YAWHAN 6:52 - Jinghpaw Common Language Bible 2009

⁵² Dai shaloi Yuda masha ni gaw, “Ndai wa kaning di nna anhte hpe shi a ashan jaw sha lu na a ta?,” nga nna shanhte kata e pawt let tsun dangrang, san hkat nga ma ai.

Jinghpaw Hanson Version Bible

⁵² Dai re ai majaw Yuda masha ni, “Ndai wa gaw, kaning di nna anhte hpe shi a ashan jaw sha lu na a ta?” nga nna shada da tsun hkat ma ai.

YAWHAN 6:52 ပူးပေါင်းရင်းမြစ်များ

YAWHAN 1:19

Yerusalem mare na ahkang aya lu ai Yuda masha ni gaw hkinjawng agyi ni hte Lewi masha nkau mi hpe Yawhan hpang de shangun dat nna, “Nang gaw kadai rai nga n ta?,” ngu nna san mu ai.

YAWHAN 10:19

Dai ga ni a majaw, Yuda masha ni hta myit n hkrum nna hka bra na lam bai pru wa malu ai.

YAWHAN 3:4

Nikodi gaw, “Asak kaba sai masha langai mi gaw kaning rai bai shangai lu na a ta? Kanu a hkritung de bai shang nna shangai lu na a ni?,” ngu nna san wu ai.

YAWHAN 3:9

Shaloi Nikodi gaw, “Dai gaw kaning rai byin lu na a ta?,” ngu nna bai san wu ai.

YAWHAN 4:11

Dai numsha mung, “Madu e, nang ntsin ja na rai hpa mung n lu ndai, hka htung mung sung nga ai. Dai majaw, nang kanang na dai asak jahkrung ya ai ntsin lu la na n ta?

YAWHAN 6:41

Yesu shi nan, “Ngai gaw sumsing lamu de nna yu wa ai muk rai nngai,” nga nna tsun ai majaw, Yuda masha ni shi a lam aput angun nga ma ai.

YAWHAN 6:60

Dai re ai majaw shi a sape ni law law wa dai ga na jang, “Ndai sharin shaga ai ga gaw yak la nga ai rai nna, kadai wa dai hpe madat lu na i?,” nga ma ai.

YAWHAN 9:16

Shaloi Hparishe ni nkau mi gaw, “Dai wa gaw Bansa Nhtoi a Tara hpe n hkan n sa ai majaw, Karai Kasang kaw na du sa ai wa n rai,” nga ma ai. Bai nkau mi gaw, “Yubak lu ai wa langai gaw ning re ai lamik kumla ni hpe kaning rai galaw lu na a ta?,” nga ma ai. Shing nga nna shanhte a kata hta myit hkrum ai lam n nga ai, shai wa bra wa ma ai.

KASA 17:32

Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.