ya ma ni? Ginhtawng ta hta hkyet mat ai hka shi zawn ngai hpe myit shadaw jahten na matu, nang yaw shada n ni?,” ngu nna tsun ni ai.

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

YEREMIA 2:37

Nang gaw kaya kahpa hte na a baw gum let, Egutu mung kaw na kayin mat wa na rai ndai. Dai Madu ngai nan nang kam hpa ai ni hpe ningdang kau ni ai; nang gaw shanhte kaw na hpa mung lu la na ndai n rai,” ngu nna tsun ai.

YEREMIA 20:11

Rai ti mung, Madu e, nang gaw n-gun ja ai hte n-gun chyalai rawng nga ndai rai nna ngai hpang maga de nga nga ndai, ngai hpe zingri zingrat ai ni sum mat na mara ai. Shanhte n dang lu nga ma ai majaw, htani htana kaya hkrum na mara ai. Shanhte a kaya hkrum ai lam gaw galoi mung malap kau lu na ra ai n rai.

YEREMIA 3:3

Shing re ai lam ni a majaw, marang n htu mat ai hte ginhtawng nnan shang wa yang na marang mahpawng n htu mat nga ai. Nang gaw shawa num langai zawn sha rai nga ndai; nang hta kaya kahpa myit hpa mung n rawng nga ndai.

SHARUNG SHAYAWT 4:4

Shanhte gaw shanhte a chyu chyu ai ma ni hpe kawsi kyet ai hte hpang gara ai hku si jahtum kau shangun ma ai; ma kaji ni lusha hpyi nga ma ti mung, shanhte hpe jaw sha na masha langai mi mung n nga nga ai.

HOSEA 2:3

Dai amu hpe shi n jahkring ai rai yang, ngai gaw shi a hpun palawng raw kau ya nhtawm shi shangai wa ai shani na zawn singgu krin di da na we ai. Ngai gaw shi hpe hkun hkraw nna akrin ayang re ai lamu ga zawn shatai kau na nngai; shi gaw hpang gara ai hte si mat wa na ra ai.

YOELA 1:20

Matse labye dusat ni pyi hka shi, hka gai hkyet mat ai majaw, nang kaw hpyi jahtau nga ma ai.

AMO LAIKA (AMOS) 4:7

Ngai gaw nanhte a hkai nmai ni marang grai ra ai shaloi, marang n htu shangun nngai. Ngai gaw mare langai a ntsa e marang jahtu ya ti mung kaga mare hta n jahtu ya nngai. Hkauna pa langai a ntsa e marang htu ti mung, kaga langai mi hta hkun hkraw nga ai.

AMO LAIKA (AMOS) 4:8

Hpang gara nna n-gun kya nga ai mare law law na masha ni gaw hka mu tam la na myit mada mai ai mare de sa ma ai, rai ti mung dai yang e, lu na hka alaw alam nga nga ai n rai. Shing rai tim, nanhte ngai kaw nhtang wa myit dai n rai.

ZEHKARIA 14:17

Chyahtum Chyalai N-gun rawng ai dai Madu ngu ai Hkawhkam wa hpe n sa nawku hkraw ai masha amyu baw langai ngai nga ai rai yang, shanhte a mungdan hta marang htu hkrat na ra ai n rai.