YAWHAN 5:2 - Jinghpaw Common Language Bible 2009

² Yerusalem mare na Sagu Chyinghka makau e Hebre ga hku Betzahta ngu ai hka lawng langai mi nga ai, dai hka lawng hpe shinggrup nna jarawp manga mung gap da ma ai.

Jinghpaw Hanson Version Bible

² Ya Yerusalem mare hta dai sagu chyinghka makau e, jarawp manga gap da ai hte, Hebre ga hku Behtesda ngu ai hka lawng langai mi nga ai.

YAWHAN 5:2 ပူးပေါင်းရင်းမြစ်များ

NEHEMIA 12:39

dai kaw nna Ehprim Chyinghka, Yeshana Chyinghka, Nga Chyinghka, Hananela Langchyi hte Latsa Langchyi ni hpe lai kau da nhtawm Sagu Chyinghka de du ga ai. Anhte gaw Nawku Htingnu de sa wa ai Chyinghka makau e hkring nga ga ai.

NEHEMIA 3:1

Da ndai gaw mare bunghku hpe kaning rai bai galaw da ai lam rai nga ai. Hkinjawng Kaba Eliashib hte shi a hkinjawng manang ni Sagu Chyinghka hpe bai galaw nna dai hpe ap nawng nhtawm de a shara hta chyinghka ni hpe shakap tawn ma ai. Shanhte gaw Latsa Langchyi hte Hananela Langchyi du hkra shangut da lu ai bunghku hpe ap nawng ma ai.

NEHEMIA 3:32

Ja janghkam ni hte hpaga ga ai ni gaw jut gawk kaw nna Sagu Chyinghka du hkra hpang jahtum na daw hpe galaw ma ai.

ESAIA 22:11

Hka lawng dingsa na lwi hkrat wa ai hka hpe dim sha-ing da na matu nanhte gaw mare kata hta hka lawng ni hpe galaw manit dai. Rai ti mung nanhte gaw moi chyaloi nhkoi kaw nna dai lam yawng hpe yaw shada da ai hte byin wa na matu shabyin ya ai Karai Kasang a ga hpe n madat kau nga myit dai.

ESAIA 22:9

Nanhte gaw Yerusalem bunghku ni hta na bai gram lajang ra ai shara ni hpe mu manit dai. Nanhte gaw Yerusalem na dum nta mahkra hpe hkan yu nhtawm, mare bunghku bai gram lajang na nlung lu la na matu nta nkau mi hpe run kau nga myit dai.

YAWHAN 19:13

Pilat gaw dai ga ni hpe na jang, Yesu hpe woi shapraw nhtawm, Hebre ga hku Gabahta ngu ai nlung nep tawn ai shara na tara tingnyang hta dung nga ai.

YAWHAN 19:17

Shanhte gaw Yesu hpe woi dun wa mu ai. Yesu gaw shi a wudang hpe shi nan hpai nna “Pungkum ngu ai Shara de sa wa ai.” Dai shara hpe, (Hebre ga hku “Golgahta,” nga ma ai.)

YAWHAN 19:20

Yesu hpe jen da ai shara gaw mare hte mung nau n tsan nga ai hte, dai laika hpe Hebre ga, Latin ga, Grik ga hte ka da nga ai majaw, Yuda masha ni law law wa dai masat shamying da ai laika hpe hti ma ai.

YAWHAN 20:16

Yesu gaw, “Mari e,” ngu nna shaga wu ai. Shaloi shi mung kayin let, “Raboni!,” ngu nna Hebre ga hte htan wu ai. (Dai gaw ‘Sara’ nga ai rai nga ai.)

YAWHAN 5:3

Dai jarawp ni hta, machyi makaw re ai ni, myi kyaw ai, lagaw hten ai, hkum katsing si ai masha ni law law taw nga ma ai.

YAWHAN 7:21

Yesu gaw, “Ngai lamik kumla langai mi galaw se ai rai nna, nanhte yawng mau manit dai.

KASA 21:40

Hpyen du kaba wa shi hpe ahkang jaw wu ai rai nna, Pawlu gaw, lakang baw e tsap let, asim sha nga na matu lata dingsi mu ai, shanhte akatsi sha rai jang Hebre ga hte shanhte hpe tsun mu ai gaw:

SHINGRAN 16:16

Dai nat wenyi ni gaw hkawhkam ni hpe, Hebre ga hku Armagedon ngu ai shara de shaga jahpawng da mu ai.

SHINGRAN 9:11

Shanhte hta, shanhte a ntsa e up hkang nga ai hkawhkam langai mi lu ma ai; Shi a mying Hebre ga hku Abadon rai nna, Grik ga hku Apolion (de a lachyum gaw, “Jahten sharun ai wa,”) ngu ai rai nga ai.