YAWHAN 7:16 - Jinghpaw Common Language Bible 2009

¹⁶ Dai majaw Yesu gaw, “Ngai sharin shaga ai ga gaw, nye a ga n rai, ngai hpe shangun dat ai wa a ga rai nga ai.

Jinghpaw Hanson Version Bible

¹⁶ Dai majaw Yesu gaw, “Ngai sharin shaga ai ga gaw nye a ga n rai, ngai hpe shangun dat ai wa a ga rai nga ai:

YAWHAN 7:16 ပူးပေါင်းရင်းမြစ်များ

YAWHAN 14:10

Hpilip e, ngai gaw Wa hta nga nga nngai mung, Wa gaw ngai hta nga nga ai mung, n kam n ni? Ngai nanhte hpe tsun ai ga ni gaw, nye a myit hte ngai tsun ai n rai, ngai hta rawng ai nye Wa gaw shi a amu galaw nga ai.

YAWHAN 14:24

Ngai hpe n tsaw ra ai wa gaw nye a sharin shaga ai ga hpe n hkan shatup lu ai; nanhte na la lu ai mungga gaw, nye a ga n rai li ai, ngai hpe shangun dat ai nye Wa a mungga rai nga lu ai.

YAWHAN 17:14

Na a mungga ngai shanhte hpe jaw da mase ai; ngai gaw mungkan ga na n rai nngai hte maren, ndai ni mung mungkan ga hte n seng ma ai majaw, mungkan masha ni shanhte hpe n ju n dawng ma ai.

YAWHAN 17:8

Nang ngai e jaw dat ai mungga hpe, ngai shanhte hpe jaw mawe ai rai nna shanhte mung dai hpe hkap la masai. Nang kaw na ngai du sa ai gaw teng nga ai hpe shanhte chye ma ai hte nang ngai hpe shangun dat ndai hpe mung, kam sham ma ai.

YAWHAN 3:11

Ngai nang hpe kaja wa teng teng tsun de ga, anhte gaw tinang chye ai lam hpe tsun ga ai, rai ti mung nanhte langai mi mung anhte a sakse ga hpe n hkap la myit dai.

YAWHAN 3:31

Ntsa de nna du sa ai wa gaw, yawng hta grau kaba ai wa rai nga ai. Dinghta ga na rai nga ai wa gaw dinghta ga hte seng nga ai rai nna, dinghta ga a lam sha chye tsun nga ai, rai ti mung sumsing lamu de nna du sa ai wa chyawm gaw yawng mayawng a ntsa na rai nga ai.

YAWHAN 5:30

Ngai gaw nye a myit hte hpa mung n galaw lu nngai; ngai gaw Karai Kasang tsun ai hte maren sha jeyang nngai; nye a jeyang daw dan ai lam mung ding man li ai; hpa majaw nga yang, ngai gaw ngai ra ai lam hkan galaw na matu shakut nga nngai n rai, ngai e shangun dat ai wa a ra ai lam hkan galaw na matu chyu sha tam shakut nga nngai.

YAWHAN 6:44

ngai hpe shangun dat ai nye Wa e shi hpe ngai hpang de lau la ai wa sha n rai yang gaw, kadai mung ngai hpang de sa lu na n rai, du sa ai wa hpe mung, hpang jahtum na nhtoi hta ngai sharawt la na we ai.

YAWHAN 8:28

Dai majaw Yesu gaw, “Dai Masha Kasha hpe nanhte sharawt da ai shaloi she, ‘Ngai gaw ngai wa rai nga ai,’ hpe mung, ngai gaw nye a myit hte hpa mung n galaw ai sha, nye Wa ngai hpe sharin nngai hte maren sha ngai tsun ai hpe mung, nanhte chye na na marin dai.

2 YAWHAN 1:9

Hkristu a sharin shaga ai lam hta n nga ai, dai hpe tawt kau ai wa kadai rai ti mung, Karai Kasang hte n seng ai Karai kata ai wa rai nga ai. Dai sharin shaga ai lam hta e ahkan nga ai wa kadai rai ti mung, Kawa yan Kasha hte seng nga ai.

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.