YAWHAN 7:22 - Jinghpaw Common Language Bible 2009

²² Mawshe gaw nanhte a shadang sha ni hpe matu gadoi na lam hkang da manit dai. Dai rai nna nanhte gaw Bansa Nhtoi hta nan matu gadoi ai lam galaw manit dai. (Kaja wa nga yang, matu gadoi ai lam hpang dat ai wa gaw Mawshe n rai, nanhte a nji nwa ni she rai ma ai.

Jinghpaw Hanson Version Bible

²² Matu gadoi ai lam gaw Mawshe kaw nna n rai, ji wa ni kaw nna she, Mawshe nanhte hpe dai tara jaw da myit dai rai nna, laban nhtoi hta pyi nanhte masha hpe matu gadoi ai lam jaw myit dai:

YAWHAN 7:22 ပူးပေါင်းရင်းမြစ်များ

NINGPAWT NINGHPANG 21:4

Isak asak 8 ya nhtoi du jang, Karai Kasang hkang da ai hte maren Abraham gaw shi hpe matu gadoi ya wu ai.

JAW JAU 12:3

Dai ma hpe matsat ya ngu na shani e matu gadoi na rai nga ai.

KASA 7:8

Dai hpang Karai Kasang gaw shi tawn da sai ga shaka a kumla langai mi hku nna Abraham hpe matu gadoi ai lam jaw da wu ai. Shing rai Abraham gaw kasha Isak hpe shangai ai hpang matsat ya nhtoi hta matu gadoi ai lam galaw ya wu ai. Dai hte maren Isak gaw Yaku hpe matu gadoi ya wu ai. Yaku mung anhte a kaji daju ni ngu ai shi a kasha marai shi lahkawng hpe matu gadoi ya wu ai.

GALATI 3:17

Dai rai nna, ngai tsun mayu ai gaw ndai hku rai nga ai. Karai Kasang gaw Abraham hte ga ndat tawn da ngut ai hpang dai ga ndat hpe yu lanu lahku na ga sadi tawn da nu ai. Shaning mali tsa e sum shi ning na ai hpang she byin pru wa ai jep ai Tara gaw dai ga shaka hpe n jahten n shaprai kau lu ai hte dai ga ndat hpe mung n dawm kau lu ai.