YAWHAN 7:3 - Jinghpaw Common Language Bible 2009

³ Dai rai nna, shi a kanu ni gaw, “Nang galaw nga ai amu ni hpe na a sape ni mu lu mu ga, ndai shara na pru nhtawm, Yuda mung de sa wa su.

Jinghpaw Hanson Version Bible

³ “Nang galaw ai amu a lam ni hpe na a sape ni mung mu lu mu ga, ndai mung na pru nna, Yuda mung de sa wa su:

YAWHAN 7:3 ပူးပေါင်းရင်းမြစ်များ

NINGPAWT NINGHPANG 37:20

Sa rit, ya chyawm gaw shi hpe sat kau nna, hkun hkraw ai hka htung langai ngai hta shi hpe kabai bang da gaw; matse labye dusat langai ngai mahtang shi hpe kawa sat kau nu ai, ngu nna anhte lu tsun na ga ai. Dai hpang shi a yup mang ni hpa tai na nu ai gaw, anhte mada yu ga,” ngu nna tsun hkat ma ai.

YEREMIA 12:6

Na a kahpu kanau ni hte na a dinghku masha ni pyi nang hpe gumle gumlau kau masai; shanhte gaw nang hpe gasat ninghkap ai hta lawm mat manu ai. shanhte gaw jinghku ga she shaga ti mung, shanhte hpe hkum kam et,” ngu nna tsun wu ai.

MAHTE 12:46

Shawa masha ni hpe Yesu ga naw shaga nga yang, shi a kanu hte kanau ni gaw, shi hte ga tsun na nga nna shinggan e la tsap nga ma ai.

MARKU 3:21

Masha nkau mi, “Yesu myit n gring mat sai!,” nga nna tsun shajang nga ma ai hpe shi a nta masha ni na ma ai shaloi, shanhte shi hpe woi la nna gawn lajang na matu pru sa wa ma ai.

MARKU 3:31

Dai laman Yesu a kanu hte kanau ni du sa wa ma ai. Shanhte shinggan e tsap nna shi hpe shaga ya na matu masha shangun dat ma ai.

LUKA 8:19

Yesu a kanu hte kanau ni shi kaw sa du ma ai; rai ti mung, shawa masha chyat nga ai majaw, shi hpang de n sit shang lu ma ai.

LUKA 8:20

Dai shaloi masha marai langai mi gaw Yesu hpe, “Na nnu hte nnau ni nang hpe hkrum mayu nna shinggan e tsap nga ma ai,” ngu nna tsun wu ai.

YAWHAN 2:2

Yesu hte sape ni hpe mung, dai poi de shaga da mu ai.

YAWHAN 6:60

Dai re ai majaw shi a sape ni law law wa dai ga na jang, “Ndai sharin shaga ai ga gaw yak la nga ai rai nna, kadai wa dai hpe madat lu na i?,” nga ma ai.

YAWHAN 6:66

Ndai lam a majaw, shi a sape ni law law wa nhtang mat wa nna shi kaw galoi mung bai n hkan nang mat masai.

YAWHAN 7:10

Shi a kanau ni dai poi de lung mat wa ai hpang, Yesu mung dai de dan leng ai hku n re ai sha mayun mayoi ai hku sa lawm nga ai.

YAWHAN 7:4

Kajai gumhkawng na hpe ra ai wa kadai mung, shi galaw nga ai hpa amu hpe mung makoi magap di da ga ma ai n rai. Nang gaw ndai mauhpa amu ni hpe galaw nga nit dai majaw, na a lam mungkan ting hpe chye shangun u,” ngu nna shi hpe tsun mu ai. (

YAWHAN 7:5

Shi a kanau ni pyi shi hpe n kam n sham ma ai.)

KASA 2:14

Dai hpang Petru gaw kaga sape ni shi langai hte rau rawt tsap nna nsen shaja let dai masha ni hpe tsun mu ai gaw, “Yuda mung na ni hte Yerusalem mare e nga nga ai ni nlang hte e, ndai lam nanhte chye na myit ga, nye a ga hpe mung madat la mu!

1 SAMUELA 17:28

Dawi hte dai masha ni shaga hkat ai ga hpe Dawi a kahpu kaba Eliaba na wu ai. Shaloi shi masin pawt ai hte Dawi hpe, “Nang ndai yang e hpa sa galaw nga n ta? Na a sagu ni hpe nam mali kata e kadai wa rem ya nga a ta? Nang gaw maka n kap ai ma she rai nga n hka! Nang gaw gasat gala hpe yu azi na matu sa du nga ai n rai hka!,” ngu nna tsun wu ai.