YEREMIA 1:5 - Jinghpaw Common Language Bible 2009

⁵ “Ngai gaw nang hpe asak garai n jaw ai kaw nna lata la ni ai, ngai gaw nang garai n shangai aten kaw nna pyi masha amyu baw ni a matu myihtoi tai na lata la ni ai,” ngu nna tsun wu ai.

Jinghpaw Hanson Version Bible

⁵ Ngai nang hpe nnu a hkritung e garai n shachyaw yang pyi, ngai nang hpe chye nngai; nang garai n shangai yang pyi, ngai nang hpe shachyoi shapra nngai: masha amyu ni a myihtoi tai na, ngai nang hpe aya dang da ni ai, nga ai.

YEREMIA 1:5 ပူးပေါင်းရင်းမြစ်များ

SHAKAWN KUNGDAWN 139:15

Nye a nrut nra ni hkrang pru wa nna, langai hte langai shada da atsawm sha htuk shachyaw mat wa nhtawm, nu a hkritung kan hta kaba wa let dai shara hta ngai naw rawng nga yang pyi, nang ngai hpe chye nga nit dai.

SHAKAWN KUNGDAWN 139:16

Ngai garai n shangai wa ai aten kaw nna pyi, nang ngai hpe mu nit dai. nye a matu masat da ya ai nhtoi ni langai mi hpe mung ngai garai n mu yang, na a laika hta yawng ka matsing da nga nit dai.

PRU MAT 33:12

Mawshe gaw dai Madu hpe, “Ndai amyu masha ni hpe dai mung de woi wa na, nang ngai hpe tsun ai gaw teng nga ai; rai ti mung ngai hte rau kadai hpe nang shangun ya na gaw ngai hpe n tsun yu ndai. Nang ngai hpe kaja wa chye nna yu sharawng nga ndai hpe gaw nang tsun nit dai.

PRU MAT 33:17

Dai Madu gaw Mawshe hpe, “Ngai nang hpe kaja wa grai chye ai hte nang hpe awng sharawng nga nngai majaw nang hpyi lajin ai hte maren ngai hkan galaw na nngai,” ngu nna tsun wu ai.

ESAIA 44:2

Ngai gaw nang hpe hpan da ai dai Madu rai nga nngai; nang shangai wa ai aten kaw nna, ngai nang hpe karum ni ai. Hkum hkrit et; nang gaw nye a shangun ma rai nga ndai, ngai tsaw ra ai hte lata la hkrum ai nye a amyu masha ni rai nga myit dai.

ESAIA 49:1

Tsan gang ai shara hkan nga ai sumtsan masha amyu baw ni e, nye a ga madat mu! Ngai garai n shangai ai aten kaw na, dai Madu gaw ngai hpe lata la ai hte shi a shangun ma tai na matu ngai hpe san da nu ai.

ESAIA 49:5

Ngai garai n shangai yang, dai Madu gaw ngai hpe san da nu ai; shi a amyu masha ni hpe woi nhtang wa na matu mung, bra mat wa sai Israela amyu masha ni hpe bai woi nhtang wa na matu mung, shi gaw ngai hpe shi a shangun ma shatai nu ai. Dai Madu gaw ngai hpe arawng sadang jaw nga ai; shi gaw nye a n-gun a npawt rai nga ai.

YEREMIA 1:10

Baw kau na hte run kau na matu mung, jahten shabyak kau na hte gumlau jahten kau na matu mung, gaw da na hte hkai da na matu mung, masha amyu baw ni hte mungdan ni a ntsa hta e up na ahkaw ahkang, dai ni jang, ngai nang hpe ap nga nngai,” ngu nna tsun wu ai.

YEREMIA 1:4

Dai Madu gaw ngai hpe,

YEREMIA 20:15

“Ndai gaw lasha rai nga ai! Nang shadang sha langai lu ndai!,” nga nna nye a wa hpe shiga shana ai hte kabu shangun ai wa gaw dagam dala hkrum nga u ga.

YEREMIA 25:13

Ngai gaw Yeremia hku nna tsun ai shaloi, ndai laika buk hta ka matsing da ai tsin-yam tsindam mahkra hte amyu baw ni hpe ngai jahkrit shama na ngu ai hte maren, Babelon mung masha ni hpe ru yak tsin-yam tsindam mahkra hte ari jaw na we ai.

YEREMIA 36:2

“Laika katsu langai la nhtawm ngai nang hpe tsun dan sai Israela, Yuda hte amyu baw ni yawng hpe lakap ai magup sumhpa lam ni hpe dai hta e ka tawn u. Dai sha n-ga, Yoshia hkawhkam tai nga ai shaloi, ngai nang hpe shawng shaga ai shani kaw nna dai ni du hkra ngai nang hpe tsun sai ga mahkra ka tawn u.

YEREMIA 50:34

Rai ti mung, shanhte hpe hkye mawai la ai wa gaw n-gun rawng nga ai wa rai nna, shi a amying gaw Chyahtum Chyalai N-gun Rawng ai dai Madu rai nga ai. Shi hkum nan shanhte a amu hpe lit la nna, mungkan ga de ngwi pyaw sim sa lam jaw ya na ra ai, rai ti mung, Babelon masha ni hpang de gaw ru yak tsin-yam tsindam rai na ra ai,” ngu nna tsun ai.

LUKA 1:15

Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

LUKA 1:41

Mari hkrum shaga ai ga Elisabet na jang, shi a hkritung na ma gaw gumlawt nga ai.

LUKA 1:76

“Ma e, nang gaw Tsaw Htum Ai Wa a myihtoi ngu nna shamying ai lam hkam la nna, shi a lam lajang na matu, shi a shawng numshawn e sa wa na rin dai.

YAWHAN 10:36

Ngai chyawm gaw, nye Wa ngai hpe lata la nna ndai mungkan de shangun dat ni ai. Dai rai yang, Ngai gaw Karai Kasang a Kasha rai nngai,’ nga nna tsun ai shaloi, ngai gaw Karai Kasang hpe shatan nhkan ai wa re, ngu nna nanhte gara hku tsun lu myit ta?

ROMA 1:1

Karai Kasang a Kabu Gara Shiga hkaw tsun na matu kasa hku nna Karai Kasang e lata san da hkrum ai Hkristu Yesu a shangun ma wa ngai Pawlu gaw Laika ka dat nngai.

ROMA 8:29

Shi a Kasha gaw kahpu kanau lanlak hta e kasha alat ningshawng tai u ga, Karai Kasang gaw shi lata san da sai ni hpe mung, shi a Kasha a gawng shingyan hte bung wa na masha lata san da mu ai.

1 KORINHTU 8:3

Rai ti mung Karai Kasang hpe tsaw ra ai wa gaw, Karai Kasang e chye chyap masat da ai hpe hkam la nga ai.

EHPESU 1:22

Karai Kasang gaw arai baw sumhpa hpe shi a lagaw npu e tawn da nu ai rai nna dai hpung a matu yawng mayawng a ntsa e baw tai u ga, shi hpe san da nu ai.