YAWHAN 7:18 - Jinghpaw Common Language Bible 2009

¹⁸ Tinang myit hte tsun ai wa gaw, tinang a arawng sadang tam ai wa rai nga ai. Rai ti mung shi hpe shangun dat ai wa a arawng sadang hpe tam ai wa chyawm gaw, teng man nga ai rai nna, shi hta n ding n man ai n rawng lu ai.

Jinghpaw Hanson Version Bible

¹⁸ Tinang a myit hte tsun ai wa gaw, tinang a arawng sadang tam ai rai nga ai: tinang hpe shangun dat ai wa a arawng sadang tam ai wa chyawm gaw, tengman nga ai rai nna, shi hta n ding n man ai n rawng lu ai.

YAWHAN 7:18 ပူးပေါင်းရင်းမြစ်များ

GA SHAGAWP 25:27

Lagat ntsin ladu lai lu ai gaw na a matu n kaja ai zawn arawng nau mala ai gaw na a matu n kaja nga ai.

BU HKAWM 11:29

Mawshe gaw, “Ngai hte seng ai amu hta myit hkan tsang nga n ni? Dai Madu gaw shi a amyu masha ni yawng hpe wenyi jaw ya nna myihtoi ni zawn shanhte yawng hpe marawn jahtau shangun na, ngai ra sharawng nga nngai!,” ngu nna htan wu ai.

MAHTE 6:9

Dai rai nna nanhte ning ngu akyu hpyi mu: ‘Sumsing lamu na anhte a Wa e, Na a mying nsang chyoi pra nga lit ga,

YAWHAN 11:4

Yesu gaw dai ga na jang “Dai machyi ai gaw si machyi n rai, Karai Kasang a hpung shingkang dan hkung shangun na matu hte de a majaw Karai Kasang a Kasha gaw hpung shingkang dan hkung wa na ra ai,” ngu nna tsun wu ai.

YAWHAN 12:28

Rai ti mung ngai gaw dai nni nkri hkam na matu she du sa nngai; Wa e, na a mying nsang hpe sha shagrau u law!,” ngu nna tsun wu ai. Shaloi sumsing lamu de na nsen langai mi gaw, “Nye a mying hpe hpung shingkang shagrau se ai, bai naw shagrau na we ai,” nga nna ngoi pru ai.

YAWHAN 12:43

Hpa majaw nga yang, shanhte gaw Karai Kasang e masat masa galaw ai arawng sadang lu na hta masha e masat masa galaw ai arawng sadang lu na hpe grau ra ma ai.

YAWHAN 5:41

Ngai gaw masha e shakawn shagrau ai hkam la na lam tam nga nngai n rai.

YAWHAN 8:54

Yesu gaw, “Nye hkum hpe ngai shagrau nngai rai yang gaw, nye a arawng sadang hpa manu n rawng nga ai. Ngai hpe shagrau ai wa gaw nye Wa rai nga ai. Dai wa hpe nanhte a Karai Kasang re ai, nga nna nanhte tsun myit dai.

1 HTESALONI 2:6

Anhte gaw nanhte kaw na mung, kaga ni kaw na mung, masha kadai kaw na mung shakawn shagrau ai lu la hkra shakut ga ai n rai.

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.

1 YAWHAN 2:29

Hkristu gaw ding hpring nga ai hpe nanhte chye yang gaw dai ding hpring ai hku galaw hkawm sa ai masha shagu gaw Karai Kasang a kashu kasha ni rai nga ma ai hpe nanhte chye ang myit dai.