YAWHAN 7:12 - Jinghpaw Common Language Bible 2009

¹² Shawa masha ni hta mung shi a lam gadum gahte nga ai lam grai law ai hte, nkau mi gaw, “Shi gaw masha kaja rai nga ai,” nga ma ai. Bai nkau mi gaw, “N rai, mung masha ni hpe lam shadam nga ai,” nga shajang ma ai.

Jinghpaw Hanson Version Bible

¹² Shawa masha ni hta mung shi a lam wu wu di di law nga ai hte, nkau mi gaw, “Shi gaw masha kaja rai nga ai,” nga ma ai; bai nkau mi gaw, “N rai, mung masha ni hpe woi shadam ai wa rai nga ai,” nga shajang ma ai.

YAWHAN 7:12 ပူးပေါင်းရင်းမြစ်များ

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

MAHTE 21:46

Dai majaw shanhte gaw, shi hpe rim la na lam tam ma ai. Rai ti mung Yesu hpe myihtoi rai nga ai ngu nna kam nga ai shawa masha ni hpe hkrit da mu ai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

LUKA 18:19

Yesu gaw, “Ngai hpe mai kaja ai, hpa rai nga n ta? Karai Kasang hta kaga mai kaja ai gaw kadai mung n nga ai.

LUKA 23:47

Shing rai byin ai lam hpe hpyen latsa up ai du wa mu wu yang, “Kaja wa ndai wa gaw masha kaja langai mi she rai nga ai!,” nga nna Karai Kasang hpe shagrau sha-a wu ai.

LUKA 23:50

Yuda mung na Aramahti ngu ai mare kaw na, Yuda mung bawng salang hpung hta lawm ai Yosep mying ai wa langai mi nga ai. Dai wa gaw mai kaja ai hte hkungga ging ai masha langai mi rai nna Karai Kasang a Mungdan du sa wa na ra ai lam hpe myit mada nga ai wa mung rai nga ai.

LUKA 6:45

Kaja ai masha gaw, kaja ai arai hte hpring rawng nga ai kraw lawang sut dek hta na kaja ai rai shapraw dan ai; n kaja ai wa mung, n kaja ai sut dek hta na n kaja ai shapraw dan ai, hpa majaw nga yang, kraw hta hpring chyat nga ai kaw na shi a n-gup hte tsun pru nga ai.

LUKA 7:16

Masha yawng hte mung hkrit let mau mat shajang ma ai rai nna, Karai Kasang hpe shagrau sha-a let, “Myihtoi kaba anhte kaw paw pru ra ai, nga nna mung; Karai Kasang gaw shi a amyu hpe hkye la na matu du sa ra ai, nga nna mung,” shanhte tsun gara ma ai.

YAWHAN 6:14

Ndai zawn Madu Yesu madun ai lamik kumla hpe mu ma yang, masha ni gaw, “Kaja wa teng teng ndai wa gaw mungkan ga de du sa na ra ai dai myihtoi wa rai nga ai,” nga ma ai.

YAWHAN 7:32

Ndai Yesu a lam hpe shawa masha ni tsun garu nga ma ai hpe Hparishe ni na ma yang, hkinjawng agyi ni hte Hparishe ni gaw shi hpe rim la na matu hpyen la nkau mi hpe shangun dat ma ai.

YAWHAN 7:47

Shaloi Hparishe ni gaw, “Nanhte wa mung dai wa e gunglau mana kau ai hkrum manit hka i?

YAWHAN 7:52

Shaloi shanhte gaw, “Nang mung Galile mung na masha rai nga n ni? Chyum Laika hpe sawk hti yu u, shaloi Galile mung kaw nna kadai myihtoi mung n paw pru yu ai hpe nang mu na rin dai,” ngu nna shi hpe htan mu ai.

YAWHAN 9:16

Shaloi Hparishe ni nkau mi gaw, “Dai wa gaw Bansa Nhtoi a Tara hpe n hkan n sa ai majaw, Karai Kasang kaw na du sa ai wa n rai,” nga ma ai. Bai nkau mi gaw, “Yubak lu ai wa langai gaw ning re ai lamik kumla ni hpe kaning rai galaw lu na a ta?,” nga ma ai. Shing nga nna shanhte a kata hta myit hkrum ai lam n nga ai, shai wa bra wa ma ai.

KASA 11:24

Barnaba gaw masha kaja langai mi rai nna, Chyoi Pra ai Wenyi hte mung, makam masham hte mung hpring tsup ai wa rai nga ai. Masha law law hpe dai Madu hpang de jat bang wa shangun wu ai.

ROMA 5:7

Kaja wa ding hpring ai masha langai mi a matu mara marai langai ngai si hkam na yak nga ai; mai kaja ai masha a matu mara chyawm gaw, si hkam gwi na pyi, langai ngai nga nhten.

HPILIPI 2:14

Nanhte galaw ra ai hpa lam hpe mung aput angun ndang kalang n rai ai sha galaw nga mu.