YAWHAN 7:7 - Jinghpaw Common Language Bible 2009

⁷ Mungkan ga gaw nanhte hpe n dawng n wawm rai lu ai n rai; rai ti mung ngai hpe gaw n dawng n wawm ma ai, hpa majaw nga yang, shanhte a n shawp ai lam ni hpe atsun nga nngai majaw rai nga ai.

Jinghpaw Hanson Version Bible

⁷ Mungkan ga gaw nanhte hpe n dawng n wawm rai lu ai n rai; ngai hpe n dawng n wawm nga ai: kaning rai nme law, de a arawn alai n shawp ai hpe, ngai sakse hkam nngai majaw rai nga ai.

YAWHAN 7:7 ပူးပေါင်းရင်းမြစ်များ

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

1 HKAWHKAM 22:8

Ahab chyawm gaw, “Imla a kasha Mihkaia langai mi naw nga nga ai. Rai ti mung shi chyawm gaw nye a matu mai kaja ai lam galoi mung myihtoi n htoi ya ai majaw ngai n dawng nngai. Lama mi hta ra ra sha arai nga ai,” ngu nna htan wu ai. Yehoshahpat mung, “Dai lam nang n tsun sanu ga law!,” ngu nna tsun htang wu ai.

SHAKAWN KUNGDAWN 109:5

Shanhte gaw kaja ai a malai n hkru n shawp ai, tsaw ra myit a malai n ju n dawng ai myit ni hte ngai hpe bai tai ma ai.

GA SHAGAWP 15:12

Rai dum ai masha ni gaw shading sharai na hpe n ra sharawng nga ma ai; shanhte gaw hpaji grau rawng ai ni kaw nna hpaji jaw ga ni hpe galoi mung n hpyi lajin nga ma ai.

GA SHAGAWP 8:36

Ngai hpe n mu tam ai masha wa gaw machyi hkrum nga nna; ngai hpe n dawng n yawt ai ni kadai mung si hkrung si htan hpe tsaw ra nga ai,” nga nna tsun nga ai.

ESAIA 29:21

Kaga masha ni hpe shatan nhkan ga tsun ai ni, masha sat amu a ari hpe hkum shingdang ai ni hte ding man ai masha ni hpe teng man rap ra ai tara kaw na gang kau let masu magaw ga tsun ai ni hpe Karai Kasang jahten kau na ra ai.

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

YEREMIA 20:8

Ngai ga tsun ai aten shagu, ngai gaw marawn jahtau ai hte, “Kashun kashe du daw sai hkaw lam! Hten byak lam!,” ngu nna marawn garu nngai. Madu e, ngai gaw na a mungga hkaw tsun nngai majaw, ngai gaw asawng hkrum ai hte aten shagu jahpoi hkrum nga nngai.

JAW JAU 13:10

Hpye ai ningma gaw hpyi shan hta hpraw nna, mun ni hpraw wa nhtawm matswi hkrai pri rai yang mung,

ZEHKARIA 11:8

Ngai hpe n dawng ai kaga sagu rem masum hpe n yu sharang lu ai majaw shanhte yawng hpe shata mi laman yeng seng kau nngai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

LUKA 6:26

Masha yawng mayawng nanhte hpe kaja ai ngu nna tsun myit yang, grai hkrithpa dingnye lu myit dai, hpa majaw nga yang, shanhte a kaji kawa ni mung myihtoi masu ni hpe dai hte maren tsun shakawn lai wa yu masai.

YAWHAN 17:14

Na a mungga ngai shanhte hpe jaw da mase ai; ngai gaw mungkan ga na n rai nngai hte maren, ndai ni mung mungkan ga hte n seng ma ai majaw, mungkan masha ni shanhte hpe n ju n dawng ma ai.

YAWHAN 3:19

Tara dara ai masa lam ndai hku rai nga ai; nhtoi gaw ndai mungkan ga de du sa sai, rai ti mung masha ni a arawn alai n shawp nga malu ai majaw, shanhte gaw nsin hpe nhtoi hta grau tsaw ma ai. Dai gaw tara dara hkrum ai lam nan rai nga ai.

ROMA 8:7

Dai rai nna masha langai mi gaw hkum shan myit e up hkang kau ai shaloi Karai Kasang a Tara hpe n madat n mara lu sai majaw shi gaw Karai Kasang a hpyen tai wa ai; kaja wa nan shi n madat n mara lu nu ai.

GALATI 4:16

Ya chyawm gaw nanhte hpe dai teng man ai lam tsun dan made ai majaw ngai nanhte a hpyen wa tai wa ni ai kun?

YAKU 4:4

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.

1 YAWHAN 4:5

Dai myihtoi masu ni gaw mungkan hte seng ai ni rai nga ma ai majaw, shanhte gaw mungkan ga a lam ni tsun shaga ma ai. Mungkan ga na ni mung shanhte a ga hpe madat mara ma ai.