YAWHAN 9:4 - Jinghpaw Common Language Bible 2009

⁴ Shani ninghtoi naw rai nga dingsa gaw, ngai hpe shangun dat ai wa a magam amu hpe anhte gun hpai nga lu na rai nga ai. Kadai mung amu n gun n hpai lu ai shana ahkying du na ra ai.

Jinghpaw Hanson Version Bible

⁴ Ngai hpe shangun dat ai wa a magam amu hpe, shani nhtoi naw rai nga yang, anhte gun hpai lu na rai nga ai: kadai muk amu n gun n hpai lu ai shana ahkying du na ra ai.

YAWHAN 9:4 ပူးပေါင်းရင်းမြစ်များ

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

MAHTE 20:7

Shanhte gaw, ‘Kadai mung anhte hpe n saw mi ai,’ ngu mu ai. Shi gaw, ‘Nanhte mung dai sun de sa wa masu,’ ngu mu ai.

MARKU 3:3

Yesu gaw dai masha hpe, “Shawa hpawng a man de sa pru tsap rit,” ngu nna tsun wu ai.

YAWHAN 10:32

Yesu gaw, “Ngai galaw na matu nye Wa ngai e ap ya da ai kaja ai amu law law nanhte a man e ngai galaw dan ni ai; dai amu ni hta na gara mahtang a majaw ngai hpe nlung hte kabai mayu myit ta?,” ngu nna san mu ai.

YAWHAN 10:37

Ngai hpe nye Wa galaw shangun mayu ai amu ni hpe ngai n galaw nga nngai rai yang gaw ngai hpe hkum kam myit.

YAWHAN 12:35

Yesu gaw, “Dai nhtoi gaw nanhte hta loi hkring mi sha nga nga na sai; dai nsin gaw nanhte hpe garai n ka-up lep myit ga, nanhte hta nhtoi naw nga nga yang, matut nna hkawm sa mu, hpa majaw nga yang, nsin hta hkawm sa ai wa gaw, tinang gade sa wa nga ai mung, n chye wu ai.

YAWHAN 17:4

Ga ntsa e ngai gaw na a hpung shingkang shapraw ya ni ai; ngai gun hpai na matu nang ngai hpe ap ya ai amu hpe gun hpai ngut se ai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

YAWHAN 5:19

Dai re ai majaw, ngai nanhte hpe kaja wa teng teng tsun made ga, Kasha gaw tinang a myit ai hku hte hpa mung n galaw lu ai; Kawa galaw ai amu ni hpe mu lu ai hte maren shi galaw nga ai. Kawa galaw ai lam shagu Kasha wa mung hkan galaw lu na rai nga ai.

YAWHAN 5:36

Rai ti mung ngai lu ai sakse gaw Yawhan hkam ya ai sakse hta grau kaba li ai, hpa majaw nga yang, ngai galaw ai gaw, ngai gun hpai shangut na matu, nye Wa e ngai hpe ap ya ai amu ni rai nga ai rai nna, ya ngai gun hpai nga ai amu ni e pyi, ngai hpe nye Wa e shangun dat ai lam sakse hkam ya nga ai.

YAWHAN 7:33

Yesu gaw, “Ngai nanhte hte rau tawng marang mi sha nga nhtawm ngai hpe shangun dat ai wa hpang de ngai wa mat na nngai.

KASA 4:20

An chyawm gaw, anhte nan lala mu la na la sai lam ni hpe n tsun ai n nga lu ga ai,” ngu nna shanhte hpe bai htan mu ai.

GALATI 6:10

Dai re ai majaw anhte gaw aten ladaw naw nga pra nna ahkaw ahkang lu shagu masha nlang hte a matu mai kaja ai amu galaw nga ga, rai ti mung makam masham a dinghku na ni hpe grau nna galaw nga ga.

EHPESU 5:16

Ya na nhtoi ladaw ni gaw n shawp nga ai majaw, nanhte lu ai ahkaw ahkang shagu hpe atsawm sha akyu rawng hkra jai lang mu.

KOLOSE 4:5

Nanhte lu ai ahkaw ahkang shagu hpe ga n hkrat hkra atsawm sha jai lang let garai n kam n sham ai ni a man e hpaji byeng-ya hte hkawm nga mu.