YAWHAN 5:23 - Jinghpaw Common Language Bible 2009

²³ Dai rai nna masha ni gaw Kawa hpe hkungga ai hte maren, Kasha wa hpe mung hkungga na mara ai. Kasha wa hpe n hkungga ai masha kadai mung, Kasha wa hpe shangun dat ai Kawa hpe n hkungga ai wa rai nga ai.

Jinghpaw Hanson Version Bible

²³ Kasha wa hpe n hkungga ai wa gaw, shi e shangun dat ai Kawa hpe mung n hkungga ai rai nga ai.

YAWHAN 5:23 ပူးပေါင်းရင်းမြစ်များ

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

ESAIA 42:8

“Ngai chyu sha dai Madu na a Karai Kasang rai nga nngai. Kaga karai gaw nye a hpung shingkang hpe garan la mai nga ai n rai; Ngai gaw kaga hpara sumla ni hpe nye a shakawn kungdawn ga garan hkam la shangun na n rai.

ESAIA 44:6

Israela hpe up nna makawp maga nga ai dai Madu Chyahtum Chyalai N-gun rawng ai dai Madu gaw ning ngu tsun nga ai: “Ngai gaw shawng ningshawng wa hte ahpang jahtum ngu ai Karai Kasang rai nga nngai; ngai hta lai karai shaje n nga nga ai.

ESAIA 45:15

Shi a amyu masha ni hpe hkye la ai Israela a Karai Kasang gaw shi hkum shi makoi nga ai Karai Kasang rai nga ai.

ESAIA 45:21

Tara rung hta na a amu sa shawn u; mara shut ai ni gaw shanhte shada da jahkrup hkat mu ga. Moi chyaloi nhkoi kaw nna byin mat wa sai lam ni hpe kadai tau tsun lu a ni? Shi a amyu masha ni hpe hkye la ai Karai Kasang ngu ai dai Madu ngai wa rai nga ai, n rai ni? Karai shaje n nga nga ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

MAHTE 10:37

Kadai mung ngai hpe tsaw ra ai hta, kanu kawa hpe grau tsaw ra ai wa gaw, nye a sape tai na matu n ging n dan nga ai; ngai hpe tsaw ra ai hta, shayi shadang sha hpe grau tsaw ra ai wa mung, nye a sape tai na n ging n dan nga ai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

MAHTE 12:21

Masha amyu ni yawng mung, shi hta myit mada shara lu la na mara ai,” nga ai rai nga ai.

MAHTE 15:8

‘Ndai amyu gaw tinang a nten hte ngai hpe hkungga lara rai ma ti mung, tinang a myit masin gaw ngai hte kaja wa tsan gang nga malu ai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

YAWHAN 14:1

Yesu gaw, “Nanhte myit hkum ru myit; Karai Kasang hpe kam mu, ngai hpe mung kam mi.

YAWHAN 16:14

Dai wa gaw ngai tsun ai ga hpe la nna nanhte hpe bai htawn tsun dan na ra ai rai nna, nye a hpung shingkang shapraw ya na ra ai.

YAWHAN 17:10

Ngai lu malu gaw, na a rai nga ai; nang lu malu mung nye a rai nga ai rai nna, nye a hpung shingkang shanhte hta dan hkung li ai.

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

ROMA 15:12

Bai Esaia gaw, “Yese a aru arat langai mi paw pru na ra ai, maigan amyu ni hpe up na matu Karai Kasang gaw shi hpe paw pru shangun na rai nna, Maigan amyu ni dai wa hta myit mada kam hpa nga na mara ai,” nga ai.

ROMA 6:22

Rai ti mung ya nanhte gaw dai yubak kaw na shalawt dat ai hkrum nna Karai Kasang a mayam ni tai wa manit dai. Nanhte lu la ai akyu gaw Madu a matu nanhte a hkum hpe awm dawm ap nawng ai a majaw jahtum e htani htana asak lu la ai lam rai nga ai.

ROMA 8:9

Rai ti mung, nanhte a hkum shan myit e hkang ai hku n re ai sha nanhte hta Wenyi nan shanu nga yang gaw Wenyi e hkang ai hku galaw hkawm sa myit mang lu na rai myit dai. Kadai rai ti mung Hkristu a Wenyi n rawng ai wa gaw Hkristu hte n seng nga ai.

1 KORINHTU 1:3

Anhte a Wa Karai Kasang hte Madu Yesu Hkristu kaw na ngwi pyaw ai gaw nanhte hta e anga nga malit ga law.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

1 KORINHTU 16:22

Marai langai ngai dai Madu hpe n tsaw n ra a yang gaw, shi hta dagam dala hkrum u ga! Maranahta-Dai Madu du ru ga!

1 KORINHTU 6:19

Nanhte a hkum hkrang gaw, nanhte hta rawng nga ai Karai Kasang jaw ya ai dai Chyoi pra ai Wenyi a htingnu rai nga ai hpe, nanhte n chye myit ni? Nanhte gaw nanhte a hkum hpe up madu lu myit dai n rai, Karai Kasang chyu sha madu rai nga ai.

2 KORINHTU 1:9

Anhte gaw si ari daw dan hkrum ai ni rai ga ai ngu nna pyi tinang hkum hpe nawn da ga ai. Rai ti mung ning rai byin ai lam gaw, anhte gaw tinang a hkum hpe n kam hpa ai sha si mat ai ni hpe hkrung sharawt ai Karai Kasang hta shamyet shanat kam hpa nga na matu rai nga ai.

2 KORINHTU 5:14

Anhte hpe Hkristu a tsaw ra ai myit e up hkang da mi ai. Hpa majaw nga yang, marai langai mi masha yawng mayawng a matu mara si hkam sai hpe anhte myit mu myit hkut saga ai. Dai rai nna dai gaw shi a si hkam ai hta yawng mayawng si hkam lawm sai ngu ai lachyum rai nga ai.

2 KORINHTU 5:19

Anhte hkaw tsun ai mungga gaw, Karai Kasang gaw Hkristu hta e masha yawng mayawng hpe shi a jinghku ni tai wa shangun ai lam hte seng ai mungga rai nga ai. Karai Kasang gaw masha a yubak mara ni hpe n matsing da ya ai hta n ga, shanhte hpe shi a jinghku ni tai wa hkra gara hku galaw sai lam tsun gawn dan ai mungga anhte hpe jaw da mani ai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

HEBRE 1:6

Rai ti mung Karai Kasang gaw shi a Kasha alat hpe mungkan ga de shangun dat na hkyen ai shaloi, shi gaw, “Karai Kasang a lamu kasa ni yawng, shi hpe nawku daw jau lu na,” nga nna hkang dat sai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

1 YAWHAN 2:23

Dai Kasha hpe ndang kau ai wa kadai rai t mung, dai Kawa hpe mung ndang kau ai wa rai nga ai. Dai Kasha hpe hkap la ai wa dai Kawa hpe mung hkap la ai wa rai nga ai.

2 YAWHAN 1:9

Hkristu a sharin shaga ai lam hta n nga ai, dai hpe tawt kau ai wa kadai rai ti mung, Karai Kasang hte n seng ai Karai kata ai wa rai nga ai. Dai sharin shaga ai lam hta e ahkan nga ai wa kadai rai ti mung, Kawa yan Kasha hte seng nga ai.