YAWHAN 7:13 - Jinghpaw Common Language Bible 2009

¹³ Rai ti mung shanhte gaw Yuda masha ni hpe hkrit ai majaw, kadai mung shi a lam leng leng n tsun ma ai.

Jinghpaw Hanson Version Bible

¹³ Rai timung, Yuda masha ni hpe hkrit ai majaw, kadai mung shi a lam leng leng n tsun ma ai.

YAWHAN 7:13 ပူးပေါင်းရင်းမြစ်များ

GA SHAGAWP 29:25

Kaga masha ni na a lam hpe myit yu ai lam hta sa ginchya nang ai gaw hkrit tsang shara rai nga ti mung, nang gaw dai Madu hta kamhpa lashum nga ai rai yang, nang shim nga lu nga ndai.

YAWHAN 19:38

Dai hpang, Yuda agyi salang ni hpe hkrit ai majaw, mayun de nna, (Yesu a sape tai nga ai Aramahti mare na Yosep ngu ai wa gaw, Yesu a hkum tsawp hpe shayu la na Pilat kaw hpyi wu ai.) Pilat mung ahkang jaw wu ai. Dai re ai majaw shi sa nna dai hkum tsawp hpe shayu la wu ai.

YAWHAN 20:19

Sape ni gaw Yuda masha ni hpe hkrit ai majaw, Laban shana nrim rim ai ten hta, nta chyinghka ni la da nna hpawng nga m a ai. Dai shaloi Yesu du sa nna shanhte a ka-ang e tsap let, “Nanhte ngwi pyaw nga myit ga,” ngu nna shanhte hpe tsun mu ai.

YAWHAN 3:2

Dai wa gaw shana e Yesu kaw sa nna, “Rabai e, nang gaw Karai Kasang e shangun dat ai sara langai mi rai nga ndai hpe anhte chye ga ai. Nang dan ai lamik kumla ni gaw, Karai Kasang n lawm yang gaw kadai mung n galaw lu ai,” ngu nna shi hpe tsun wu ai.

YAWHAN 7:1

Dai hpang Yesu gaw Galile mung hkan hkawm sa nga ai. Ahkaw ahkang lu ai Yuda masha ni shi hpe sat kau na la nga ma ai majaw Yuda mung e n hkawm mayu wu ai.

YAWHAN 7:11

Dai majaw Yuda masha ni gaw dai poi hta Yesu hpe tam nna, “Dai wa kanang rai nga a ta?,” nga ma ai.

YAWHAN 7:15

Ahkang aya lu ai Yuda masha ni gaw mau ai hte, “Ndai wa gaw hpa jawng mung n lung yu ai mi kaning rai ndai daram wa chye chyang ai kun?,” nga ma ai.

YAWHAN 9:22

Shi a kanu yan kawa gaw Yuda masha ni hpe hkrit ma ai majaw shing ngu tsun mu ai. Hpa majaw nga yang, Yesu gaw Meshia re, nga nna kam sham yin la ai wa kadai hpe rai ti mung, tara jawng na shapraw kau na nga nna Yuda masha ni myit hkrum da masai.

YAWHAN 9:34

Shanhte gaw, “Nang gaw hkritung nna pyi mara kap ai hte kaba wa ai wa rai nga nhtawm me anhte hpe sharin nga n ni?,” ngu nna jawm htan nhtawm, dai wa hpe kanawng shapraw kau mu ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.