YAWHAN 5:10 - Jinghpaw Common Language Bible 2009

¹⁰ Dai re ai majaw, ahkang aya lu ai Yuda masha ni gaw, dai machyi mai ai wa hpe, “Dai ni Bansa Nhtoi rai nga ai rai nna, nang hpun nba panep hpai ai gaw anhte a tara hte nhtan shai nga ai,” ngu mu ai.

Jinghpaw Hanson Version Bible

¹⁰ Dai shani gaw laban nhtoi rai nga ai. Dai re ai majaw Yuda masha ni gaw, dai machyi mai ai wa hpe, “Dai ni laban nhtoi rai nga ai rai nna, nang hpun panep n mai hpai ndai,” ngu mu ai.

YAWHAN 5:10 ပူးပေါင်းရင်းမြစ်များ

ESAIA 58:13

Dai Madu gaw, “Bansa Nhtoi hpe chyoi pra ai zawn nang hkungga nna, dai shani e na a hpaga amyat n tam ai sha, nye a chyoi pra ai shani hpe nang manu shadan ai hte shagrau sha-a ai hku, dai nhtoi e gara de mung n sa, amu n galaw, n tsun n ang ai ga hpe n shaga ai rai yang,

YEREMIA 17:21

Shanhte gaw shanhte a asak hkrun lam hpe tsaw ra ai rai yang, Bansa Nhtoi hta shanhte lit hpa mung n gun hpai lu na lam, Yerusalem mare chyinghka lam hku nna arai hpa mung n hpai jashawn lu na lam,

YEREMIA 17:27

Rai ti mung, shanhte gaw nye a ga hpe madat mara nna chyoi pra ai shani hku nna Bansa Nhtoi hpe hkan sa lu na ma ai. Shanhte gaw dai nhtoi e Yerusalem mare chyinghka lam ni hku lit hpa mung hpai lai lu na ma ai n rai. Shanhte dai hku galaw ai rai yang, dai Yerusalem mare chyinghka ni hpe ngai wan nat kau na we ai. Dai wan gaw Yerusalem a hkaw htingnu ni hpe hkru kau na ra ai; langai mi mung dai wan hpe sat kau lu na ra ai n rai,” nga nna tsun ai.

MAHTE 12:10

Ya dai tara jawng hta lata katsing si ai masha langai mi nga ai. Dai kaw masha nkau mi mung nga ma ai rai nna, shanhte gaw Yesu hpe mara shagun mayu mu ai majaw, Bansa Nhtoi hta e mai shamai ya a ni? ngu nna shi hpe san mu ai.

MARKU 2:24

Dai rai nna Hparishe ni gaw, “Yu u, Bansa Nhtoi hta e n galaw mai ai amu hpe shanhte hpa rai galaw nga ma ta?,” ngu nna Yesu hpe tsun mu ai.

MARKU 3:4

Dai hpang shi gaw masha ni hpe, “Anhte a tara hta Bansa Nhtoi e hpa galaw mai ai nga nna ahkang jaw da a ta? Karum la na matu, shing n rai jam jau jaw na matu kun? Masha langai mi a asak hkye la na, shing n rai sat kau na matu kun?,” ngu nna san wu ai. Rai ti mung shanhte gaw hpa langai mi mung n tsun ma ai.

LUKA 13:14

Shing rai, Yesu Bansa Nhtoi e shamai ya ai majaw, tara jawng agyi wa masin pawt ai hte shawa masha ni hpe, “Anhte amu galaw mai ai nhtoi kru ya nga ai; dai nhtoi ni hta sa nna shamai la mu; Bansa Nhtoi hta gaw hkum sa myit,” ngu nna tsun mu ai.

LUKA 23:56

Dai hpang shanhte nta de wa nna manam pyaw ai baw hte mura sau lajang da ma ai. Bansa Nhtoi gaw dai jep ai Tara hte maren hkring sa ma ai.

LUKA 6:2

Hparishe nkau mi gaw, “Anhte a tara hta tsun da ai Bansa Nhtoi e n mai di ai lam, hpa rai nanhte galaw myit ta?,” nga nna san ma ai.

YAWHAN 1:19

Yerusalem mare na ahkang aya lu ai Yuda masha ni gaw hkinjawng agyi ni hte Lewi masha nkau mi hpe Yawhan hpang de shangun dat nna, “Nang gaw kadai rai nga n ta?,” ngu nna san mu ai.

YAWHAN 5:11

Dai wa gaw, “Ngai e shamai ya ai wa ngai hpe na a hpun nba panep hta hpai nna hkawm wa su, nga nna ngai hpe tsun ai,” ngu nna shanhte hpe htan mu ai.

YAWHAN 5:15

Dai wa gaw pru wa nna shi hpe shamai ya ai wa gaw, Yesu rai nga ai hpe, ahkang aya lu ai Yuda masha ni hpe tsun dan wu ai.

YAWHAN 5:16

Bansa nhtoi hta shamai shatsai ai lam galaw ai majaw, dai shani kaw nna Yesu hpe zingri sharu shatsang ai lam galaw hpang wa ma ai.

YAWHAN 7:23

Mawshe a Tara n hten mat u ga matu, nanhte gaw la kasha langai mi hpe Bansa Nhtoi hta matu gadoi lam jaw myit dai mi, Bansa Nhtoi hta masha hkum ting hpe ngai shamai ya ai majaw, nanhte ngai hpe hpa rai masin pawt bu nga myit ta?

YAWHAN 9:16

Shaloi Hparishe ni nkau mi gaw, “Dai wa gaw Bansa Nhtoi a Tara hpe n hkan n sa ai majaw, Karai Kasang kaw na du sa ai wa n rai,” nga ma ai. Bai nkau mi gaw, “Yubak lu ai wa langai gaw ning re ai lamik kumla ni hpe kaning rai galaw lu na a ta?,” nga ma ai. Shing nga nna shanhte a kata hta myit hkrum ai lam n nga ai, shai wa bra wa ma ai.