YAWHAN 7:31 - Jinghpaw Common Language Bible 2009

³¹ Rai ti mung shawa masha ni hta na law law wa shi hpe kam sham wa ma ai rai nna, “Meshia du sa wa ai shaloi ndai wa galaw dan ai hta grau ai mauhpa lamik kumla ni hpe madun lu na a ni?,” nga nna tsun shajang ma ai.

Jinghpaw Hanson Version Bible

³¹ Hpawng nga ai masha ni hta chyawm gaw, shi hpe kamsham ai ni law law wa rai nga ma ai rai nna, Hkristu du sa yang ri, ndai wa galaw ai hta, grau ai lamik kumla dan lu na a ni? nga nna tsun shajang ma ai.

YAWHAN 7:31 ပူးပေါင်းရင်းမြစ်များ

MAHTE 12:23

Dai majaw shawa masha ni mau mahka nna, “Ndai wa gaw Dawi a Kasha rai nga a hka!,” nga nna tsun shajang ma ai.

LUKA 8:13

Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

YAWHAN 11:45

Dai shaloi Mari kaw sa hpu ai Yuda masha ni law law wa, Yesu galaw ai amu hpe mu jang, shi hpe kam sham ma ai.

YAWHAN 12:11

Hpa majaw nga yang, shi a majaw Yuda masha ni law law wa Yesu hpe kam sham nna hkinjawng agyi ni hpe n hkap la ma ai.

YAWHAN 12:42

Rai ti mung Yuda du agyi salang ni law law wa Yesu hpe kam sham shajang ma ai; dai re ai she Hparishe ni a majaw, tara jawng na shapraw kau na hpe hkrit tsang nna tinang kam sham ai hpe dan leng ai hku n yin la hkraw ma ai.

YAWHAN 2:11

Shing rai Yesu gaw, Galile mung Hkana mare e ndai shawng nnan na lamik kumla hpe madun dan ai hte, dai yang e shi a hpung shingkang shadan dan wu ai rai nna, shi a sape ni mung, shi hpe kam sham ma ai.

YAWHAN 3:2

Dai wa gaw shana e Yesu kaw sa nna, “Rabai e, nang gaw Karai Kasang e shangun dat ai sara langai mi rai nga ndai hpe anhte chye ga ai. Nang dan ai lamik kumla ni gaw, Karai Kasang n lawm yang gaw kadai mung n galaw lu ai,” ngu nna shi hpe tsun wu ai.

YAWHAN 4:29

“Ngai galaw lai wa sai lam yawng, ngai hpe bai tsun dan ai wa hpe sa yu maru, dai wa gaw Hkristu mi rai na kun?,” ngu nna wa tsun mu ai.

YAWHAN 4:39

Dai numsha e, “Ngai galaw yu sai lam ni yawng shi ngai hpe bai tsun dan ai,” nga nna sakse hkam ai ga a majaw, dai mare na Samari masha ni Yesu hpe kam sham ma ai.

YAWHAN 6:2

Machyi makaw hkrum ai ni hta, shi galaw dan ai lamik kumla ni hpe shanhte mu ma ai majaw, masha wunawng kaba shi kaw hkan nang ma ai.

YAWHAN 7:26

Yu mu, shi dan dan leng leng hkaw tsun nga ai hpe kadai mung hpa n ngu ma hka! Ndai wa nan Meshia rai nga ai hpe du ni kaja wa chye manu ai kun?

YAWHAN 9:16

Shaloi Hparishe ni nkau mi gaw, “Dai wa gaw Bansa Nhtoi a Tara hpe n hkan n sa ai majaw, Karai Kasang kaw na du sa ai wa n rai,” nga ma ai. Bai nkau mi gaw, “Yubak lu ai wa langai gaw ning re ai lamik kumla ni hpe kaning rai galaw lu na a ta?,” nga ma ai. Shing nga nna shanhte a kata hta myit hkrum ai lam n nga ai, shai wa bra wa ma ai.

KASA 8:13

Simun shi nan mung kam sham wa nna hkalup hkam la ngut jang Hpilip kaw hkan nang nga ai. Lamik kumla hte mauhpa amu kaba ni galaw dan ai hpe shi mu yang mau mahka mat nga ai.

YAKU 2:26

Dai re ai majaw, hkum hkrang hta wenyi asak n rawng yang gaw chyasi rai nga ai hte maren, magam bungli n lawm ai makam masham mung chyasi rai nga ai.