YEREMIA 10:9 - Jinghpaw Common Language Bible 2009

⁹ Shanhte a hpara sumla ni hpe Spain mung na gumhpraw, Uhpaza shara kaw na pru ai aja ni hte sup da nhtawm, dai ni yawng gaw sumla maka soi ai ni a lata amu ni rai nga ai; shanhte gaw kung kyang ai ni da sama da ai sumpan mut hte mang ai ni hpe bu hpun da ma ai.

Jinghpaw Hanson Version Bible

⁹ Tawk chye ai wa hte janghkam wa a lata e galaw ai gumhpraw pa gaw Tarshi mare na, aja gaw Uhpaza shara na rai nga ai; bu hpun na matu mut ai hte hkyeng mang ai sumpan rai nga ai: yawng hte gaw maka kumla pru ai wa a amu hkrai rai nga ai.

YEREMIA 10:9 ပူးပေါင်းရင်းမြစ်များ

1 HKAWHKAM 10:22

Shi gaw nammukdara hta hkawm ai sanghpaw li hpung ni lu ai rai nna Hiram a sanghpaw li hpung ni hte rau hkawm nga ma ai. Shing rai masum ning du shagu shi a sanghpaw li hpung ni gaw ja gumhpraw, magwi kawng, woi lagang ni hte woi ni htaw let nhtang wa wa rai ma ai.

2 HKAWHKAM LABAU 9:21

Shi gaw nammukdara hta hkawm ai sanghpaw hpung ni lu ai rai nna, Hiram a sanghpaw li hpung ni hte rau hkawm nga ma ai. Shing rai masum ning du shagu shi a sanghpaw li hpung ni gaw ja, gumhpraw, magwi kawng, u tawng ni hte woi ni hpe htaw let nhtang wa wa rai ma ai.

SHAKAWN KUNGDAWN 115:4

Shanhte a hpara ni hpe aja gumhpraw hte galaw da nna; dai ni hpe masha a lata hte tawk galaw da nga ai.

SHAKAWN KUNGDAWN 72:10

Spain mung hte zunlawng ni a hkawhkam ni gaw, shi hpe kumhpaw kumhpa ni, sa sak jaw na mara ai; Arabi hte Ehtiopi mung na hkawhkam ni mung, shi hpe hkungga kumhpa la sa ya na mara ai.

ESAIA 23:6

Hponisha masha ni e, yawn hkyen ai hte hkrap sharung nga mu! Spain mung de hprawng lawt mat wa na matu shakut mu!

ESAIA 40:19

Shi gaw masha e tawk galaw nna, janghkam wa aja hte sup nhtawm gumhpraw hte mawn sumli da ai hpara sumla langai hte bung ai n rai.

EZEKELA 27:12

“Nang gaw Spain mung hte hpaga yumga galaw nna na a law la ai gun rai ni hpe galai la na matu, gumhpraw hpri, ajang hte machyu ni hpe la sa wa nga ndai.

EZEKELA 27:7

Na a li sumpan ni hpe lachyit sumpan, Egutu mung na maka ka ai lachyit sumpan ni hte galaw da nga ndai; Dai hpyan sharawt da ai sumpan li ni hpe tsan tsan kaw na aloi sha yu matsing lu nga ai. Na a li magap ni hpe Kupru zunlawng na pru ai shaba pu nsam rawng nna ngang ai sumpan ni hte galaw da nga ai.

Daniela 10:5

Ngai sharawt mada dat yu we yang, lachyit nba bu hpun nna, jet ai ja shingkyit kyit da nga ai masha langai hpe mu nngai.

HOSEA 8:6

Lata sama hpaji rawng ai Israela masha langai mi hpara sumla galaw nga ai. Dai gaw kaja wa karai kasang langai n rai nga a hka! Samari mare hta nawku ai aja dumsu agrawp mani kau ai hkrum na rai hka!

YONA 1:3

Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.

HABAKU 2:19

Nanhte gaw dingnye hkrum nga myit dai! Nanhte gaw hpun hkyep hpe, “Yup hprang u!” shing n rai nlung tawng hpe, “Rawt u!,” ngu nna tsun myit dai. Hpara sumla gaw nanhte hpe hpa lam rai tim hpaw madun lu nga a ni? Dai gaw aja gumhpraw hte sup da nga tim, dai hta asak n rawng nga ai.