YAWHAN 9:6 - Jinghpaw Common Language Bible 2009

⁶ Shing nga tsun ngut jang Yesu gaw, ga hta mayen prat bang nna hkumpup galaw nawk la nhtawm, dai wa a myi hta chya ya nna

Jinghpaw Hanson Version Bible

⁶ Shing nga tsun ngut jang, shi gaw ga hta mayen prat bang nna, hkumpup galaw la nhtawm, dai wa a myi hta chya ya nna,

YAWHAN 9:6 ပူးပေါင်းရင်းမြစ်များ

ESAIA 35:5

Myi n mu ai ni myi mu wa na mara ai, na lahpang ai ni na na wa na mara ai.

MARKU 7:33

Dai rai nna Yesu gaw, dai wa hpe masha hpawng kaw na shi hpe hkrai sha shim ai shara de shapraw la nhtawm, dai wa a na lashing hku shi a layung achyaw bang ya ai hte, mayen mahtaw nhtawm shi a shinglet hpe mung ahtawk ya wu ai.

MARKU 8:23

Shi gaw dai myi kyaw ai wa hpe lata hte dun la nna, kahtawng shinggan de woi shapraw nhtawm, shi a myi hpe mayen mahtaw madit nna, shi a ntsa e lata mara da let, “Nang lama ma mu lu da nu ni?,” ngu nna shi hpe san wu ai.

YAWHAN 9:11

Shi gaw, “Yesu ngu ai wa, hkumpup ga galaw la nna nye a myi hta chya nhtawm, Silum hka lawng de sa kashin u, nga nna ngai hpe tsun ai hte maren, ngai sa kashin yang, myi mu lu li ai,” ngu nna htan wu ai.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.