YAWHAN 6:9 - Jinghpaw Common Language Bible 2009

⁹ “Nang e, muk yaw muk tawng manga hte nga lahkawng lu ai lasha ma langai mi nga nga ai. Rai ti mung, nde wa law ai masha ni a matu gaw kanang dang law na rai ta?,” ngu nna tsun dan wu ai.

Jinghpaw Hanson Version Bible

⁹ “Muk-yaw muk tawng manga hte, nga lahkawng lu ai lasha ma langai mi nang e nga nga ai; rai timung, nde wa law ai masha ni a matu gaw kanang dang law na rai ta?” ngu nna tsun dan wu ai.

YAWHAN 6:9 ပူးပေါင်းရင်းမြစ်များ

1 HKAWHKAM 4:28

Mung du shagu hte gaw leng garawt ai gumra ni hte bungli shangun ai yam nga ni a matu muk-yaw mam hte yihku ni hpe ra ai made shapraw ya ra nga ma ai.

2 HKAWHKAM 7:1

Elisha mahtang, “Dai Madu tsun ai ga hpe madat mu! Hpawt de ndai aten hta nan Samari mare e hkaulan mam jet htum ai pawng shi hte muk-yaw mam pawng hkun hpe lap mi hte mari la lu na rai myit dai,” ngu nna htan wu ai.

SHAKAWN KUNGDAWN 147:14

Shi gaw na a lamu ga jarit ni hpe shim nga shangun nna; sau ai hkaulan mam hta nang hpe shakat ya nga ai.

SHAKAWN KUNGDAWN 78:19

“Nam mali kata e, Karai Kasang gaw anhte hpe lusha jaw ya lu na kun?

SHAKAWN KUNGDAWN 78:41

Shanhte gaw Karai Kasang hpe lang hte lang chyam yu nna Israela a chyoi pra ai Karai Kasang hpe, myit machyi shangun wu ai.

SHAKAWN KUNGDAWN 81:16

Rai ti mung, kaja htum ai hkaulan mam hte ngai shanhte hpe bau nna, nam na lagat jahku hte shanhte hpe myit dik hkra jahkru na mawe ai.”

EZEKELA 27:17

Yuda hte Israela mung gaw na a gun rai ni hte galai la na matu hkaulan mam, lagat ntsin, tsanlun sau hte namji namya ni la sa ma ai.

MAHTE 14:17

Shanhte gaw, “Anhte muk manga hte nga lahkawng sha lu ga ai,” ngu mu ai.

MAHTE 16:9

Nanhte garai n chye na nga myit ni? Ngai muk manga hpe garan nna masha hkying manga hpe daw ai shaloi, nanhte ka gade naw lahkawn la lu ai hpe nanhte n dum da mu ni?

MARKU 6:38

Dai rai nna Yesu gaw, shanhte hpe, “Nanhte muk gade lu nga myit ta? Sa yu mu,” ngu nna san mu ai. Shanhte chye jang, “Muk tawng manga hte nga lahkawng sha rai nga ai,” ngu nna shi hpe tsun mu ai.

MARKU 8:19

Dai muk tawng manga hpe sha ngai ahkyep alep nna ngai daw jaw ai hpe nanhte n dum myit ni? Dai shaloi sha ngam ai adaw ahkyep ni ka gade hpring hkra nanhte lahkawn la lu myit ta?,” ngu nna san mu ai. Shanhte gaw, “Ka shi lahkawng re,” ngu nna htan mu ai.

LUKA 9:13

Rai ti mung, Yesu gaw, “Nanhte nan shanhte hpe sha na lama ma jaw mu,” ngu nna tsun mu ai. Shanhte gaw, “Anhte kaw muk tawng manga hte nga lahkawng hta kaga hpa mung n nga ai. Ndai shawa masha mahkra ting a matu, anhte hpe lusha sa mari shangun mayu nga n ni?,” ngu mu ai.

YAWHAN 11:21

Shaloi Marhta gaw, “Madu e, nang nga ndai rai taw gaw, ngai yung wa n si na re!

YAWHAN 11:32

Mari gaw Yesu nga ai shara de du nna shi hpe mu ai shaloi jang, shi a lagaw nhpang e dingnyawm dagup let, “Madu e nang lama nang e nga ndai rai taw gaw ngai yung n si na re!,” ngu wu ai.

YAWHAN 21:10

Shaloi Yesu gaw, “Nanhte ya lu rim la ai nga nkau mi la wa marit,” ngu mu ai.

YAWHAN 21:13

Dai rai nna Yesu gaw shanhte nga ai de sit sa nhtawm, muk la nna shanhte hpe jaw mu ai, nga hpe mung dai hte maren sa jaw mu ai.

YAWHAN 21:9

Shanhte li na yu nna hkarang ntsa de du wa ma yang, nra wan mang hta nga kakang da ai hte muk nkau mi hpe mu ma ai.

YAWHAN 6:11

Shaloi Yesu gaw dai muk tawng ni hpe la nna Karai Kasang kaw chyeju shakawn nhtawm, dung nga ai ni hpe karan jaw mu ai; dai hte maren nga hpe mung shanhte ra ai made karan jaw mu ai.

YAWHAN 6:7

Hpilip gaw, “Gumhpraw ni tsa a matu mari ti mung, masha hkum shagu kachyi mi hpra sha na pyi law na n rai,” ngu nna htan wu ai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

TARA JAHPRANG 32:14

Shanhte a dumsu, bainam ni chyu alaw alam jaw ma ai; ra n rawng ai dumsu yam nga, sagu bainam shanhte hta nga nga ai. Kaja htum ai hkaulan mam hte jet ai sabyi ntsin shanhte lu ma ai.

TARA JAHPRANG 8:8

hkaulan mam, muk-yaw mam, sabyi si, maihpang si, hkainu si, tsanlun si hte lagat ntsin ni hpe shapraw ya ai ga de nanhte hpe woi wa nga ai.

SHINGRAN 6:6

Dai dusat amyu mali a ka-ang kaw nna ngoi pru ai ngu nna sawn la lu ai nsen langai mi hpe ngai na nngai. Dai nsen gaw, “Hkaulan n-gu bye mi hpe lani mi bungli galaw shabrai hku jaw ra ai; muk-yaw n-gu bye masum hpe lani mi a bungli galaw shabrai hku jaw ra ai; rai ti mung dai tsanlun hpun ni hte sabyi sun ni hpe chyawm gaw hkum jahten kau myit!,” nga nna tsun ai.