YAWHAN 4:32 - Jinghpaw Common Language Bible 2009

³² Rai ti mung shi gaw, “Nanhte n chye ai lusha ngai lu da we ai,” ngu nna shanhte hpe htan mu ai.

Jinghpaw Hanson Version Bible

³² Shi gaw, “Nanhte n chye ai shahpa ngai lu da we ai,” ngu nna shanhte hpe htan mu ai.

YAWHAN 4:32 ပူးပေါင်းရင်းမြစ်များ

YOBA 23:12

Karai Kasang hkang da ai lam hpe ngai tut nawng galaw nngai; nye a myit ra ai hku n rai, shi a myit ra ai hku ngai hkan nang nngai.

SHAKAWN KUNGDAWN 119:103

Nang sharin shaga ai ga matsun ni gaw kade wa dwi nga a hka! Dai gaw lagat jahku hta pyi grau nna dwi nga ai.

SHAKAWN KUNGDAWN 25:14

Dai Madu gaw shi a ga madat mara nga ai ni a jinghku rai nga nna shi a ga shaka shanhte hte shagrin da nga ai.

SHAKAWN KUNGDAWN 63:5

Nye a wenyi gaw, dwi sau ai lusha hpe sha lu ai zawn myit dik ai hkrum na ra ai; ngai nang hpe kabu gara ai mahkawn mangoi ga ni hte mahkawn shakawn nga na nngai.

GA SHAGAWP 14:10

Na a kabu gara ai gaw na a matu rai nga ai, na a myit yawn hkyen ai mung na a matu rai nga lit dai; kadai mung dai hpe shang garan kau ya lu nga ai n rai.

GA SHAGAWP 18:20

Nang tsun shaga ai a jaw e, byin wa ai mabyin masa yawng hpe nang hkam la lu na ndai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

YEREMIA 15:16

Nang ngai hpe tsun shaga ai ga hkum shagu hte hpe ngai madat se ai. Chyahtum Chyalai N-gun Rawng ai Madu Karai Kasang e, nang ngai hpe madu da nga ndai majaw na a mungga ni nye a myit kraw lawang hta kabu gara ai hte awng sharawng ai hte jahpring ya nit dai.

YAWHAN 4:31

Dai laman sape ni gaw, “Rabai e, shat sha u,” ngu nna shi hpe saw lajin mu ai.

YAWHAN 4:33

Dai majaw sape ni gaw, masha langai ngai shi hpe shat sa jaw masai kun! nga nna shada da san ma ai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

KASA 20:35

Lam shagu hta nanhte hpe madun dan sai nye a len ningli hte maren nanhte mung amu galaw shaja nna hkam sha ai hta jaw ya ai mahtang grau a lu nga ai, nga nna Madu Yesu tsun ai ga ni hpe dum nga let, ra kadawn gawng kya nga ai ni hpe anhte karum madi shadaw lu na rai nga ai,” ngu na tsun mu ai.

SHINGRAN 2:17

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.