YAWHAN 9:3 - Jinghpaw Common Language Bible 2009

³ Yesu gaw, “Ndai wa a myi n mu ai lam gaw, shi a mara hte mung, kanu kawa ni a mara hte mung, hpa n seng nga ai. Shi myi n mu ai gaw Karai Kasang a n-gun atsam shi hta magam bungli galaw nga ai lam mu lu na matu rai nga ai.

Jinghpaw Hanson Version Bible

³ Yesu gaw, “Ndai wa yubak galaw ai n rai, kanu yan kawa mung n rai; shi hta Karai Kasang a magam amu dan hkung na matu, rai nga ai.

YAWHAN 9:3 ပူးပေါင်းရင်းမြစ်များ

YOBA 21:27

Nanhte hta matai htang mayu ai myit rawng nga myit dai gaw ngai chye nngai.

YOBA 32:3

Shi gaw Yoba a manang masum hte mung masin pawt hkat nga ai. Shanhte chyawm gaw Yoba hpe htan na lam n mu ma ai majaw dai gaw Karai Kasang hpe shut hpyit shangun ai zawn tai nga ai.

YOBA 42:7

Dai Madu gaw Yoba hpe ga shaga ngut jang, shi gaw Elihpaza hpe, “Nye a lam hte seng nna nye a shangun ma Yoba zawn teng man ai ga nang n tsun ndai majaw, nang hte na a manang lahkawng yan hpe pawt bu nngai.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

YAWHAN 11:4

Yesu gaw dai ga na jang “Dai machyi ai gaw si machyi n rai, Karai Kasang a hpung shingkang dan hkung shangun na matu hte de a majaw Karai Kasang a Kasha gaw hpung shingkang dan hkung wa na ra ai,” ngu nna tsun wu ai.

YAWHAN 11:40

Yesu gaw, “Nang kam n yang gaw, Karai Kasang a hpung shingkang nang mu lu na rin dai, ngu nna ngai tsun sade ai n rai ni?,” ngu nna shi hpe tsun wu ai.

KASA 28:4

Zunlawng na buga masha ni Pawlu lata hta kawa noi nga ai lapu hpe mu ma yang, “Gaja wa nan, ndai masha wa gaw masha sat ai wa langai mi rai teng sam ai. Panglai hta n si n mat asak lawt lu ti mung teng man ai tara gaw shi hpe asak hkrung nga na ahkang n jaw da wu hka!,” nga nna shada da tsun shajang ma ai.

KASA 4:21

Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

1 YAWHAN 4:16

Dai rai nna, anhte a ntsa e Karai Kasang a tsaw ra myit tawn da nga ai lam hpe anhte nan chye ga ai hte kam sham ga ai. Karai Kasang gaw tsaw ra ai myit rai nga ai; dai rai nna tsaw ra ai myit hta asak hkrung ai wa kadai rai ti mung, Karai Kasang hte langai sha tai nna nga nga ai, Karai Kasang mung shi hte langai sha tai nna nga nga ai.

1 YAWHAN 4:9

Anhte gaw Kasha a marang e htani htana asak lu la mu ga nga, Karai Kasang gaw shi a Kasha shingtai hpe mungkan ga de shangun dat wu ai hte Karai Kasang anhte hpe tsaw ra ai lam madun mani ai.