YAWHAN 8:2 - Jinghpaw Common Language Bible 2009

² Hpang jahpawt jau jau e Nawku Htingnu de shi bai sa wa ai rai nna, masha nlang hte mung shi kaw sa du shinggrup nga ma yang shi dung let shanhte hpe sharin shaga nga ai.

Jinghpaw Hanson Version Bible

² Bai jahpawt jau jau e nawku Htingnu de shi sa wa ai rai nna, masha nlang hte shi kaw sa ma ai; shi dung let shanhte hpe sharin shaga nga ai.

YAWHAN 8:2 ပူးပေါင်းရင်းမြစ်များ

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

YEREMIA 25:3

“Yuda Hkawhkam Amon a kasha Yoshia hkaw dung ai shi masum ning kaw nna dai ni du hkra hkun masum ning tup, dai Madu ngai hpe hkang da ai hte maren, shi tsun ai ga nang hpe tsun dan na matu, ngai galoi mung n yit n hprai ai sha htawn tsun lai wa ni ai. Rai ti mung, nang gaw n madat ai hte myit n lawm nga ndai.

YEREMIA 32:33

Shanhte gaw ngai hpe shingdu dat kau ma ai; ngai gaw shanhte hpe matut nna sharin achyin nga ti mung, shanhte n madat n mara ai hte sharin n hkam la nga ma ai.

YEREMIA 44:4

Ngai n dawng ai ndai hkrit hpa amu ni hpe n galaw na matu nanhte hpe tsun shadum nga na nye a shangun ma ni rai nga ai myihtoi ni hpe nanhte hpang de ngai shangun da nga nngai.

MAHTE 26:55

Dai hpang Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu, dawhkrawng hte pru sa wa marin ni? Ngai shani shagu Nawku Htingnu hta e dung nna sharin shaga nga ai ten hta, nanhte ngai hpe n rim la manit dai.

LUKA 21:37

Yesu gaw dai nhtoi ni hta shani shanang Nawku Htingnu e sharin shaga nga nna, shana de du wa jang, Tsanlun ngu ai bum de pru sa nna sa nga nga re ai.

LUKA 21:38

Masha ni yawng mung, Yesu a sharin shaga ai ga madat na nga nna Nawku Htingnu de jahpawt jau jau Madu kaw sa ma ai.

LUKA 4:20

Yesu gaw laika hpe katsu kau nna, tara jawng sin ai wa hpe bai ap ya kau nhtawm, dung wu ai. Tara jawng na masha ni yawng mung shi hpe azi yu nga ma ai.

LUKA 5:3

Yesu gaw Simun a li hta shang nhtawm, hkin-gau kaw nna loi mi sit jahka na hpyi wu ai. Yesu dai li hta dung nna shawa masha ni hpe sharin shaga mu ai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

YAWHAN 8:20

Ndai ga ni gaw Nawku Htingnu kata na alu bang ai sadek ni tawn da ai gawk e Yesu sharin shaga nga yang, tsun ai ga ni rai nga ai. Rai ti mung, shi a ahkying garai n du lu ai majaw, shi hpe kadai mung n rim la lu mu ai.

YAWHAN 8:3

Shaloi Tara sara ni hte Hparishe ni gaw, n se n sa galaw nga yang mu rim la ai numsha langai mi hpe dun sa nna, shawa yawng a man e shatsap tawn mu ai.

KASA 5:21

Kasa ni mung ga madat nna jahpawt nhtoi hprim hpram rai wa ai aten hta dai Htingnu de shang wa nna sharin shaga hpang wa nga ma ai. Hkinjawng Agyi Kaba wa hte shi manang ni gaw Yuda agyi salang ni yawng hpe tara rap daw hpawng kaba hpawng na matu shaga tawn ma ai. Dai hpang kasa ni hpe shanhte a man de woi shapraw sa wa na matu hkang da nna tara rap daw hpawng sin ai ni hpe htawng de shangun dat mu ai.