YAWHAN 8:52 - Jinghpaw Common Language Bible 2009

⁵² Yuda masha ni gaw, “Nang nat shang ai wa rai nga ai gaw, ya anhte hkrak chye saga ai! Abraham hte myihtoi ni pyi si mat wa masai, dai rai yang, nang chyawm gaw, ‘nye a sharin shaga ai ga madat mara hkan sa ai wa gaw galoi mung n si na ra ai,’ nga nna tsun lu ndai.

Jinghpaw Hanson Version Bible

⁵² Bai Yuda masha ni gaw, “Nang nat shang ai wa rai nga ai gaw, ya anhte chye saga ai: Abraham hte myihtoi ni pyi si mat wa masai; nang wa chyawm gaw, Nye ga hku hkan ai wa gaw, galoi mung n si na ra ai, nga nna tsun lu ndai.

YAWHAN 8:52 ပူးပေါင်းရင်းမြစ်များ

MAHTE 11:18

Yawhan du sa nna lu sha gam let sabyi n lu ai sha nga ai shaloi, ‘Shi nat kap ai wa rai nga ai,’ nga nna masha shagu tsun ma ai.

YAWHAN 1:19

Yerusalem mare na ahkang aya lu ai Yuda masha ni gaw hkinjawng agyi ni hte Lewi masha nkau mi hpe Yawhan hpang de shangun dat nna, “Nang gaw kadai rai nga n ta?,” ngu nna san mu ai.

YAWHAN 14:23

Yesu gaw, “Ngai e tsaw ra ai wa rai yang gaw, nye a sharin shaga ai ga hpe madat mara hkan sa shatup na ra ai. Nye Wa mung dai wa hpe tsaw ra na wu ai rai nna an lahkawng gaw dai wa kaw sa nna, shi hte rau shanu nga na ga ai.

YAWHAN 15:20

‘Mayam gaw madu hta grau kaba ai n rai,’ ngu nna ngai nanhte hpe tsun ai ga hpe dum nga mu; ngai hpe pyi zingri zingrat ma ai rai yang gaw, nanhte hpe mung zingri zingrat na mara ai. Shanhte nye a ga madat mara ma yang gaw, nanhte a ga hpe mung, madat mara ya na mara ai.

YAWHAN 17:6

Ndai mungkan ga na nang ngai hpe ap ya da ai masha ni hpe ngai chye na shangun sai. Nang shanhte hpe madu da nga ndai rai nna shanhte hpe ngai e jaw nit dai, shing rai shanhte mung na mungga hpe madat mara hkan shatup masai.

YAWHAN 7:20

Shaloi shawa masha ni gaw, “Nang hta nat rawng nga ai, Nang hpe sat kau na kadai tam nga a ta?,” ngu nna htan mu ai.

YAWHAN 8:22

Dai majaw, Yuda masha ni gaw, “Ngai wa ai shara de nanhte n du lu na myit dai, nga nna shi tsun ai gaw shi hkum dai sat si na ngu ai lachyum rai kun?,” nga ma ai.

YAWHAN 8:48

Shaloi Yuda masha ni gaw, “Nang gaw Samari masha rai ndai nga nna mung, nat shang ai wa rai nga nna mung, anhte tsun ai ga gaw jaw nga ai n rai ni?,” ngu nna Yesu hpe bai san mu ai.

YAWHAN 8:51

Nanhte hpe ngai kaja wa teng teng tsun made ga, nye a sharin shaga ai hpe madat mara hkan sa ai wa gaw galoi mung n si na ra ai,” ngu nna bai htan mu ai.

YAWHAN 8:55

Rai ti mung nanhte shi hpe n chye myit dai, ngai chyawm gaw chye nngai. Lama shi hpe n chye nngai ngu yang gaw, nanhte zawn masu ai wa ngai rai na ra ai. Rai ti mung ngai shi hpe chye nga nngai rai nna, shi a ga hpe madat mara hkan sa nga nngai.

YAWHAN 9:24

Dai re ai majaw, dai hkritung nna myi n mu ai wa hpe lahkawng lang ngu na bai shaga la nhtawm, “Karai Kasang a man e teng man ai ga tsun na nngai ngu nna ga sadi jaw u, dai wa gaw yubak mara lu ai wa rai nga ai hpe anhte chye ga ai,” ngu nna shi hpe tsun mu ai.

HEBRE 11:13

Ndai masha ni yawng gaw dai makam masham hta si wa masai. Shanhte gaw Karai Kasang jaw da ai ga sadi hte seng ai sali wunli hpe n hkam la lu ma ai, rai ti mung shanhte hpe tsan tsan kaw nna mu mada ai hte hkap tau hkalum la ma ai. Shanhte gaw ndai ga ntsa e chyasam hte malet nhprang shingbyi manam sha tai nga ma ai hpe asan sha yin la ma ai.

HEBRE 2:9

Rai ti mung anhte mu lu ai wa gaw Karai Kasang a chyeju a majaw yawng mayawng a matu si hkam lu hkra aten ladaw chyahkring mi laman sha lamu kasa ni hta shagrit da hkrum ai Yesu Hkristu nan rai nga ai. Dai Madu chyawm gaw si hkrung si htan a nni nkri hkam la wu ai majaw, ya hpung shingkang hte arawng sadang janmau shagup da nga ai hpe anhte mu lu ga ai.