YAWHAN 6:7 - Jinghpaw Common Language Bible 2009

⁷ Hpilip gaw, “Gumhpraw ni tsa a matu mari ti mung, masha hkum shagu kachyi mi hpra sha na pyi law na n rai,” ngu nna htan wu ai.

Jinghpaw Hanson Version Bible

⁷ Hpilip gaw, “Gumhpraw ni tsa a matu mari timung, masha hkum shagu, kachyi mi hpra sha na pyi law na n rai,” ngu nna htan wu ai.

YAWHAN 6:7 ပူးပေါင်းရင်းမြစ်များ

2 HKAWHKAM 4:43

rai ti mung shi mahtang, “Dai gaw masha latsa a matu law na sai ngu nang myit nawn da wu ni?,” ngu nna htan wu ai. Elisha gaw, “Shanhte sha nna loi mi pyi naw ngam na re, nga nna dai Madu tsun ai majaw shanhte sha na matu dai hpe jaw mu,” ngu nna tsun htang wu ai.

MAHTE 18:28

“Shaloi shangun ma dai wa nan pru hkawm nna shi kaw pyeksan latsa hka kap ai mayam manang langai mi hpe hkrum jang, shi hpe magra dun la nna du manat da ya let, ‘Ngai hpe jaw ra ai hka wa rit!,’ ngu wu ai.

MARKU 6:37

Yesu gaw, “Nanhte nan shanhte hpe sha hpa lama ma jaw mu,” ngu nna htan wu ai, shanhte gaw, “Anhte sa nna gumhpraw lap lahkawng tsa hte shanhte hpe muk mari jaw na rai kun?,” ngu nna shi hpe san mu ai.

YAWHAN 1:43

Hpang shani e Yesu gaw Galile mung de rai wa na myit daw dan wu ai. Shaloi Hpilip hpe mu wu ai rai nna, shi hpe, “Ngai kaw hkan nang rit,” ngu wu ai.

YAWHAN 1:44

(Hpilip gaw Andre yan Petru nga ai Betsaida mare na rai nga ai.)

YAWHAN 1:45

Hpilip gaw Nahtanela hpe mu nna, “Mawshe gaw Tara Laika ni hta, myihtoi ni mung myihtoi laika ni hta, sha-ang nna ka da ai, Yosep a kasha Nazaret mare na Yesu hpe anhte mu sagaw ai,” ngu nna shi hpe tsun dan wu ai.

YAWHAN 1:46

Nahtanela gaw, “Nazaret mare na arai kaja lama mi pru lu a ni?,” ngu nna htan wu ai. Hpilip gaw “She sa yu rit,” ngu nna htan wu ai.

YAWHAN 1:48

Nahtanela gaw, “Nang ngai hpe gara hku nna chye n ta?,” ngu nna san wu ai. Yesu gaw, “Nang hpe Hpilip garai n shaga kaw nna dai maihpang hpun npu e nang naw nga nga yang, ngai nang hpe mu de ai,” ngu nna htan wu ai.

YAWHAN 12:5

Shaloi sape ni hta na langai mi rai nga ai shi hpe ap kau na wa Yuda Iskarut ngu ai wa gaw, “Ndai Mura sau hpe lap masum tsa hte dut nna matsan mayan ni hpe hpa di n garan jaw a ta?,” ngu wu ai.