YAWHAN 7:26 - Jinghpaw Common Language Bible 2009

²⁶ Yu mu, shi dan dan leng leng hkaw tsun nga ai hpe kadai mung hpa n ngu ma hka! Ndai wa nan Meshia rai nga ai hpe du ni kaja wa chye manu ai kun?

Jinghpaw Hanson Version Bible

²⁶ Yu mu, shi dan dan leng leng hkaw tsun nga nna, shi hpe mung hpa n ngu mu hka: ndai wa nan Hkristu rai nga ai gaw, du ni gaja wa chye manu ai kun?

YAWHAN 7:26 ပူးပေါင်းရင်းမြစ်များ

GA SHAGAWP 28:1

Tara n lang ai ni gaw shanhte hpe shachyut ai ni kadai n nga ti mung, hprawng nga ma ai; rai ti mung ding hpring ai wa chyawm gaw hkanghkyi zawn nden ja nga ai.

ESAIA 42:4

Shi gaw myit mada shara, nden marai shamat kau na ra ai n rai; shi gaw ginding aga ntsa e teng man rap ra ai tara shagrin da na ra ai. Sumtsan mung na ni gaw shi a sharin shaga ga hpe sharawng awng ai myit hte ala nga ma ai,” ngu nna tsun ai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

LUKA 23:13

Pilat gaw hkinjawng agyi ni, Yuda du agyi salang ni hte mung masha ni hpe shaga jahpawng shangun wu ai.

LUKA 7:30

Rai ti mung, Hparishe ni hte Tara Sara ni chyawm gaw, shanhte a matu Karai Kasang a shatawng shada ai lam hpe n hkap la ma ai hta n-ga, Yawhan a lata hta hkalup n hkam la ma ai.

YAWHAN 12:42

Rai ti mung Yuda du agyi salang ni law law wa Yesu hpe kam sham shajang ma ai; dai re ai she Hparishe ni a majaw, tara jawng na shapraw kau na hpe hkrit tsang nna tinang kam sham ai hpe dan leng ai hku n yin la hkraw ma ai.

YAWHAN 18:20

Yesu gaw, “Ngai galoi mung masha yawng mayawng a man e, dan dan leng leng hkaw tsun ni ai, Yuda masha ni nlang zuphpawng ai tara jawng ni hta mung, Nawku Htingnu hta mung, ngai sharin shaga ni ai. Makoi magap nna ngai hpa mung n hkaw n tsun nngai.

YAWHAN 3:1

Hparishe hpung hta lawm ai Nikodi mying ai Yuda amyu masha ningbaw ningla langai mi nga ai.

YAWHAN 4:29

“Ngai galaw lai wa sai lam yawng, ngai hpe bai tsun dan ai wa hpe sa yu maru, dai wa gaw Hkristu mi rai na kun?,” ngu nna wa tsun mu ai.

YAWHAN 7:25

Yerusalem mare na masha nkau mi gaw, “Sat kau na matu ahkang aya lu ai du salang ni tam nga ai wa gaw, ndai wa n rai ni?

YAWHAN 7:31

Rai ti mung shawa masha ni hta na law law wa shi hpe kam sham wa ma ai rai nna, “Meshia du sa wa ai shaloi ndai wa galaw dan ai hta grau ai mauhpa lamik kumla ni hpe madun lu na a ni?,” nga nna tsun shajang ma ai.

YAWHAN 7:48

Anhte a ningbaw ningla ni hte Hparishe ni hta na langai mi dai wa hpe kam sham na kadai nga ma ni?

YAWHAN 9:22

Shi a kanu yan kawa gaw Yuda masha ni hpe hkrit ma ai majaw shing ngu tsun mu ai. Hpa majaw nga yang, Yesu gaw Meshia re, nga nna kam sham yin la ai wa kadai hpe rai ti mung, tara jawng na shapraw kau na nga nna Yuda masha ni myit hkrum da masai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

HPILIPI 1:14

Dai hta kaga, ngai bawng dung ai a marang e hpu nau ni malawng maga gaw dai Madu hta makam masham myit nden grau nna rawt wa ai hte Karai Kasang a mungga hpe n hkrit n kang ai sha tsun dan na, grau nna gwi wa ma ai.