YEREMIA 10:6 - Jinghpaw Common Language Bible 2009

⁶ Madu e, nang hte bung ai wa langai mi mung n nga nga ai; nang gaw chyalai n-gun rawng ai wa rai nga ndai, na a amying nsang gaw galu kaba ai hte daru magam n-gun rawng nga ai.

Jinghpaw Hanson Version Bible

⁶ Yehowa e, nang hte bung ai wa kadai n nga ai; nang galu kaba nga ndai; na a mying nsang mung, hpung shingkang hte galu kaba nga ai.

YEREMIA 10:6 ပူးပေါင်းရင်းမြစ်များ

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

SHAKAWN KUNGDAWN 96:4

Dai Madu gaw galu kaba nga ai majaw grai shakawn ging ai wa rai nga ai; karai ni yawng hta shi hpe shagrau sha-a na mai nga ai.

SHAKAWN KUNGDAWN 48:1

Dai Madu gaw galu kaba nga ai rai nna shi a chyoi pra ai bum ntsa e nga ai anhte a Karai Kasang a mare hta shi hpe tsaw htum ai hku shakawn kungdawn ra nga ai.

TARA JAHPRANG 33:26

Israela amyu masha ni e, nanhte a Karai Kasang hte bung ai karai mi n nga; shi a hpung shingkang hta jawn, Sumsing lamu de yawn; nang hpe karum la na nga, sumwi hta jawn nna du sa nga.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

SHAKAWN KUNGDAWN 145:3

Madu gaw galu kaba nga ai majaw, nachying shakawn ging ai wa rai nga ai; shi a galu kaba ai lam hpe n dang chye lu nga ai.

Daniela 4:3

“Karai Kasang anhte hpe madun dan ai mauhpa amu ni gaw kade wa galu kaba nga a hka! Shi galaw dan sai mauhpa lamik kumla ni kade sha hpung dagu rawng nga a hka! Karai Kasang gaw htani htana hkawhkam rai nga ai; shi gaw prat mi hte prat mi a up nga na ra ai.

SHAKAWN KUNGDAWN 147:5

Anhte a Madu gaw galu kaba nga nna chyahtum chyalai n-gun hte hpring nga ai wa rai nga ai; shi a nyan hpaji hpe shadawn lu nga ai n rai.

2 SAMUELA 7:22

Tsaw Htum ai Madu e, nang gaw gade wa galu kaba nga n hka! Nang hte bung ai mi kadai n nga nga ai; nang chyu sha Karai Kasang rai nga ndai gaw anhte tut nawng chye da nga saga ai.

YEREMIA 32:18

Nang gaw masha hkying mun ni hpe dinggrin tsaw ra myit madun dan ti mung, shanhte a kanu kawa ni a shut hpyit ai yubak ni a majaw amyu masha ni hpe mung, ari jaw nga ndai. Nang gaw galu kaba ai hte daru magam n-gun rawng ai Karai Kasang rai nga ndai; nang gaw Chyahtum Chyalai N-gun Rawng ai Madu rai nga ndai.

ESAIA 40:25

Chyoi pra ai Karai Kasang hpe kadai hte shadawn lu a ta? Shi hte bung ai wa mi nga nga a ni?

PRU MAT 8:10

Hkawhkam wa gaw, “Nye a matu hpawt de mahtang hpyi nem ya e,” ngu nna htan wu ai. Mawshe gaw, “Nang san ai hte maren ngai galaw na rai nna anhte a Madu Karai Kasang zawn re ai karai kaga n nga ai hpe nang chye lu na rai ndai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

Daniela 4:34

Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

ESAIA 46:9

Moi prat hta byin lai wa sai lam hpe adum nga mu; Ngai chyu sha Karai Kasang rai nga nngai mung, ngai hte bung ai wa mi n nga nga ai hpe mung yin la mu.

ESAIA 46:5

Dai Madu gaw, “Nanhte ngai hpe kadai hte shabung yu na myit ni?,” ngu nna tsun ai. “Ngai hte bung ai wa nga nga a ni?

ESAIA 40:18

Karai Kasang hpe kadai hte shadawn lu a ta? Shi gaw kadai hte bung nga ai lam nang kaning rai tsun dan lu na n ta?

SHAKAWN KUNGDAWN 35:10

“Nang hte bung ai wa langai mi mung n nga nga ai, nang gaw n-gun ja ai wa a lata kaw na gawng kya nga ai wa hpe, dip gamyet sha ai wa a lata kaw na matsan mayan wa hpe makawp maga ya nga ndai,” ngu nna nye a myit masin mahkra hte dai Madu hpe tsun dan na nngai.

NEHEMIA 9:32

“O Karai Kasang, anhte a Karai Kasang, Nang gaw kade sha galu kaba nga a hka! Kade sha hkrit mai nga a hka! Kade sha daru magam n-gun rawng nga a hka! Nang gaw ga shaka hte seng ai ga sadi ni hpe sadi sahka hte shatup ndai. Asuri hkawhkam ni anhte hpe dip gamyet sha ai aten kaw nna, ya du hkra pyi, anhte nni nkri kade daram hkam sha kau nga saga hka! Anhte a hkawhkam ni, anhte a ningbaw ni, anhte a hkinjawng ni hte myihtoi ni, anhte a kaji kawa ni hte anhte a amyu masha ni yawng nni nkri hkam sha kau nga saga hka! Anhte nni nkri kade daram hkam sha kau saga ai hpe adum nga u law!

NEHEMIA 4:14

Ngai gaw amyu masha ni myit ru myit tsang hkrum nga ma ai hpe mu ai rai nna, shanhte hpe, “Anhte a gumlau hpyen ni hpe hkum hkrit nga myit. Kade sha galu kaba nna hkrit mai nga ai dai Madu hpe dum nga mu; nanhte a kahpu kanau ni, ma kaji ni, madu jan ni hte nanhte a dum nta ni a matu gasat mu,” ngu nna tsun nngai.

TARA JAHPRANG 32:31

Shanhte a gumlau hpyen ni nan, shanhte a hpara ni n-gun kya nga ma ai hpe mung, Israela Karai Kasang zawn chyalai n-gun n rawng nga ai hpe mung shanhte chye ma ai.

PRU MAT 9:14

Ndai lang chyawm gaw na a du salang ni hte na a amyu masha ni hpe chyu sha ngai ari jaw na n rai; rai ti mung, nang hpe du hkra pyi ngai ari jaw na we ai. Mungkan ga ting hta ngai zawn re ai langai mi mung n nga ai hpe nang chye lu na rai ndai.

1 KORINHTU 8:6

Rai ti mung, anhte a matu gaw Kawa ngu ai Karai Kasang langai sha rai nga ai rai nna, shi gaw yawng mayawng hte hpe hpan da ai wa hte, shi a matu anhte asak hkrung nga ga ai. Yesu Hkristu ngu ai Madu mung langai sha rai nna, shi a marang e yawng mayawng tai wa ai hte shi a majaw anhte asak hkrung nga ga ai.

YEREMIA 10:16

Yaku a Karai Kasang chyawm gaw shanhte hte n bung nga ai; shi gaw yawng mayawng hpe hpan da ai wa rai nna, Israela hpe shi a amyu masha majing shatai na matu lata la nu ai. Chyahtum Chyalai N-gun Rawng ai dai Madu gaw shi a mying nsang rai nga ai.

1 HKAWHKAM LABAU 16:25

Dai Madu gaw galu kaba nga ai rai nna nachying shakawn ging ai wa rai nga ai; shi gaw karai ni yawng hta grau nna shagrau sha-a na mai nga ai.