YEREMIA 12:2 - Jinghpaw Common Language Bible 2009

² Nang shanhte hpe hkai da ai hte shanhte ru jung nga ma ai; shanhte tu kaba wa nna asi si nga ai. Shanhte gaw na a mai kaja lam hpe tut nawng tsun ma ai, timung, shanhte gaw nang hpe teng teng hpa zawn n nawn nga ma ai.

Jinghpaw Hanson Version Bible

² Nang shanhte hpe hkai da nna, shanhte ru jung ma ai; shanhte kaba wa nna asi si ma ai: nang gaw shanhte a n-gup hte ni nna, shanhte a myit masin hte tsan nga ndai.

YEREMIA 12:2 ပူးပေါင်းရင်းမြစ်များ

YOBA 24:12

Mare ni hta hkala nba hkrum ai ni hte si wa magang ai ni jahtau nga ma ti mung; Karai Kasang gaw shanhte a hpyi jahtau ai ga hpe hpa n nawn ya wu ai.

YOBA 5:3

Angawk ai ni shim lum nga ai hpe ngai mu se ai, rai ti mung ngai gaw shanhte a dum nta ni hpe alawan dagam kau nngai.

SHAKAWN KUNGDAWN 37:35

Tara n lang nna mazut gumshem nga ai wa hpe ngai lang mi chye yu ni ai; shi gaw Lebanon arit hpun zawn masha shagu a ntsa e, ka-up da nu ai;

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

YEREMIA 11:17

“Chyahtum Chyalai N-gun hte hpring ai dai Madu ngai nan, Israela hte Yuda hpe hkai da ni ai; rai ti mung, ya gaw, ngai shanhte hpe ru yak tsin-yam tsindam hte jahkrit na nngai. Shanhte shut hpyit ai amu galaw ma ai majaw shanhte gaw shanhte hkum nan a matu ndai amu shapraw manu ai; shanhte gaw Bala hpara a man e, shagu hkungga nawng jau ai lai hte ngai hpe pawt sindawng shangun da mi ai,” ngu nna tsun wu ai.

YEREMIA 3:10

Ndai amu ni yawng ngut boi ai hpang, Israela a sadi n dung ai kana, Yuda chyu sha ngai hpang de nhtang wa na matu jahpai chyai nga ai; shi gaw myit matu n ding nga ai. Dai Madu ngai nan tsun ni ai.”

YEREMIA 45:4

“Rai ti mung, dai Madu ngai nan ngai gaw gap da ai hpe run kau na nngai; ngai hkai da ai hpe baw kau na nngai. Ndai zawn re ai amu hpe ga ntsa ting hta ngai galaw na we ai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

HOSEA 7:14

Shanhte gaw ngai kaw myit malang ai hte akyu n hpyi ma ai, rai ti mung shing rai na malai, shanhte gaw ga de gum dagup nhtawm tara maigan masha ni galaw ai zawn hkrap agru ma ai. Shanhte gaw nai mam nsi naisi hte sabyi hpyi ma ai shaloi, shanhte hkum hpe tara maigan ni zawn gadoi jahpye ma ai. Shanhte hpa baw gumlau nga ma hka!

HABAKU 1:13

Rai ti mung, nang gaw ndai gumle gumlau rai nna n hkru ai masha ni hpe gara hku hkam sharang lu na rai nga n ta? Na a myi ni gaw n hkru ai hpe yu na matu naw san pra nga ai majaw shut hpyit amu galaw ai masha ni a man e, nang n hkam sharang lu nga ndai. Dai re ai majaw, shanhte gaw shanhte hta grau nna ding hpring nga ai masha ni hpe jahten shaza nga ma yang, nang hpa majaw atsin sha nga nga n ta?

MAHTE 15:8

‘Ndai amyu gaw tinang a nten hte ngai hpe hkungga lara rai ma ti mung, tinang a myit masin gaw ngai hte kaja wa tsan gang nga malu ai.

MARKU 7:6

Yesu gaw, “Nanhte a lam, Esaia myihtoi htoi da ai ga gaw kaja wa teng nga a hka! Nanhte gaw sawt ai masha ni rai nga myit dai. Dai majaw shi gaw: ‘Ndai amyu ni gaw, tinang a nten hte ngai hpe hkungga lara ma ti mung, shanhte a myit masin gaw kaja wa ngai hte tsan gang nga malu ai.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.