YAWHAN 8:41 - Jinghpaw Common Language Bible 2009

⁴¹ Nanhte chyawm gaw, nanhte a kawa a lai len hku hkan galaw myit dai,” ngu nna tsun mu ai. Shanhte gaw, “Anhte gaw n-gyi amyu n rai ga ai, Karai Kasang shi nan anhte a langai sha re ai Kawa rai nga mali ai,” ngu nna shi hpe tsun mu ai.

Jinghpaw Hanson Version Bible

⁴¹ Nanhte gaw nanhte a kawa a lailen hku hkan galaw myit dai,” ngu nna tsun mu ai. Shanhte gaw, “Anhte n-gyi amyu n rai ga ai. Karai Kasang ngu ai anhte a Wa langai sha rai mali ai,” ngu nna, shi hpe tsun mu ai.

YAWHAN 8:41 ပူးပေါင်းရင်းမြစ်များ

PRU MAT 4:22

Dai hpang, ‘Israela gaw nye a shadang sha alat rai nga li ai,

ESAIA 63:16

Nang gaw anhte a kawa rai nga ndai. Anhte a kaji kawa ni rai nga ai Abraham hte Yaku yan gaw anhte hpe n chye mi ai, rai ti mung Madu nang gaw anhte a kawa rai nga ndai, anhte hpe tut nawng hkye mawai la ai wa mung rai nga ndai.

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

YEREMIA 3:19

Dai Madu gaw, “Israela e, ngai gaw nang hpe nye a kasha zawn hkap la mayu nngai ngai gaw nang hpe mungkan ting hta awng sharawng mai ai hte grau nna tsawm htum ai mungdan hpe jaw nngai. Ngai gaw nang hpe ngai hpe wa ngu shaga shangun mayu ai hte ngai kaw na galoi mung bai n kayin mat wa shangun mayu nngai.

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

HOSEA 1:2

Dai Madu gaw Hosea hku nna Israela hpe shawng nnan ga tsun ai shaloi, shi gaw Hosea hpe, “Nang sa hkungran la su; na a madu jan gaw sadi n dung na ra ai, na a kashu kasha ni mung shi zawn tai na mara ai. Dai hte maren nye a amyu masha ni mung ngai kaw na pru mat wa nna sadi n dung mat nga masai,” ngu nna tsun wu ai.

MALAHKI 1:6

Chyahtum Chyalai N-gun rawng ai dai Madu gaw hkinjawng ni hpe, “Kasha gaw shi a kawa hpe shagrau hkungga ai; shangun ma wa gaw shi a madu hpe shagrau hkungga nga ai. Ngai gaw na a nwa rai nga nngai-hpa majaw nang ngai hpe n shagrau hkungga a ni? Ngai gaw na a madu rai nga nngai-hpa majaw nang ngai hpe n hkungga a ni? Nang gaw ngai hpe n kaw n law di nga ndai, shing rai tim, nang gaw, “Anhte nang hpe kaning rai n kaw n law di kau saga ta?,” nga nna san myit dai.

MALAHKI 2:11

Yuda amyu masha ni gaw Karai Kasang hpe jaw ai shanhte a ga sadi hpe run kau nhtawm Yerusalem hte mungdan ting hta matsat shabat amu galaw ma ai. Dai Madu tsaw ra ai Nawku Htingnu hpe shanhte awu asin di kau mu ai. Lasha ni gaw maigan karai ni hpe nawku ai numsha ni hpe hkungran la ma ai.

YAWHAN 8:38

Ngai gaw nye Wa madun dan ai hte maren sha tsun nngai, rai ti mung nanhte gaw nanhte a kawa tsun dan ai hte maren galaw nga myit dai,” ngu nna shanhte hpe htan mu ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

TARA JAHPRANG 14:1

“Nanhte gaw dai Madu nanhte a Karai Kasang a amyu masha ni rai nga myit dai. Si ai wa a matu sharung shayawt myit yang, kaga masha ni zawn tinang hkum hpe hkum gadoi jahpye nga myit. Nanhte a kahtan kara hpe mung hkum doi kau myit.

TARA JAHPRANG 32:6

Angawk angak hte myit n su ai amyu masha ni e, nanhte gaw dai Madu hpe dai zawn galaw ai gaw lam jaw nga a ni? Shi gaw nanhte a kawa, nanhte hpe hpan da ai wa rai nga ai, shi gaw nanhte hpe amyu baw shatai nu ai.

1 YAWHAN 3:12

Anhte gaw Ka-in zawn n mai rai ga ai. Shi gaw Nat a maga na masha tai nna shi a kanau Abela hpe sat kau nu ai. Ka-in gaw Abela hpe hpa majaw sat kau a ta?. Shi nan galaw ai amu bungli ni shut nga ai. Shi a kanau galaw ai lam ni mahtang jaw nga ai majaw rai nga ai.