YAWHAN 5:18 - Jinghpaw Common Language Bible 2009

¹⁸ Ning nga nna tsun ai majaw mung, Bansa Nhtoi hte seng ai Tara hpe tawt lai ai hta n ga, Karai Kasang hpe shi a Kawa re ai ngu nna shi hkum hpe Karai Kasang hte shabung wu ai majaw, ahkang aya lu ai Yuda ni shi hpe sat kau lu na lam grau nna tam ma ai.

Jinghpaw Hanson Version Bible

¹⁸ Dai rai nna, laban nhtoi jahprai ai hta n-ga, Karai Kasang hpe nan shi a Kawa nga nna, shi hkum dai hpe Karai Kasang hte shabung wu ai majaw, Yuda masha ni gaw shi hpe sat kau lu na lam, grau nna tam ma ai.

YAWHAN 5:18 ပူးပေါင်းရင်းမြစ်များ

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MAHTE 12:5

Bai Bansa Nhtoi shagu dai Nawku Htingnu hta nga ai hkinjawng ni gaw, Bansa Nhtoi hte seng ai tara hpe tawt lai ma ti mung, mara n nga ai lam Mawshe a Tara laika hta nanhte n hti yu myit ni?

YAWHAN 1:19

Yerusalem mare na ahkang aya lu ai Yuda masha ni gaw hkinjawng agyi ni hte Lewi masha nkau mi hpe Yawhan hpang de shangun dat nna, “Nang gaw kadai rai nga n ta?,” ngu nna san mu ai.

YAWHAN 10:30

Ngai hte nye Wa gaw langai sha rai nga ai,” ngu tsun wu ai.

YAWHAN 10:33

Shanhte gaw, “Kaja ai amu lama ma nang galaw ai a majaw, anhte nang hpe nlung hte kabai mayu ga ai n rai, rai ti mung nang gaw, Karai Kasang a mying nsang hpe n-gawn n sawn shatan nhkan ga tsun ndai hte, shinggyim masha sha rai da nhtawm me, na a hkum hpe nang Karai hpyi hpun ndai majaw kabai na ga ai,” ngu nna htan mu ai.

YAWHAN 14:23

Yesu gaw, “Ngai e tsaw ra ai wa rai yang gaw, nye a sharin shaga ai ga hpe madat mara hkan sa shatup na ra ai. Nye Wa mung dai wa hpe tsaw ra na wu ai rai nna an lahkawng gaw dai wa kaw sa nna, shi hte rau shanu nga na ga ai.

YAWHAN 14:9

Yesu gaw, “Hpilip e, ngai nanhte hte nde nlaw na hkra nga nga sati mung, nang ngai hpe n chye n ni? Ngai hpe mu yu ai wa gaw, Wa hpe mu yu nu ai; dai re ai mi, ‘Wa hpe anhte e madun dan mi,’ nga nna hpa rai tsun n ta?

YAWHAN 19:7

Shaloi Yuda masha ni gaw, “Dai wa gaw shi hkum hpe Karai Kasang a Kasha rai nngai nga nna hpyi hpun ai ga tsun ai majaw, si ging ai ngu nna anhte a tara hta tsun da nga ai,” ngu nna shi hpe htan mu ai.

YAWHAN 5:15

Dai wa gaw pru wa nna shi hpe shamai ya ai wa gaw, Yesu rai nga ai hpe, ahkang aya lu ai Yuda masha ni hpe tsun dan wu ai.

YAWHAN 5:16

Bansa nhtoi hta shamai shatsai ai lam galaw ai majaw, dai shani kaw nna Yesu hpe zingri sharu shatsang ai lam galaw hpang wa ma ai.

YAWHAN 5:17

Shaloi Yesu gaw, “Nye Wa gaw ya du hkra pyi amu galaw nga ai rai nna, ngai mung galaw lu na rai nga ai,” ngu nna shanhte hpe htan mu ai.

YAWHAN 5:23

Dai rai nna masha ni gaw Kawa hpe hkungga ai hte maren, Kasha wa hpe mung hkungga na mara ai. Kasha wa hpe n hkungga ai masha kadai mung, Kasha wa hpe shangun dat ai Kawa hpe n hkungga ai wa rai nga ai.

YAWHAN 7:1

Dai hpang Yesu gaw Galile mung hkan hkawm sa nga ai. Ahkaw ahkang lu ai Yuda masha ni shi hpe sat kau na la nga ma ai majaw Yuda mung e n hkawm mayu wu ai.

YAWHAN 7:19

Mawshe gaw nanhte hpe Jep Ai Tara jaw da manit dai n rai ni? Rai ti mung nanhte hta na kadai mung, dai Tara hpe n hkan myit dai. Ngai hpe sat kau na hpa rai tam nga myit ta?,” ngu nna shanhte hpe htan mu ai.

YAWHAN 8:54

Yesu gaw, “Nye hkum hpe ngai shagrau nngai rai yang gaw, nye a arawng sadang hpa manu n rawng nga ai. Ngai hpe shagrau ai wa gaw nye Wa rai nga ai. Dai wa hpe nanhte a Karai Kasang re ai, nga nna nanhte tsun myit dai.

YAWHAN 8:58

Yesu gaw, “Ngai nanhte hpe kaja wa teng teng tsun made ga, Abraham garai n shangai ai kaw nna ngai nga nga ni ai,” ngu nna shanhte hpe tsun mu ai.

HPILIPI 2:6

Shi gaw galoi mung Karai gawng shingyan hte, nga pra nga timung, Karai Kasang hte maren rai taw nga na, ma ja e magra noi nga na n myit wu ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 22:3

Karai Kasang a dagam dala hkrum ai ngu ai hpa mung htawm hpang de dai mare hta nga sana n rai. Karai Kasang hte Sagu Kasha a tingnyang gaw, dai mare kata hta nga nga na ra ai rai nna, shi a shangun ma ni shi hpe nawku daw jau na mara ai.