YAWHAN 9:7 - Jinghpaw Common Language Bible 2009

⁷ “Silum hka lawng de sa kashin su,” ngu nna shi hpe tsun dat wu ai. Dai hte maren sa kashin nna myi mu ai hte bai wa ai. (Silum ngu ai a lachyum gaw “shangun dat ai,” rai nga ai.)

Jinghpaw Hanson Version Bible

⁷ “Silum hka lawng de sa kashin su,” ngu nna shi hpe tsun dat wu ai: dai hte maren shi sa kashin nna, myi mu ai hte bai wa ai: (Silum ngu ai gaw, shangun dat ngu ai, rai nga ai.)

YAWHAN 9:7 ပူးပေါင်းရင်းမြစ်များ

NEHEMIA 3:15

Hkolahoze a kasha Mizpa ginwang up ai Shalum gaw Hka Hpawk Chyinghka hpe galaw wu ai. Shi gaw chyinghka lam hpe galup nna, chyinghka ni hpe shara hte shara tawn da nna shingla ni hte htinggrang ni hpe shakap da nga ai. Hkawhkam sun makau na Shela Hka Lawng bunghku hpe Dawi a Mare kaw nna yu wa ai lakang du hkra galaw da nga ai.

SHAKAWN KUNGDAWN 146:8

Myi n mu ai ni hpe myi shamu ya nna, kataw ai ni hpe shi sharawt la nga ai; shi a ding hpring ai masha ni hpe shi tsaw ra nga ai.

PRU MAT 4:11

Dai Madu gaw shi hpe, “Masha a n-gup hpe kadai jaw a ta? Ma-a ai hte na lahpang ai wa hpe kadai galaw a ta? Myi mu hkra shi hpe kadai jaw nna, kadai wa myi kyaw shangun a ta? Dai gaw Ngai Madu nan rai nga nngai.

ESAIA 32:3

Shanhte a myi hte na ni gaw hpaw wa nna amyu masha ni a ra kadawn lam ni hpe mu wa na mara ai.

ESAIA 35:5

Myi n mu ai ni myi mu wa na mara ai, na lahpang ai ni na na wa na mara ai.

ESAIA 42:7

Nang gaw myi n mu ai ni hpe myi hpaw ya nna nsin htawng hta sharen da hkrum ai ni hpe shalawt dat na rin dai.

ESAIA 43:8

Karai Kasang gaw, “Nye a amyu masha ni hpe tara rung de shaga dat mu. Shanhte gaw myi tu ti mung myi n mu ma ai; shanhte gaw na tu ti mung na lahpang ma ai.

ESAIA 8:6

Shi gaw, “Ndai amyu masha ni gaw asim sha lwi nga ai Shilo hka shi hpe kau da nna, Hkawhkam Rezin hte Hkawhkam Peka yan a man e hkrit gari nga ma ai majaw,

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

LUKA 13:4

Siloam ngu ai shara na langchyi daw hkrat nna gamyet si ai masha marai shi matsat gaw, Yerusalem mare masha ni yawng hta mara grau law ai ni rai ma ai, ngu nna nanhte myit da mu ni?

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

YAWHAN 10:36

Ngai chyawm gaw, nye Wa ngai hpe lata la nna ndai mungkan de shangun dat ni ai. Dai rai yang, Ngai gaw Karai Kasang a Kasha rai nngai,’ nga nna tsun ai shaloi, ngai gaw Karai Kasang hpe shatan nhkan ai wa re, ngu nna nanhte gara hku tsun lu myit ta?

YAWHAN 11:37

Rai ti mung shanhte hta na nkau mi gaw, “Myi n mu ai wa hpe myi hpaw ya lu ai, ndai wa gaw Lazaru n si hkra n di lu na a ni?,” nga ma ai.

YAWHAN 9:11

Shi gaw, “Yesu ngu ai wa, hkumpup ga galaw la nna nye a myi hta chya nhtawm, Silum hka lawng de sa kashin u, nga nna ngai hpe tsun ai hte maren, ngai sa kashin yang, myi mu lu li ai,” ngu nna htan wu ai.

YAWHAN 9:39

Bai Yesu gaw, “Myi n mu ai ni myi mu lu na matu mung, myi mu nga ai ni n mu lu na matu mung, tara dara na matu ndai mungkan ga de sa du nngai,” ngu wu ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

GALATI 4:4

Rai ti mung aten ladaw gu jang Karai Kasang gaw shi a kasha hpe shangun dat wu ai; anhte gaw Karai Kasang e kasha yin la ai chyeju hkam la lu u ga,