YEREMIA 13:9 - Jinghpaw Common Language Bible 2009

⁹ “Ndai gaw Yuda mung na gumrawng gumtawng ai hte Yerusalem na grau kaba ai gumrawng gumtawng hpe mung ngai kaning rai jahten sharun kau na lam rai nga ai.

Jinghpaw Hanson Version Bible

⁹ Dai hte maren Yuda mung na gumrawng gumtawng hpe mung, Yerusalem mare na kaba la ai gumrawng gumtawng hpe mung, ngai shatsam kau na we ai.

YEREMIA 13:9 ပူးပေါင်းရင်းမြစ်များ

GA SHAGAWP 16:18

Gumrawng gumtawng ai gaw hten byak lam de woi sa wa nna; myit tsaw myit dap ai gaw hkrat sum ai lam de, woi sa wa nga ai.

ESAIA 16:6

Yuda amyu masha ni gaw, “Moba masha ni kade wa gumrawng gumtawng nga ma ai hpe anhte na saga ai. Shanhte myit tsaw myit dap hte rai dum nga ma ai lam hpe anhte chye ga ai, rai ti mung shanhte a shakawng shakat ai amu gaw kaman lila rai nga ai,” ngu nna tsun nga ai.

ESAIA 23:9

Chyahtum Chyalai N-gun rawng ai dai Madu gaw dai lam hpe shabyin dat nu ai. Shanhte galaw ai amu hta, shanhte a gumrawng gumtawng ai hpe jahtum kau na hte arawng sadang hte hpring ai shanhte a masha ni hpe shagrit kau na matu dai lam shabyin dat nu ai.

YEREMIA 13:8

Dai hpang, dai Madu gaw ngai hpe bai ga tsun wu ai. Shi gaw,

YEREMIA 25:18

Yerusalem hte Yuda mare ni yawng, de a hkawhkam ni hte mung up hkang du salang ni yawng hte gaw arau sha dai gawm kaw na lu nga ma ai. Shanhte gaw katsi katsang shara, hkrit hpa shara hte yu kajawng na zawn re ai shara tai masai; amyu masha ni mung shanhte a mying hpe ya du hkra naw galaw nga ai arawn alai hte maren dagam dala shara tai nga ai.

YEREMIA 48:29

Moba gaw grai gumrawng gumtawng nga a hka! Moba amyu masha ni kade daram gumrawng gumtawng ai, myit kaba ai hte myit tsaw myit dap nga ai hpe mung, shanhte kade daram myit kung nga ma ai hpe mung, ngai na ni ai.

EZEKELA 16:50

Shanhte gaw gumrawng gumtawng ai hte adu ja nna ngai yu matsat ai amu ni hpe galaw ma ai, nang atsawm sha chye ndai hte maren, ngai shanhte hpe jahten shaza kau we ai.

EZEKELA 16:56

Nang gumrawng gumtawng nga nna nang galaw ai n hkru n shawp ai amu ni garai n shadawng dan yang, dai nhtoi ni hta Sodom hte seng nna nang mani asan kau yu wu ni? Ya chyawm gaw, nang mung shi zawn sha, Edom masha ni, Hpilisti masha ni hte nang hpe n dawng ai kaga na a htingbu ni a man e mani hpa zawn rai nga ndai.

JAW JAU 26:19

Ngai gaw nanhte a gumrawng kawng shadaw kau ya na made ai; lamu marang htu na ra ai n rai; nanhte a lamu ga gaw hkun hkraw mat nna ahpri zawn ja mat na ra ai.

NAHUM 2:2

(Israela a gumlau hpyen ni shi a mungdan hpe garai n hpya kau ai aten na zawn, dai Madu gaw Israela a hpung shingkang hpe bai jaw ya na hkyen nga ai.)

ZEHPANI 3:11

Nanhte ngai hpe gumlau nga myit ti mung, dai shani e nanhte nye a amyu masha ni kaya kahpa loi mi sha pyi hkrum ra na myit dai n rai; gumrawng gumtawng ai hte myit tsaw myit dap nga ai masha hkum shagu hpe ngai la kau na nngai; nanhte mung ngai hpe nye a chyoi pra ai bum ntsa e galoi mung bai gumlau rawt lu na n rai myit dai.

LUKA 18:14

Ngai nanhte hpe tsun made ga, Hparishe n re ai sha kang hta ai wa gaw Karai Kasang a man e, jaw ai hku galaw nna nta de wa lu nu ai. Hpa majaw nga yang, tinang hkum hpe shagrau ai wa kadai mung shagrit kau ai hkrum nna, tinang hkum hpe shagrit ai chyawm gaw shagrau ai hkrum na ra ai,” ngu mu ai.

YAKU 4:6

Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.