YEREMIA 10:4 - Jinghpaw Common Language Bible 2009

⁴ ja gumhpraw ni hte sup shatsawm da nga ai. Dai sumla ni n di hkrat mat na matu hpri maina ni hte dit shangang da nga ai.

Jinghpaw Hanson Version Bible

⁴ aja gumhpraw sup nhtawm, n shanu, shamawt hkra, sumdu hte hpri masen dit da mu ai.

YEREMIA 10:4 ပူးပေါင်းရင်းမြစ်များ

SHAKAWN KUNGDAWN 115:4

Shanhte a hpara ni hpe aja gumhpraw hte galaw da nna; dai ni hpe masha a lata hte tawk galaw da nga ai.

SHAKAWN KUNGDAWN 135:15

Masha amyu baw ni a hpara sumla ni hpe ja gumhpraw ni hte galaw da nna; dai ni gaw masha a lata hte tawk shapraw da ai sumla ni rai nga ai.

ESAIA 44:12

Ndup wa gaw hpri daw hpri chyen ni la nna wan hta ju nhtawm, shi ra ai hkrang pru wa na matu shi a lata lahpum n-gun dat let, sumdu hte adup nga ai. Shi dai amu galaw ai shaloi, shi gaw kawsi hpang gara ai hte pu ba mat nga ai.

ESAIA 46:6

Amyu masha ni gaw shanhte a tingsan hpaw nna aja ru bang ma ai; shanhte gaw joi jang ni hta gumhpraw shen ma ai. Shanhte gaw karai langai galaw na matu ja janghkam hpe saw shaga ma ai; dai hpang shanhte gaw dai hpe gum dagup let nawku ma ai.

ESAIA 46:7

Shanhte gaw dai hpe lahpa hta mara nna hpai ma ai; shanhte gaw dai hpe san da ai shara hta tawn da ai rai nna dai shara e n htawt ai sha tsap nga ai. Marai langai ngai dai kaw akyu hpyi yang, htan ya ai n rai, shanhte hpe tsin-yam tsindam kaw na hkye la lu ai n rai.

HOSEA 13:2

Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, “Shanhte hpe shagu hkungga nawng ya mu!,” ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka!

HABAKU 2:19

Nanhte gaw dingnye hkrum nga myit dai! Nanhte gaw hpun hkyep hpe, “Yup hprang u!” shing n rai nlung tawng hpe, “Rawt u!,” ngu nna tsun myit dai. Hpara sumla gaw nanhte hpe hpa lam rai tim hpaw madun lu nga a ni? Dai gaw aja gumhpraw hte sup da nga tim, dai hta asak n rawng nga ai.