YAWHAN 9:2 - Jinghpaw Common Language Bible 2009

² Shaloi shi sape ni gaw, “Sara e, ndai wa myi n mu ai shangai wa ai gaw, gade a mara majaw rai ta? Shi nan a mara rai ni? Shing n rai, shi a kanu kawa ni a mara rai ni?,” ngu nna san mu ai.

Jinghpaw Hanson Version Bible

² Shaloi shi a sape ni gaw, “Rabai e, ndai wa myi n mu ai shangai wa ai gaw, yubak galaw ai kadai wa rai ta? ndai wa rai ni? kanu yan kawa rai ni?” ngu nna san mu ai.

YAWHAN 9:2 ပူးပေါင်းရင်းမြစ်များ

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

MAHTE 16:14

Shanhte gaw, “Nkau mi, Hkalup Sara Yawhan; kaga ni gaw, Elia; bai kaga ni gaw, Yeremia; shing n rai myihtoi langai ngai re ai, nga ma ai,” ngu mu ai.

MAHTE 23:7

Gat hkan e hkungga lara di shachyen ai hte, masha ni e, ‘Sara’ ngu nna shamying na hpe shanhte sharawng la ma ai.

MAHTE 23:8

Nanhte mahtang ‘Sara e’ ngu nna shamying na hpe hkum ra myit: hpa majaw nga yang, nanhte a sara gaw langai sha rai nga ai rai nna, nanhte yawng kahpu kanau ni rai nga myit dai.

LUKA 13:2

Shi gaw, “Dai Galile masha ni shing rai sat hkrum ai majaw, kaga Galile amyu masha ni yawng hta yubak grau law ma ai ngu nna nanhte myit da mu ni?

YAWHAN 4:31

Dai laman sape ni gaw, “Rabai e, shat sha u,” ngu nna shi hpe saw lajin mu ai.

YAWHAN 9:1

Ya, Yesu lai sa wa nga yang, hkritung nna myi kyaw ai masha langai mi hpe mu wu ai.

YAWHAN 9:34

Shanhte gaw, “Nang gaw hkritung nna pyi mara kap ai hte kaba wa ai wa rai nga nhtawm me anhte hpe sharin nga n ni?,” ngu nna jawm htan nhtawm, dai wa hpe kanawng shapraw kau mu ai.

KASA 28:4

Zunlawng na buga masha ni Pawlu lata hta kawa noi nga ai lapu hpe mu ma yang, “Gaja wa nan, ndai masha wa gaw masha sat ai wa langai mi rai teng sam ai. Panglai hta n si n mat asak lawt lu ti mung teng man ai tara gaw shi hpe asak hkrung nga na ahkang n jaw da wu hka!,” nga nna shada da tsun shajang ma ai.