YEREMIA 1:9 - Jinghpaw Common Language Bible 2009

⁹ Dai hpang dai Madu gaw lata ladawn let nye a nten hpe ahtawk nna ngai hpe, “Madat u, ngai nang hpe jaw ya nga ai mungga hpe nang tsun lu na rai ndai.

Jinghpaw Hanson Version Bible

⁹ Bai Yehowa gaw shi a lata ladawn nna, nye a n-gup hpe ahtawk let, “Yu u, na a n-gup hta nye mungga hpe ngai bang da se ai:

YEREMIA 1:9 ပူးပေါင်းရင်းမြစ်များ

ESAIA 49:2

Shi gaw nye a n-gup hpe dai ai nhtu zawn shatai nu ai. Shi a lata hte nan ngai hpe makawp maga da nga ai. Shi gaw ngai hpe lang na matu jin jin masen da ai pala zawn shatai nga ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

ESAIA 51:16

Ngai gaw sumsing lamu ni hpe hpyan da ai hte ginding aga a npawt nhpang ni hpe jahkrat tawn nngai. Ngai gaw Yerusalem hpe, ‘Nang gaw nye a amyu masha rai nga ndai! Ngai gaw nang hpe nye a sharin shaga ga jaw ni ai, ngai gaw nang hpe nye a lata hte makawp maga nngai,’” ngu nna tsun wu ai.

ESAIA 59:21

Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”

YEREMIA 15:19

Dai lam a majaw dai Madu gaw, “Nang nhtang wa ai rai yang, ngai nang hpe woi nhtang wa na nngai, nang gaw nye a shangun ma bai tai lu na rai ndai. Lachyum n pru ai ga laban shaga na malai, manu dan ai mungga hpe nang hkaw tsun ai rai yang, nang gaw nye a myihtoi bai tai lu na rai ndai. Amyu masha ni mung nang kaw nhtang wa na mara ai, nang gaw shanhte kaw sa ra na ndai n rai.

YEREMIA 34:6

Dai hpang, ngai gaw Yerusalem mare hta Hkawhkam Zedekia hpang de ndai mungga jaw nga yang,

YEREMIA 36:2

“Laika katsu langai la nhtawm ngai nang hpe tsun dan sai Israela, Yuda hte amyu baw ni yawng hpe lakap ai magup sumhpa lam ni hpe dai hta e ka tawn u. Dai sha n-ga, Yoshia hkawhkam tai nga ai shaloi, ngai nang hpe shawng shaga ai shani kaw nna dai ni du hkra ngai nang hpe tsun sai ga mahkra ka tawn u.

EZEKELA 3:10

Karai Kasang gaw, “Si chye ai masha wa e, ngai nang hpe tsun dan ai lam yawng mayawng hpe myit maju jung ai hte dum nga u.

Daniela 10:10

Dai hpang marai langai mi a lata hte ngai hpe jum da nna nye a lata hte lahput magra da let ngai hpe sharawt la nga ai. Ngai gaw dai aten du hkra hkrit gari nga nngai.

Daniela 10:16

Dai hpang masha zawn rai nga ai lamu kasa gaw shi a lata lalam dat nhtawm nye a nten hpe ahtawk ya nga ai. Shaloi ngai gaw shi hpe, “Madu e, ndai shingran gaw ngai hpe grai n-gun kya kau shangun nga ai rai nna hkrit gari nga ai hpe ngai n jahkring da lu nngai.

BU HKAWM 23:5

Dai Madu mung Balam hpe kaning ngu tsun na lam tsun matsun nhtawm, dai ga Balak hpe bai wa hti dan na matu shi hpe bai nhtang wa shangun dat wu ai.

MAHTE 10:19

Nanhte hpe ap kau myit dai shaloi, kaning ngu nna, hpa hku tsun lu na hpe hkum tsang myit; dai aten du jang, hpa tsun na gaw, nanhte hpe shadum na marin dai.

MARKU 7:33

Dai rai nna Yesu gaw, dai wa hpe masha hpawng kaw na shi hpe hkrai sha shim ai shara de shapraw la nhtawm, dai wa a na lashing hku shi a layung achyaw bang ya ai hte, mayen mahtaw nhtawm shi a shinglet hpe mung ahtawk ya wu ai.

LUKA 12:12

Hpa majaw nga yang, Chyoi Pra Ai Wenyi gaw, dai ahkying aten hta nanhte hpa tsun mai na hpe sharin ya na ra ai.”

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

TARA JAHPRANG 18:16

“Nanhte Sina Bum e hpawng nga myit dai shani hta, nanhte si na hkrit nga myit dai majaw, dai Madu tsun ai ga hpe bai n na lu myit ga mung, wan zawn re ai dai Madu a hpung shingkang hpe galoi mung bai n mu mada lu myit ga, hpyi nem yu manit dai.

TARA JAHPRANG 18:17

Dai rai nna dai Madu ngai hpe, ‘Shanhte mahtang hpaji ga hte hpyi lajin manu ai.

TARA JAHPRANG 18:18

Nang zawn re ai myihtoi langai, shanhte hpang de shangun dat ya na we ai; shi kaning ngu tsun na ga, shi hpe ngai tsun dan na we ai. Shing rai shi gaw ngai hkang da mada lam magup amyu masha ni hpe tsun dan na rai wu ai.