YAWHAN 7:52 - Jinghpaw Common Language Bible 2009

⁵² Shaloi shanhte gaw, “Nang mung Galile mung na masha rai nga n ni? Chyum Laika hpe sawk hti yu u, shaloi Galile mung kaw nna kadai myihtoi mung n paw pru yu ai hpe nang mu na rin dai,” ngu nna shi hpe htan mu ai.

Jinghpaw Hanson Version Bible

⁵² Shanhte gaw, “Nang mung Galile masha rai nga nni? Galile mung de na kadai myihtoi mung n paw pru yu ai, nang she gawn yu u,” ngu nna shi hpe htan mu ai.

YAWHAN 7:52 ပူးပေါင်းရင်းမြစ်များ

NINGPAWT NINGHPANG 19:9

Rai ti mung, shanhte mahtang, “Yen u, nang tsasam masha wa mi anhte hpe hpa galaw na lam tsun mi ai, nang gaw kadai wa rai nga n ta? Yen u, shing n rai jang shan hpe di ai hta nang hpe mahtang grau sawng hkra di na ga ai,” ngu nna tsun mu ai. Lawt hpe shingdu de shanhte kanawng shanga kau nhtawm chyinghka hpe agrawp daw kau na matu sit lung wa ma ai.

1 HKAWHKAM 22:24

Dai hpang myihtoi Zedekia gaw Mihkaia hpang de sit lung wa nhtawm shi a myi man hpe kahpret ya let, “Dai Madu a wenyi gaw ngai kaw nna pru mat wa nhtawm nang kaw galoi aten e sa shaga yu a ni?,” ngu nna san wu ai.

PRU MAT 2:14

Dai masha wa gaw, “Anhte a up hkang du hte tara agyi tai ya na, nang hpe kadai san da a ta? Nang gaw Egutu masha wa hpe sat kau ai zawn, ngai hpe mung sat kau na n ni?,” ngu nna htan wu ai. Mawshe mung hkrit ai hte shi a kraw e, “Ngai galaw ai amu hpe amyu masha ni mu kau manu ai,” ngu nna tsun wu ai.

YAWHAN 1:46

Nahtanela gaw, “Nazaret mare na arai kaja lama mi pru lu a ni?,” ngu nna htan wu ai. Hpilip gaw “She sa yu rit,” ngu nna htan wu ai.

YAWHAN 5:39

Chyum laika ni hta na nanhte htani htana asak mu tam la lu na re ai, nga nna shadu myit dai majaw, dai laika ni hta nanhte hkan sawk hti yu rai myit dai, dai laika ni nan nye a lam sakse hkam nga ai!

YAWHAN 7:41

Bai nkau mi gaw, “Ndai wa gaw Hkristu nan rai nga ai,” nga ma ai. Rai ti mung nkau mi gaw, “Ataw, Hkristu wa mi Galile mung na pru wa a ni?

YAWHAN 7:53

(Shaloi shanhte langai hte langai tinang nang a nta de wa mat ma ai.)

YAWHAN 9:34

Shanhte gaw, “Nang gaw hkritung nna pyi mara kap ai hte kaba wa ai wa rai nga nhtawm me anhte hpe sharin nga n ni?,” ngu nna jawm htan nhtawm, dai wa hpe kanawng shapraw kau mu ai.