YAWHAN 8:53 - Jinghpaw Common Language Bible 2009

⁵³ Nang wa mi, si mat wa sai anhte a wa Abraham hta grau kaba nga n ni? Myihtoi ni mung si mat wa masai; nang gaw, nang kadai wa re ai ngu nna myit nga n ta?,” ngu nna shi hpe tsun mu ai.

Jinghpaw Hanson Version Bible

⁵³ Nang wa mi, si mat wa sai, anhte a Wa Abraham hta grau kaba nga nni? myihtoi ni mung si mat wa masai; nang gaw kadai wa tai nga n ta?” ngu na shi hpe tsun mu ai.

YAWHAN 8:53 ပူးပေါင်းရင်းမြစ်များ

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

MAHTE 12:6

Ngai nanhte hpe tsun made ai gaw, dai Nawku Htingnu hta grau kaba ai wa mahtang gaw, nang e rai nga ai.

MAHTE 3:9

Abraham gaw anhte a kaji kawa rai nga mali ai nga nna tsun nga ai hte sha nanhte a yubak mara a ari kaw na lawt lu na zawn hkum nawn myit, nanhte hpe ngai tsun made ga, Karai Kasang gaw ndai nlung ni hpe la nna Abraham a matu kashu kasha ni hpe hpan shalat lu nga ai!

YAWHAN 10:33

Shanhte gaw, “Kaja ai amu lama ma nang galaw ai a majaw, anhte nang hpe nlung hte kabai mayu ga ai n rai, rai ti mung nang gaw, Karai Kasang a mying nsang hpe n-gawn n sawn shatan nhkan ga tsun ndai hte, shinggyim masha sha rai da nhtawm me, na a hkum hpe nang Karai hpyi hpun ndai majaw kabai na ga ai,” ngu nna htan mu ai.

YAWHAN 12:34

Shing nga ai majaw shawa masha ni gaw, “Meshia gaw htani htana asak hkrung nga na ra ai, nga nna she anhte a Tara laika hta anhte hpe tsun da mi ai. Dai rai yang, Meshia gaw sharawt da ai hkrum lu na ra ai, ngu nna nang kaning ngu tsun lu n ta? Masha Kasha dai gaw kadai wa mi rai ta?,” ngu nna shi hpe htan mu ai.

YAWHAN 19:7

Shaloi Yuda masha ni gaw, “Dai wa gaw shi hkum hpe Karai Kasang a Kasha rai nngai nga nna hpyi hpun ai ga tsun ai majaw, si ging ai ngu nna anhte a tara hta tsun da nga ai,” ngu nna shi hpe htan mu ai.

YAWHAN 4:12

Anhte a Jiwa Yaku gaw ndai hka htung anhte hpe jaw da mani ai rai nna, shi hte shi a kashu kasha ni, shi a yam nga hpung ni yawng ndai hta na lu masai. Nang gaw Jiwa Yaku hta grau kaba n ni?,” ngu nna shi hpe tsun wu ai.

YAWHAN 5:18

Ning nga nna tsun ai majaw mung, Bansa Nhtoi hte seng ai Tara hpe tawt lai ai hta n ga, Karai Kasang hpe shi a Kawa re ai ngu nna shi hkum hpe Karai Kasang hte shabung wu ai majaw, ahkang aya lu ai Yuda ni shi hpe sat kau lu na lam grau nna tam ma ai.

YAWHAN 8:58

Yesu gaw, “Ngai nanhte hpe kaja wa teng teng tsun made ga, Abraham garai n shangai ai kaw nna ngai nga nga ni ai,” ngu nna shanhte hpe tsun mu ai.

ROMA 9:5

Shanhte gaw mying gumhkawng ai Hebre kaji kawa ni kaw na yu hkrat wa ai ni rai ma ai rai nna masha labau hku gawn yang Hkristu gaw shanhte kaw na rai nga ai. Yawng mayawng a ntsa e up nga ai Karai Kasang hpe htani htana shagrau sha-a nga ga law! Amen.