YAWHAN 8:9 - Jinghpaw Common Language Bible 2009

⁹ Shanhte dai ga na jang, yawng a shawng e asak kaba sai ni langai a hpang langai pru mat wa ma ai. Shing rai Yesu hkrai sha hti nga ai hte numsha mung mi na shara hta naw tsap nga ai.

Jinghpaw Hanson Version Bible

⁹ Shanhte dai ga na jang, agyi salang ni shawng pru wa ai kaw nna, langai hte langai pru mat wa ma ai: shing rai Yesu hkrai sha hti nga ai hte, dai numsha mung myi na shara e anga nga ai.

YAWHAN 8:9 ပူးပေါင်းရင်းမြစ်များ

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

1 HKAWHKAM 2:44

Nye a kawa Dawi hpe nang galaw nit dai shut hpyit amu yawng mayawng a lam hpe nang atsawm sha chye nga ndai. Dai amu a majaw dai Madu gaw nang hpe ari jaw na ra ai.

YOBA 20:27

Sumsing lamu gaw shanhte a yubak hpe madun dan nga ai, ginding aga gaw shanhte hpe sakse jaw ya nga ai.

YOBA 20:5

n hkru ai masha ni kadai mung aten na na n kabu lu ma ai.

SHAKAWN KUNGDAWN 40:14

Ngai hpe sat na maw ai ni tsep kawp sum mat nna shanut kau ai hkrum mu ga. Nye a ru tsang ai lam ni a majaw kabu gara nga ai ni gaw shingdu de htingnut mat wa nna, kaya kahpa hkrum mu ga.

SHAKAWN KUNGDAWN 50:21

Dai lam yawng hte hpe nang galaw nit dai, ngai hpa mung n shaga nngai majaw, nang zawn ngai rai nga nngai ngu nna nang myit la nga ndai; rai ti mung, ya chyawm gaw, ngai nang hpe daru sharin na nngai hte nang hpe dai lam asan sha tsun dan na nngai.

SHAKAWN KUNGDAWN 71:13

Ngai hpe gasat ai ni sum mat nna, jahten kau ai hkrum nga mu ga; Ngai hpe machyi shangun na matu, shakut nga ai ni kaya kahpa hkrum ai hte myi man sum mat mu ga.

HPAJI NINGLI 7:22

nang nan masha kaga ni hpe law law lang jahpoi asawng kau nit dai hpe nang nan bai chye lu na rin dai.

LUKA 13:17

Shi htan ai ga a majaw, shi hpe hpyen tai ai ni kaya mat shajang ma ai. Shawa masha ni yawng chyawm gaw, shi galaw ai mauhpa amu mahkra a majaw kabu gara shajang nga ma ai.

YAWHAN 8:10

Shaloi Yesu bai sharawt mada yu nna, “Numsha e, ya shanhte kanang rai wa ma sata? Nang hpe jeyang na masha langai mi mung n nga sani?,” ngu nna san wu ai.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

YAWHAN 8:2

Hpang jahpawt jau jau e Nawku Htingnu de shi bai sa wa ai rai nna, masha nlang hte mung shi kaw sa du shinggrup nga ma yang shi dung let shanhte hpe sharin shaga nga ai.

YAWHAN 8:3

Shaloi Tara sara ni hte Hparishe ni gaw, n se n sa galaw nga yang mu rim la ai numsha langai mi hpe dun sa nna, shawa yawng a man e shatsap tawn mu ai.

YAWHAN 8:8

Dai hpang ga e bai gum nna ga hta ka mahkret nga ai.

ROMA 2:15

Dai jep ai Tara a hkang da ai lam ni gaw shanhte a kraw lawang ni hta ka da nga sai hpe shanhte a sat lawat nsam ni hku nna sakse hkam madun dan nga ai. Shanhte a htauli htaula myit ni mung dai lam teng nga ai hpe sakse hkam nga ai. Hpa majaw nga yang, shanhte a myit mang ai lam ni gaw kalang lang shanhte hpe mara shagun nna kalang lang gaw makawp maga madi shadaw nga ai.

ROMA 2:22

“Masha num hkum shaw,” ngu nna nang tsun nhtawm tinang dai num shaw nga n hka? Gawkngu sumla hpe nang matsat nga nhtawm shanhte a hpara nta ni hpe hpya la nga n ni?

1 YAWHAN 3:20

Anhte a htauli htaula myit gaw anhte hpe jahpoi asawng kau ai hkrum ga yang gaw, Karai Kasang gaw anhte a htauli htaula myit hta grau kaba nga ai lam anhte chye ga ai hta n ga, shi gaw nga manga hpe chye chyang ai wa rai nga ai hpe mung anhte chye ga ai.