YAWHAN 7:20 - Jinghpaw Common Language Bible 2009

²⁰ Shaloi shawa masha ni gaw, “Nang hta nat rawng nga ai, Nang hpe sat kau na kadai tam nga a ta?,” ngu nna htan mu ai.

Jinghpaw Hanson Version Bible

²⁰ Shaloi hpawng nga ai masha ni gaw, “Nang hta nat rawng nga ai: nang hpe sat kau na kadai tam a ta?” ngu nna htan mu ai.

YAWHAN 7:20 ပူးပေါင်းရင်းမြစ်များ

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

MAHTE 12:24

Hparishe ni dai hpe na ma ai shaloi, “Ndai wa gaw nat ni a du wa Bezebula jaw ai n-gun atsam hte n rai yang gaw, nat ni hpe shaden kau lu na n rai,” nga ma ai.

MAHTE 9:34

Rai ti mung Hparishe ni gaw, “Ndai gaw nat ni a agyi wa shi hpe n-gun atsam jaw ai majaw, nat ni hpe shaden kau lu nu ai,” nga ma ai.

MARKU 3:30

(Yesu ning nga nna tsun ai lam gaw, masha nkau mi shi hpe, “Shi hta n seng ai nat langai mi rawng nga ai,” nga nna tsun nga ma ai majaw rai nga ai.)

YAWHAN 10:20

Shanhte hta na law law wa, “Shi nat shang nna mana nga ai! Shi a ga hpe nanhte hpa rai madat myit ta?,” nga ma ai.

YAWHAN 8:48

Shaloi Yuda masha ni gaw, “Nang gaw Samari masha rai ndai nga nna mung, nat shang ai wa rai nga nna mung, anhte tsun ai ga gaw jaw nga ai n rai ni?,” ngu nna Yesu hpe bai san mu ai.

YAWHAN 8:49

Yesu gaw, “Ngai nat shang ai wa n rai nngai; ngai gaw nye Wa hpe she shagrau nngai, rai ti mung nanhte chyawm gaw ngai hpe jahpoi myit dai.

YAWHAN 8:52

Yuda masha ni gaw, “Nang nat shang ai wa rai nga ai gaw, ya anhte hkrak chye saga ai! Abraham hte myihtoi ni pyi si mat wa masai, dai rai yang, nang chyawm gaw, ‘nye a sharin shaga ai ga madat mara hkan sa ai wa gaw galoi mung n si na ra ai,’ nga nna tsun lu ndai.

KASA 26:24

Ya Pawlu dai hku shi hkum hpe makawp maga ai ga tsun ai shaloi, Hpestu gaw, “Pawlu e nang mana nit dai! Hpaji hparat nau chye dinglai nna de a majaw mana byin mat nit dai!,” ngu nna marawn jet kau wu ai.