YEREMIA 10:7 - Jinghpaw Common Language Bible 2009

⁷ Masha amyu baw ni yawng a hkawhkam wa e, nang hpe kadai n shagrau sha-a na rai ta? Nang gaw shagrau sha-a na ging nga ndai. Masha amyu baw ni a hpaji rawng ai masha ni yawng hta mung, hkawhkam ni kadai hta rai tim, nang hte bung ai wa langai mi mung n nga nga ai.

Jinghpaw Hanson Version Bible

⁷ Amyu baw ni a hkawhkam wa e, nang hpe hkrit hkungga mai ai rai nna, nang hpe n hkrit hkungga na kadai wa rai ta? amyu baw ni a hpaji rawng ai ni mahkra hta mung, shanhte a daru magam rawng ai ni mahkra hta mung, nang hte bung ai wa n nga ai.

YEREMIA 10:7 ပူးပေါင်းရင်းမြစ်များ

2 HKAWHKAM 17:39

Dai Madu nanhte a Karai Kasang rai nga ai nye a ga hpe nanhte madat mara na rai myit dai. Nanhte a gumlau hpyen ni a lata kaw nna nanhte hpe ngai hkye mawai la na made ai.”

1 HKAWHKAM LABAU 16:25

Dai Madu gaw galu kaba nga ai rai nna nachying shakawn ging ai wa rai nga ai; shi gaw karai ni yawng hta grau nna shagrau sha-a na mai nga ai.

ESHTA 1:13

Ya chyawm gaw hkawhkam wa a htung lai nga ai hte maren, tara hte hkang da ai lam hte seng nna grau nna hpaji chye chyang ai ni hpe san yu na nga, kaning rai galaw ang ai amu a lam hpe chye na ai shi a hpaji jaw masha ni hpe shaga la wu ai.

SHAKAWN KUNGDAWN 147:5

Anhte a Madu gaw galu kaba nga nna chyahtum chyalai n-gun hte hpring nga ai wa rai nga ai; shi a nyan hpaji hpe shadawn lu nga ai n rai.

SHAKAWN KUNGDAWN 22:28

Madu gaw hkawhkam rai nga ai, amyu baw shagu hte hpe shi up hkang nga ai.

SHAKAWN KUNGDAWN 47:3

Shi gaw anhte hpe masha amyu ni hpe dang lu ai, awng padang lam jaw ya nga ai; shi gaw anhte hpe masha amyu baw ni hpe up hkang shangun nga ai.

SHAKAWN KUNGDAWN 72:11

Hkawhkam ni yawng hte gaw shi a man e, dingnyawm wa na mara ai; amyu masha ni yawng hte mung shi hpe daw jau na mara ai.

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

SHAKAWN KUNGDAWN 86:8

Madu e, nang hte bung ai karai langai mi mung n nga nga ai. Nang galaw da lu sai amu ni zawn, kadai mung n lu galaw nga ai.

SHAKAWN KUNGDAWN 86:9

Nang hpan tawn da ai masha amyu baw ni yawng hte gaw nang kaw sa nna dingnyawm wa na mara ai; shanhte gaw na a galu kaba ai lam hpe shakawn na mara ai.

SHAKAWN KUNGDAWN 89:6

Madu e, sumsing lamu hta e, nang hte bung ai wa kadai mung n nga nga ai; sumsing sha ni kadai mung nang hte shabung lu nga ai n rai.

PRU MAT 8:10

Hkawhkam wa gaw, “Nye a matu hpawt de mahtang hpyi nem ya e,” ngu nna htan wu ai. Mawshe gaw, “Nang san ai hte maren ngai galaw na rai nna anhte a Madu Karai Kasang zawn re ai karai kaga n nga ai hpe nang chye lu na rai ndai.

PRU MAT 9:14

Ndai lang chyawm gaw na a du salang ni hte na a amyu masha ni hpe chyu sha ngai ari jaw na n rai; rai ti mung, nang hpe du hkra pyi ngai ari jaw na we ai. Mungkan ga ting hta ngai zawn re ai langai mi mung n nga ai hpe nang chye lu na rai ndai.

ESAIA 2:4

Shi gaw galu kaba ai masha amyu baw ni a lapran na ndang kalang lam ni hpe jeyang ya na ra ai. Shanhte gaw shanhte a nhtu ni hpe najawn ni, shanhte a nri ni hpe gadoi nhkyi ni dup kau na mara ai. Amyu baw ni majan galoi mung bai baw na n rai, majan a matu galoi mung bai hkyen na mara ai n rai.

YEREMIA 10:6

Madu e, nang hte bung ai wa langai mi mung n nga nga ai; nang gaw chyalai n-gun rawng ai wa rai nga ndai, na a amying nsang gaw galu kaba ai hte daru magam n-gun rawng nga ai.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

Daniela 2:27

Daniela chyawm gaw, “Madu hkawhkam wa e, dai lam nang hpe tsun dan lu na hpyi lamum sara, mandan sara, gumhpan hpan ai hte lakle sara kadai mung nga ai n rai.

Daniela 2:28

Rai ti mung makoi magap da ai ni hpe shapraw shadan dan lu ai Karai Kasang gaw sumsing lamu e nga nga ai. Shi gaw du na ra ai aten hta hpa byin wa na lam, madu hkawhkam hpe madun dan nu ai. Ya chyawm gaw nang yup nga yang mu ai yup mang shingran ngai nang hpe tsun dan na we ai.

HABAKU 3:2

O Madu e, nang galaw nit dai amu ni a lam ngai na ni ai, ngai hkrit gari ai hte hpring nga nngai. Ya chyawm gaw anhte a aten ni hta, nang galaw dan sai amu kaba ni hpe kalang mi bai galaw u law. Nang pawt sindawng nga ai shaloi pyi, matsan dum nga u law.

ZEHKARIA 2:11

Dai aten e, masha amyu baw law law ni dai Madu hpang de sa wa nna, shi a amyu masha ni tai wa na mara ai. Shi gaw nanhte a ka-ang hta shanu nga nna, nanhte hpang de ngai hpe shi shangun dat ai hpe nanhte chye lu na marin dai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

LUKA 12:5

Kadai hpe sha hkrit mai ai gaw, ngai nanhte hpe madun dan made ga. Masha hpe sat kau ngut jang, ngarai kata de jahkrat kau na ahkang lu ai Karai Kasang hpe chyawm gaw hkrit nga mu, ngai tsun ai hpe kam mu, shi gaw nanhte hkrit ra ai wa nan rai nga ai!

1 KORINHTU 8:6

Rai ti mung, anhte a matu gaw Kawa ngu ai Karai Kasang langai sha rai nga ai rai nna, shi gaw yawng mayawng hte hpe hpan da ai wa hte, shi a matu anhte asak hkrung nga ga ai. Yesu Hkristu ngu ai Madu mung langai sha rai nna, shi a marang e yawng mayawng tai wa ai hte shi a majaw anhte asak hkrung nga ga ai.

YAWSHU 4:24

Ndai amu a majaw ginding aga ntsa na masha shagu gaw dai Madu a daru magam n-gun kade wa galu kaba nga ai hpe chye la lu nhtawm, dai Madu nanhte a Karai Kasang hpe htani htana shagrau sha-a lu na rai myit dai,” ngu nna tsun wu ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.