YAWHAN 4:7 - Jinghpaw Common Language Bible 2009

⁷ Shaloi Samari numsha langai mi hka ja na matu sa wa ai, Yesu gaw, “Ngai hpe ntsin jaw lu e,” ngu nna shi kaw hpyi wu ai.

Jinghpaw Hanson Version Bible

⁷ Shaloi Samari numsha langai mi hka ja na pru sa ai: Yesu gaw, “Ngai hpe ntsin jaw lu e,” ngu nna shi hpe hpyi wu ai:

YAWHAN 4:7 ပူးပေါင်းရင်းမြစ်များ

NINGPAWT NINGHPANG 24:17

Dai shangun ma wa gaw shi hpang de gat sa wa nhtawm, “Chyeju hte na a di bu kaw na ntsin ngai hpe jaw lu e,” ngu nna tsun wu ai.

NINGPAWT NINGHPANG 24:43

Ndai hka htung makau e ngai nga nga nngai. Nang de num mahkawn langai mi hka ja sa na matu, pru sa wa ai shaloi shi a di bu kaw na lu hka ntsin ngai hpe jaw lu na matu hpyi nngai.

1 HKAWHKAM 17:10

Dai rai nna Elia gaw Zarephta hpang de sa mat wa wu ai; mare chyinghka lam e shi du jang, hpun hta nga ai gaida jan langai mi hpe mu wu ai. Elia gaw shi hpe, “Chyeju hte lu hka ntsin jaw e law,” ngu nna tsun wu ai.

MAHTE 10:42

Ngai nanhte hpe teng teng tsun made ai gaw, nye a sape myi man hpe tau nna, nye a sape ni hta na kaji dik ai wa hpe ntsin katsi gawm mi sha jaw wu yang, shi gaw nye a sape rai nga ai majaw, dai jaw ai wa gaw shabrai teng teng n lu la ai nga na n rai,” ngu nna tsun mu ai.

YAWHAN 19:28

Yesu gaw dai ahkying hta amu mahkra ngut sai hpe chye wu ai rai nna, dai Chyum Laika hta ka da ai hte maren shadik na matu, “Ngai hpang gara nngai,” ngu nna tsun wu ai.

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

YAWHAN 4:6

Dai yang e Yaku a hka htung nga nga ai. Yesu gaw lam hkawm ba ai majaw, dai hka htung makau e dung nga ai. Dai aten gaw shani ka-ang hkying shi lahkawng daram hta rai nga ai.

YAWHAN 4:8

(Shi a sape ni chyawm gaw, sha hpa mari na matu mare de sa mat wa masai.)