YAWHAN 8:12 - Jinghpaw Common Language Bible 2009

¹² Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

Jinghpaw Hanson Version Bible

¹² Dai re ai majaw Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai: nye a hpang hkan nang ai wa gaw, nsin hta n hkawm n sa lu na rai nna, asak a nhtoi lu la na ra ai,” ngu mu ai.

YAWHAN 8:12 ပူးပေါင်းရင်းမြစ်များ

YOBA 33:28

Shi gaw ngai hpe katsan ga de yu sa wa ai kaw nna mawai la nga ai, ngai naw ahkrung nga nngai,” ngu nna tsun wu ai.

SHAKAWN KUNGDAWN 18:28

Madu e, nang ngai hpe nhtoi jaw ya ndai; nye a nsin hpe mung, nang jahkoi kau ya nga ndai.

SHAKAWN KUNGDAWN 49:19

shi si ai aten hta, shi a kaji kawa ni yawng nga ai htani htana sin mak ai shara hta rau wa nga na ra ai.

SHAKAWN KUNGDAWN 97:11

Ding hpring ai wa a ntsa e, nhtoi hpe jahtoi ya nna; mai kaja ai ni a ntsa e, kabu gara ai lam tawn da ya nga ai.

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

ESAIA 50:10

Dai Madu hpe shagrau sha-a ai nanhte yawng gaw shi a shangun ma wa a n-gup aga ni hpe madat mara nga ai, nang hkawm sa ai lam gaw kaja wa nsin sin chye nga ai, rai ti mung dai Madu hpe kam hpa nna, na a Karai Kasang hta shamyet shanat nga u.

ESAIA 9:2

Nsin kata hta hkawm nga ai amyu masha ni gaw nhtoi kaba hpe mu lu manu ai. Shanhte gaw si hkrung si htan mung na shingnip ni hta nga nga ma ai, rai ti mung ya chyawm gaw dai nhtoi shanhte a ntsa e htoi leng nga sai.

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

MAHTE 5:14

Nanhte gaw mungkan ting a matu ninghtoi rai nga myit dai. Bum ntsa e de da ai mare hpe shinggang lu na n rai.

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

YAWHAN 12:35

Yesu gaw, “Dai nhtoi gaw nanhte hta loi hkring mi sha nga nga na sai; dai nsin gaw nanhte hpe garai n ka-up lep myit ga, nanhte hta nhtoi naw nga nga yang, matut nna hkawm sa mu, hpa majaw nga yang, nsin hta hkawm sa ai wa gaw, tinang gade sa wa nga ai mung, n chye wu ai.

YAWHAN 12:36

Nanhte hta nhtoi naw nga nga yang, nhtoi hpe kam sham nga mu, shaloi she nanhte gaw, nhtoi a kashu kasha ni tai lu na myit dai,” ngu nna tsun mu ai. Dai lam Yesu tsun ngut jang, shi pru mat wa nna shi hkum hpe shanhte kaw na makoi mat wa wu ai.

YAWHAN 12:46

Ngai hpe kam sham ai masha shagu gaw nsin hta n rawng nga u ga ngu nna nhtoi tai let, ngai mungkan ga de du sa ring ngai.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

YAWHAN 3:19

Tara dara ai masa lam ndai hku rai nga ai; nhtoi gaw ndai mungkan ga de du sa sai, rai ti mung masha ni a arawn alai n shawp nga malu ai majaw, shanhte gaw nsin hpe nhtoi hta grau tsaw ma ai. Dai gaw tara dara hkrum ai lam nan rai nga ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

YAWHAN 9:5

Ngai gaw mungkan ga e naw nga ai hte yang, mungkan ga a nhtoi rai nga nngai,” ngu nna htan mu ai.

KASA 13:47

Kaning rai nme law, ‘Mungkan ting hpe hkye hkrang la ai lam lu la mu ga, ngai nang hpe maigan amyu ni a matu nhtoi shatai sade ai,’ nga ai gaw dai Madu anhte hpe hkang da ai ga rai nga ai,” ngu mu ai.

KASA 26:23

Meshia gaw nni nkri hkrum lu na hte si ai ni kaw na shawng hkrung rawt wa nna, Israela amyu masha ni hte maigan masha ni hpe hkye hkrang la ai nhtoi hkaw tsun shana ya na ra ai ngu ai lam myihtoi ni hte Mawshe hkaw tsun lai wa sai hte maren byin wa na ra ai ngu ai lam rai nga ai,” ngu wu ai.

2 PETRU 2:17

Ndai masha ni gaw hka hkyet hkraw mat sai hka shi ni hte mung, nbung laru e shapoi hkawm ai sumwi ni hte mung bung nga ma ai. Karai Kasang gaw sin mak nna sung dik ai kaw shanhte a matu shara langai mi mazing da ya manu ai.

2 PETRU 2:4

Karai Kasang gaw yubak mara galaw ai lamu kasa ni hpe pyi gaw hkyamsa n jaw ai sha ngarai de jahkrat bang kau nhtawm dai yang e nsin hta gyit hkang da nna tara daw dan ai nhtoi hpe ala nga shangun mu ai.

1 YAWHAN 1:6

Anhte gaw shi hte kanawn mazum nga lu saga ai nga ninglen anhte nsin hta asak naw hkrung hkawm sa nga ga yang gaw, anhte a ga ni hta mung, anhte galaw ai lam ni hta mung, masu ai ni anhte rai nga ga ai.

YUDA 1:13

Ja la ai panglai hka leng ni hte mung bung ma ai; shanhte a kaya kahpa amu ni hpe panglai hka leng hkum bawp zawn dan leng pru wa shangun nga ai. Shanhte gaw prang hkawm nga ai shagan zawn rai ma ai. Shanhte hpe Karai Kasang gaw sung dik ai ningsin kata hta shanhte a matu shara langai mi lajang da ya manu ai.

YUDA 1:6

Tinang lu tawn da ai ahkang aya kata hta myit n dik nna tinang a nga shara buga hpe kau da nna pru mat wa ai lamu kasa ni hpe mung myit dum nga mu. Karai Kasang gaw shi tara daw dan ai Nhtoi kaba hta shanhte hpe daw dan nna ari jaw na matu nsin sin ai kata hta htani htana re ai hpri sumri ni hte gyit hkang da mu ai.

SHINGRAN 21:24

Mungkan ga a amyu masha ni dai mare a nhtoi hte hkawm sa lu na mara ai, ga ntsa na hkawhkam ni mung, tinang a sut gan ngamu ngamai ai hpe dai mare de la jashawn na maru ai.