YAWHAN 8:34 - Jinghpaw Common Language Bible 2009

³⁴ Yesu gaw, “Ngai nanhte hpe kaja wa teng teng tsun made ga, yubak galaw ai wa kadai mung, yubak a mayam rai nga ai.

Jinghpaw Hanson Version Bible

³⁴ Yesu gaw, “Ngai nanhte hpe gaja wa teng teng tsun made ga, Yubak galaw ai wa kadai mung, yubak a mayam rai nga ai.

YAWHAN 8:34 ပူးပေါင်းရင်းမြစ်များ

1 HKAWHKAM 21:25

(Shi a madu jan Yezebela hkan shadut ai amu mahkra hpe galaw ai Ahab zawn dai Madu a man e n kaja ai amu hpe shi hkum nan myit jung ai hte htum hkra galaw kau lu ai wa kadai mung nga nga ai n rai.

GA SHAGAWP 5:22

Tara n lang ai masha wa a yubak ni gaw mahkam rai nga nna, shi gaw shi a yubak sumgawn hta rim la ai hkrum nga ai.

MAHTE 5:18

Nanhte hpe ngai teng teng tsun made ga, lamu hte aga she anga nga dingsa gaw, dai jep ai tara hta na ga kanu langai mi hte kaji dik ai ga madin langai mi pyi n dik n tup ai sha lai mat wa lu na n rai.

YAWHAN 3:3

Yesu gaw, “Ngai nang hpe kaja wa teng teng tsun de ga, ntsa de nna n shangai ai masha gaw, Karai Kasang a Mungdan mu lu na n rai,” ngu nna shi hpe htan wu ai.

KASA 8:23

Hpa majaw nga yang nang hta ladu lai hkra n ju n dawng ai myit rawng nga ai hte yubak e gyit hkang sharen da hkrum ai wa langai mi rai nga ndai hpe ngai mu nngai,” ngu nna shi hpe htan wu ai.

ROMA 6:12

Dai re ai majaw nanhte a hkum hkrang a ra kasit ai lam de n hkan n sa na matu yubak mara gaw nanhte a si chye ai hkum hkrang ni hta e galoi mung hkum up shangun nga myit.

ROMA 6:16

Nanhte gaw marai langai ngai hpe madat mara na nga nna tinang a hkum hpe mayam zawn ap nawng kau myit yang gaw, kaja wa nanhte madat mara nga ai Madu a mayam rai nga myit dai hpe nanhte chye nga myit dai, lama wa nanhte gaw atsawm sha yubak mara a shangun ai hpe madat mara hkam la myit yang gaw nanhte si hkrung si htan hkrum na myit dai; shing n rai Karai Kasang a ga hpe madat mara hkam la myit yang gaw nanhte Karai Kasang a man e ding hpring ai ni tai wa lu na myit dai.

ROMA 6:6

Bai anhte gaw yubak mara a mayam sha naw arai nga ai ni n tai u ga, anhte a yubak gawng shingyan dingsa hpe Yesu hte rau wudang e jen sat kau saga ai hpe anhte chye nga ga ai.

ROMA 7:14

Dai hta kaga jep ai Tara gaw Wenyi lam hte seng nga ai hpe anhte chye ga ai; ngai mahtang si chye ai masha langai mi zawn rai nna yubak de dut kau hkrum ai mayam zawn rai nga nngai.

ROMA 7:25

Anhte a Madu Yesu a marang e mawai la ai Karai Kasang a chyeju hpe ngai shagrau sha-a nngai! Dai rai nna nye a mabyin gaw ndai hku rai nga li ai; Nye a myit mang ai hte Karai Kasang a Tara hpe daw jau nga timung hkum shan mahtang gaw yubak a tara hpe daw jau nga ai.

ROMA 8:21

Hpa majaw nga yang lani mi na nhtoi hta hpan da hkrum ai mungkan ga gaw hten za ngu ai a lata hta mayam tai nga ai kaw na raw dat ai hkrum nna Karai Kasang a kasha ni hte rau shalawt dat ai hte hpung shingkang hpe hkam la lu na ra ai.

EHPESU 2:2

Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

2 PETRU 2:19

Shanhte gaw shanhte nan hten bya ai arawn alai ni a mayam rai nga da nna kaga masha ni hpe shalawt dat ai ga sadi jaw ma ai. Hpa majaw nga yang, masha gaw tinang hpe dang ka up kau ai arai nga manga a mayam rai nga ai.