YAWSHU 2:4 - Jinghpaw Common Language Bible 2009

^4-6 Shi chyawm gaw, “Lasha nkau mi nye a nta de sa ma ai, rai ti mung shanhte kanang na sa wa ma ai gaw ngai n chye nngai. Mare chyinghka garai n la, jan du wa ai aten hta shanhte bai pru mat wa masai. Shanhte gara de sa mat wa ma ai hpe n chye dat nngai; rai ti mung, shanhte a hpang alawan hkan shachyut myit yang gaw hkan dep lu na rai myit dai,” ngu nna htan wu ai. (Shing ngu dat wu ti mung Rahab chyawm gaw kin-yu yan hpe nta magaw ntsa de woi lung wa nhtawm magaw ntsa e lam tawn ai lachyit sumpan kata e makoi da wu ai.)

Jinghpaw Hanson Version Bible

⁴ Dai numsha chyawm gaw, dai yan hpe woi makoi da nna, “Ngai kaw du gaw du ma ai, rai timung kanang na sa ma ai gaw ngai n chye nngai;

YAWSHU 2:4 ပူးပေါင်းရင်းမြစ်များ

2 HKAWHKAM 6:19

Dai hpang Elisha gaw shanhte kaw sa nhtawm, “Nanhte mahtang shut ai lam hta hkan nga myit dai; ndai gaw nanhte tam ai mare n rai nga ai. Sa sa ngai kaw she hkan nang mi, nanhte tam ai wa hpang de ngai woi sa made ga,” ngu nna tsun wu ai. Shing rai shi shanhte hpe Samari mare de woi mat wa mu ai.

PRU MAT 1:19

Shan chyawm gaw, “Dai Hebre numsha ni mahtang Egutu numsha ni zawn n rai ma ai. Shanhte gaw aloi loi sha shangai lu ma ai rai nna, an langai ngai garai n du yang ma ni hpe shangai kau kau di ma ai,” ngu nna htan ma ai.

YAKU 2:25

Shawa num Rahab a lam mung dai hte maren rai nga ai. Shi gaw Israela kin-yu ni hpe hkap hkalum la nna kaga lam hku lawt pru mat wa na matu karum la ai magam bungli a majaw Karai Kasang a man e ding hpring sharawng awng ai hpe hkam la lu nu ai.

YAWSHU 2:3

shi gaw Rahab hpang de ning ngu shana dat wu ai: “Mungdan ting hpe kin-yu yu na masha ni na a nta e du nga masai! Shanhte hpe shapraw ya mi!”

YAWSHU 6:17

Dai Madu hpe hkungga nawng jau ya ai hku nna dai mare hte dai hta rawng marawng ni hpe tsep kawp jahten kau lu na rai myit dai. Shawa num Rahab hte shi a nta na nga manga ni chyu sha lawt lu na rai ma ai; hpa majaw nga yang, Rahab chyawm gaw anhte a kin-yu ni hpe makoi da ya mi ai.

YAWSHU 6:25

Rai ti mung, Yerihko mare de shi shangun dat ai kin-yu lahkawng hpe shi makoi da ya wu ai majaw shawa num Rahab hte shi a nta masha, makyin jinghku ni a asak hpe Yawshu shalawt ya wu ai. (Shi a amyu matu ni dai ni du hkra Israela mung e nga nga ma ai.)