YAWHAN 7:14 - Jinghpaw Common Language Bible 2009

¹⁴ Ya dai poi galaw ai nhtoi ganoi ka-ang hkup rai wa jang, Yesu gaw Nawku Htingnu de lung nna sharin shaga nga ai.

Jinghpaw Hanson Version Bible

¹⁴ Ya dai poi nhtoi a ka-ang hkup rai wa jang, Yesu gaw nawku Htingnu de lung nna sharin shaga nga ai.

YAWHAN 7:14 ပူးပေါင်းရင်းမြစ်များ

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

BU HKAWM 29:17

Lahkawng ya ngu na shani e, ra n rawng ai usu uram shi lahkawng, sagu la lahkawng hte laning mi ladu hkrum sai sagu la kasha shi mali hte hpe mung nawng ya na rai myit dai.

BU HKAWM 29:20

Masum ya ngu na shani mung ra n rawng ai usu uram shi langai, sagu la lahkawng hte laning mi ladu hkrum sai sagu la kasha shi mali hte hpe nawng ya na rai myit dai.

MAHTE 21:12

Yesu gaw Nawku Htingnu de shang nna, dai Nawku Htingnu kata e rai dut rai mari rai nga ai ni yawng hpe shaden shapraw kau mu ai rai nna, gumhpraw galai byan ya ai ni a ku ni hte hkrudu dut ai ni a punghkum ni hpe kanawng kadawng shagum kau ya nhtawm,

MAHTE 26:55

Dai hpang Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu, dawhkrawng hte pru sa wa marin ni? Ngai shani shagu Nawku Htingnu hta e dung nna sharin shaga nga ai ten hta, nanhte ngai hpe n rim la manit dai.

LUKA 19:47

Shi gaw shani shanang Nawku Htingnu e sharin shaga let nga nga ai. Hkinjawng kaba ni, Tara sara ni Yuda amyu masha ni a ningbaw ningla ni mahtang gaw, shi hpe sat kau mayu da mu ai,

YAWHAN 18:20

Yesu gaw, “Ngai galoi mung masha yawng mayawng a man e, dan dan leng leng hkaw tsun ni ai, Yuda masha ni nlang zuphpawng ai tara jawng ni hta mung, Nawku Htingnu hta mung, ngai sharin shaga ni ai. Makoi magap nna ngai hpa mung n hkaw n tsun nngai.

YAWHAN 5:14

Dai hpang Madu Yesu gaw, Nawku Htingnu e dai wa hpe mu hkrup nna, “Yu u, ya nang hkam kaja nit dai; shawng na hta grau sawng ai tsin-yam n hkrum n ga, yubak bai hkum galaw et,” ngu nna shi hpe tsun wu ai.

YAWHAN 7:2

Yuda amyu masha ni a Sum Poi Dai nsi naisi shu la ai mangai Sum Poi galaw ai aten ni wa ra ai.

YAWHAN 7:28

Yesu gaw Nawku Htingnu e sharin shaga nga yang, “Nanhte ngai hpe kaja wa chye myit ni? Ngai kanang na re ai mung nanhte chye myit ni? Ngai gaw nye a myit hte du sa nngai n rai. Rai ti mung ngai hpe shangun dat ai wa gaw teng man nga ai. Nanhte shi hpe n chye myit dai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

YAWHAN 8:2

Hpang jahpawt jau jau e Nawku Htingnu de shi bai sa wa ai rai nna, masha nlang hte mung shi kaw sa du shinggrup nga ma yang shi dung let shanhte hpe sharin shaga nga ai.

YAWHAN 8:20

Ndai ga ni gaw Nawku Htingnu kata na alu bang ai sadek ni tawn da ai gawk e Yesu sharin shaga nga yang, tsun ai ga ni rai nga ai. Rai ti mung, shi a ahkying garai n du lu ai majaw, shi hpe kadai mung n rim la lu mu ai.